مهندس الديكور تكلفة عالفاضي ••••••
ليه اجيب لشقة ١٥٠ متر واديله على الاقل ١٠ الاف جنية عشان يديلي شوية صور ورسومات
ما انا ممكن اجيب صور من عالنت وانفذها واوفر الفلوس دي او اجيب بيها خامات اعلى
ده اللي معظم الناس بتعتقده وناسيه حاجة مهمة ان مهندس الديكور نفسة ما بيستخسرش انه يعمل لنفسه قبل #التنفيذ وبيكلفه لان على فكره مش لازم مهندس الديكور يكون بيعرف يشتغل على برامج التصميم زي ال مثلا او اي برنامج اخر
الكلام اللي هقوله ده بصفتي اولا قبل ما اكون شغال في #الديكور
المهندس بصفة عامة هو اللي يقدر يخليك تدفع فلوس اقل ودي وظيفته انه يلبي لك طلباتك واحتياجاتك وبخبرته يخليك تصرف نظر عن بعض الطلبات او يزيد اخرى
المهندس مش هيخليك تعمل الواجهة كلها رخام او حجر لانه عارف ان #الجمال في تداخل الخامات الرخيص والغالي
المهندس هيختارلك #خامة في الديكور لو حتى غالية بس بتتكلم عن نفسها وليها شخصيتها 🕺في التصميم مش هتلاقى عشوائية في الخامات الغالية
المهندس هيعرفك على خامات بديلة زي مثلا في الحيطة ليه تحط رخام داخلي المتر فيه ب ٢٠٠٠ ج وانت تقدر تبدلة ببديل للرخام .او مثلا ببديل للخشب في اماكن الرطوبة هتبوظلك الخشب بتاعك لو التصميم محتاج #خشب وتغيره بعد فترة وتخسر
المهندس هيختارلك ال #جبس اللي شكله شيك مش الاشكال اللي بيعملها الصنايعي لمجرد انها اشكال صعبه وتمتر معاك شغل مقطوعية لانه اشتغل فعلا فيها كتير
المهندس هيديلك فرصه انك تشوف تصميم بيتك قبل ما تدفع فيه ٢٠٠ الف جنيه مثلا وما يعجبكش بعد ما يخلص
ولو دفعت حق الحصر للكميات (لانه للعلم بيكون غير التصميم لانه بياخد مجهود تاني) هيعرفك انت عندك كام متر بالظبط عشان تقدر تحاسب الصنايعية على ٤٠٠ متر دهان بدل ٤٥٠ وهكذا في الجبس والبورسلين وكل البنود التانية اللي ممكن تلاقي نفسك دافع ٢٠ ل ٣٠ الف زيادة وانت مش عارف
المهندس بيعملك تصميم يظهر الفرش ويوفرلك في الفرش الغالي يعني مثلا ظهر سرير يكلفك ٣٠٠٠ ج في الحائط مع تقفيل دريسنج رووم معظمة مباني وطوب هيوفر عليك غرفة نوم سعرها ٣٥٠٠٠ ج وتجيبها ب ٢٠ الف بس
المهندس بإختصار هيوفر ليك مبلغ انت محتاجة مش هياخد منك فلوس عالفاضي
Be the first to know and let us send you an email when جدران posts news and promotions. Your email address will not be used for any other purpose, and you can unsubscribe at any time.
