27/09/2020
دفعـــة كورونـــــا.. مرحباً بكم في سوق العمل.. نتمنى لكم مستقبل مشرق
رحلة الـ للمهندس المدني
*************************************
شريحة كبيرة من المهندسين حديثي التخرج للأسف الشديد ممكن يتسرب لهم الكثير من الإحباط و اليأس نتيجة لمحاولاتهم للبحث عن فرصة عمل مناسبة و لكن بدون جدوى.
يعني انت تكون اتخرجت من هندسة و أخدت كورساتك و طورت نفسك و اتعلمت برامج و عملت الـ CV كل ده تمام، و لكن بتبعت الـ CV لشركات كتير و مفيش رد بيوصلك تقريباً.. و ده بيوصلك إحساس إنك مش هتشتغل بدون واسطة.
طبعاً من الأسباب الرئيسية لده هو إختلال ميزان العرض و الطلب، بمعنى إن عدد الوظائف المطروحة للمهندسين حديثي التخرج أقل بكتير من عدد المهندسين اللي بيقدموا على شغل.
عشان تتخيل حجم المشكلة حاول تفكر كدة.. الشركة اللي انت شوفت إعلانها على النت و بعتلها الـ CV كام مهندس غيرك بعتلها الـ CV على نفس الإيميل..؟ بدون مبالغة الآف المهندسين
و ده بالتأكيد بيقلل جداً من احتماليه إن الـ CV بتاعتك تتشاف أصلاً أو تتفتح.
عشان تزود فرصتك في إنك تشتغل لازم تسعى و تحاول إنك تقدم على كل الوظائف المتاحة بشتى الطرق الممكنة، ولازم تكون عارف إن إرسال الـ CV على E_MAIL الشركات لوحده غير كافي.
في البوست ده هنقولك على 12 طريقة لرحلة البحث عن عمل الـ JOB SEARCH
المطلوب منك إنك تحاول قدر إستطاعتك إنك تسعى في الـ 12 طريقة مجتمعين عشان تزود فرصتك بشكل كبير في إقتناص فرصة عمل مناسبة
***********************************
الطريقة رقم (1) – Sending Emails
=====================
إرسال الـ CV للشركات عن طريق الإيميل.. الطريقة التقليدية اللي أغلب حديثي التخرج بيلجأوا ليها لسهولتها و هي إنك تتابع صفحات و جروبات الفيسبوك و لما تشوف إعلان مناسب لوظائف تبعت الـ CV على إيميل الشركة، ممكن طبعاً الطريقة دي مع التكرار تجيب نتيجة و تلاقي شركة من اللي بعت لهم تتصل بيك و لكن لو اكتفيت بالطريقة دي فقط فرصتك هتكون ضعيفة.
مهم جداً إنك تتعلم إزاي تكتب و ترسل إيميل إحترافي، لأن في أخطاء بيقع فيها كتير من حديثي التخرج في إرسال الـ CV بالايميل و قد تتسبب الأخطاء دي في عدم قبولهم.. زي مثلاً إنك تسيب خانة الـ Subject فاضية أو إنك تحط إيميلات أكتر من شركة على الـ CC أو ترفع الـ CV في فايل مضغوط أو بصيغة غير pdf... إلخ.
تقدر بسهولة تدخل على GOOGLE أو YOUTUBE و تعمل Search عن كيفية إرسال الإيميلات بطريقة إحترافية.
الطريقة رقم (2) – Apply Online Applications
=============================
كتير من الشركات الكبرى اللي ليها مواقع على الإنترنت بيكون متاح من خلال الموقع إنك تملى أبليكيشن خاص بالتوظيف، بحيث بياناتك تبقى مسجلة بقسم الـ HR بالشركة، و بمجرد إحتياج الشركة لتوظيف عاملين جدد بيتم فرز البيانات المسجلة لدى الشركة و بيكون ليها الأولوية في التوظيف.
حاول باستمرارا تكون متابع مواقع الشركات الكبرى زي:
أوراسكوم، المقاولون العرب، أبناء حسن علام، جاما، طلعت مصطفى، NEW GIZA، مجموعة درة، ECG، معمار المرشدي، المراسم، دار الهندسة، SIAC ، كونكورد، إعمار، REDCON ، CCC ، ديتاك، سامكريت، الغرابلي للإنشاءات، الشعفار الإماراتية، الخرافي، الحكير، الأهلي للتنمية العقارية، العبد للمقاولات.... إلخ
الطريقة رقم (3) – LINKED IN
===================
طالما انت حالياً بتقرا البوست ده يبقى أكيد ليك أكاونت على فيسبوك، و لكن الأهم حالياً بالنسبة لك إن يكون ليك أكاونت إحترافي على موقع LINKED IN لأن أغلب مسئولي الـ HR بالشركات الكبرى بيتواصلوا من خلال لينكد إن.
تواجدك بقوة على موقع لينكد إن يعتبر ضرورة مش رفاهية إذا كنت ترغب إن يكون فرصتك أكبر في اقتناص فرص عمل متميزة.
من مزايا لينكد إن إنه بيساعدك على تكوين شبكة علاقات قوية مع مهندسين شغالين بشركات كبريى في نفس مجالك و تخصصك
اتعلم تعمل أكاونت إحترافي على لينكد إن من هنا: https://bit.ly/2TyBF8e
الطريقة رقم (4) – إعلانات الجرائد
=====================
طريقة مهجورة نسبياً نظراً لأننا مابقيناش نشتري الصحف الورقية و الجرائد زي زمان، و لكن إعلانات الجرائد فعلياً بتكون فعالة إلى حد كبير في فرص العمل، و ده نظراً لأن الإقبال عليها أقل بكتير من الإعلانات الأونلاين.. ففرصتك هتكون أكبر من غيرك لو تابعت إعلانات التوظيف بالجرائد.
أفضل الجرائد من حيث إعلانات التوظيف بمصر هما جريدة الوسيط (يومي الجمعة و الأثنين) و جريدة الأهرام (يوم الجمعة).
حاول تبقى متابعهم بصفة مستمرة و اختار إعلانات التوظيف المناسبة ليك و ابعت عليها
الطريقة رقم (5) – البريد المصــري
=====================
أغلب الشركات الحكومية و شركات القطاع العام لما بتنزل إعلانات توظيف بتوضح رقم بريدي لإرسال طلبات التقديم أو السيرة الذاتية من خلال البريد المصري، بقدر ما الطريقة دي تعتبر طريقة تقليدية و بدائية و لكنها بتححق نتائج فعاله و بتعلي من فرصتك.
الطريقة رقم (6) – إعلانات نقابة المهندسين
========================
حاول تستغل تواجدك بأي من مقرات أو نوادي نقابة المهندسين، و تابع إعلانات التوظيف اللي بتكون موجودة في لوحات الإعلانات، إلى حد كبير بتكون إعلانات موثوق فيها و أكيد هتزود فرصتك.
الطريقة رقم (7) – JOB FAIRS
===================
من أهم طرق التواصل مع الشركات الكبرى و الشركات الـ Multinational هي حضورك لفعاليات ملتقيات التوظيف، الملتقيات التوظيفية أو الـ JOBFAIRS هي عبارة عن تجمعات توظيفية بيتم عقدها على فترات متفاوته على مدار العام و برعاية جهات محددة، و في الغالب بتعقد بأحد الفنادق المشهورة.
لو التزمت بمتابعة الملتقيات التوظيفية بصفة مستمرة و الإشتراك فيها، هيكون عندك فرصة كبيرة جداً في التقديم لكبرى الشركات.
مهم و انت رايح أي JOB FAIR إنك تكون مجهز الـ CV بتاعتك و طابعها عدد كبير من النسخ عشان هتسلمها للشركات الموجودة في الملتقى.
الطريقة رقم (8) – أعضاء هيئة التدريس
======================
لو انت لسه طالب في بكالوريوس حاول تستغل تواجدك في وسط عدد كبير من الأساتذة و الدكاترة من أعضاء هيئة التدريس، و حاول تكون على علاقة طيبة بيهم و على تواصل دائم، كتير من دكاترة الجامعات بيكون ليهم عمل خاص خارج الجامعة سواء مكاتب إستشارية أو مكاتب هندسية أو مقاولات، و بيكون ليهم ليهم شبكة علاقات و معارف كبيرة، تقدر تستفيد من علاقاتك بأعضاء هيئة التدريس في إنك تتواصل معاهم بحيث يتم ترشيحك في حالة وجود فرص عمل مناسبة.
الطريقة رقم (9) – Freelancing Sites
=======================
من أفضل مصادر الدخل الجانبية ليك كمهندس هي إنك تعمل شغل Freelancing من خلال مواقع الفريلانسينج المشهورة، و دي بتكون عبارة عن مواقع عالمية تقدر تعمل عليها أكاونت و تعرض إيه الأعمال اللي تقدر تقوم بيها في أي تخصص سواء أعمال هندسية أو غيره، و بيتواصل معاك أشخاص من أنحاء العالم و تقدر تنفذلهم الشغل بمقابل مادي متفق عليه مسبقاً و في الغالب الدفع بيكون بالدولار أونلاين، بالنسبة ليك كمهندس مدني تقدر تعمل شغل تصميمات أو لوحات شوب درووينج أو حصر كميات أو شغل جداول زمنية.. إلخ، بالإضافة لأنك تقدر تستغل أي مهارات أخرى عندك و تكون مصدر دخل جانبي ليك.
من أفضل و أشهر مواقع الفريلانسينج:
موقع: https://www.freelancer.com/
موقع: https://www.peopleperhour.com
موقع: https://www.upwork.com/
موقع: https://www.fiverr.com
الطريقة رقم (10) – مواقع التوظيف
====================
من أفضل الطرق و أكثرها تأثيراً هي إنك تبقى متابع باستمرار مواقع التوظيف المشهورة و اللي بتكون حلقة الوصل بين الشركات و الخريجين، و تقدر من خلال مواقع التوظيف تملى أبليكيشن أو تقدم على وظائف محددة بشكل مباشر.
من أفضل مواقع التوظيف اللي مهم إنك تتابعها باستمرار:
موقع فرصنا: https://forasna.com
موقع بيت دوت كوم: https://www.bayt.com
موقع جوبزيلا: https://www.jobzella.com
موقع وظف: https://wuzzuf.net/
وظائف موقع OLX : https://bit.ly/2IUkRob
وظائف الوسيط: https://bit.ly/NdN73E
الطريقة رقم (11) – WALK IN
==================
طريقة مرهقة نوعاً ما و لكنها بالفعل من أكثر الطرق فاعلية و هتختصر عليك وقت كبير في رحلة البحث عن الوظيفة المناسبة، المقصود بالـ Walk in هو إنك تطبع الـ CV بتعاتك عشرات النسخ و تنزل بنفسك تسلمها باليد بمقرات الشركات و بالمشاريع، من مزايا الطريقة دي إنك بتضمن إن الـ CV وصلت للشركة اللي حابب تقدم فيها بالإضافة إن فرصتك ممكن تكون أكبر من الالآف اللي اكتفوا بإنهم يبعتوا الـ CV على الايميل.
من عيوب الطريقة دي هو إنها طريقة مجهدة و تتطلب منك مشاوير كتير، و ممكن في بعض الحالات تسمع ردود ممكن تحبطك من بعض العاملين بالشركات اللي بتقدم فيها.
هنا مهم إنك انت هتقدم فين تحديداً و هتتحرك في أي إتجاه عشان ماتحسش بحيرة.
بناءاً على أهدافك الوظيفية إنت في الغالب بتكون مقرر إنت حابب تشتغل في شركة مقاولات أو مكتب إستشاري.. تنفيذ أو تصميم أو مكتب فني أو أياً كان المجال و التخصص اللي حابب تشتغل فيهم و تبقى مجهز الـ CV و بعد ماتطبعها عدد كافي من النسخ، هتنزل تتارجت منطقة معينة في رحلة البحث.. و ليكن مثلاً لو انت ناوي تدور على شغل في محافظة كبيرة زي القاهرة قدامك هنا اتجاهين.. إنك تنزل لمقرات إدارات الشركات أو إنك تنزل لمواقع المشاريع نفسها.
بالنسبة لمقرات الشركات فأغلب الشركات إما بتكون مقراتها في المناطق و الأحياء المشهورة زي مدينة نصر و مصر الجديدة و التجمع الخامس.. إلخ، أو بالقرب من أجهزة المدن الجديدة زي مدينة بدر و الشروق و التجمعات و الشيخ زايد و 6 أكتوبر... إلخ.
بالنسبة لمواقع المشاريع فممكن تنزل على المناطق اللي فيها أكتر من مشروع زي العاصمة الإدارية (R1, R2, R3, R8) ، مدينة الجلالة، العلمين الجديدة، مدينة المستقبل، توسعات التجمع الخامس (اللوتس الشمالية، سور المخابرات، الأندلس، النرجس الجديدة، دار مصر، مافييدا، أرض المعارض) و 6 أكتوبر (التوسعات الشمالية، توسعات طريق الواحات)... إلخ
مش بالضرورة إطلاقاً إنك تروح فقط لمقرات و مشاريع الشركات الكبرى، الأنسب في البداية إنك تروح لشركات و مكاتب مقاولات متوسطة حتى و إن كانت غير مشهورة لأن فرصتك هناك في البداية هتكون أكبر.
الطريقة رقم (12) – Your Social Network
==========================
علاقاتك ثم علاقاتك ثم علاقاتك.
كتير من الشركات لما بيكون عندهم فرص عمل متاحة مابينزلوش إعلانات، و لكن بيكتفوا بعمل إعلان داخلي بالشركة يبلغوا فيه الموظفين اللي معاهم إنهم محتاجين تعيينات جديدة و الموظفين في الغالب بيرشحولهم أشخاص من دائرة معارفهم.
فمن الحاجات المهمة جداً و اللي هتساعدك بشكل كبير في إقتناص فرصة عمل مناسبة هي إنك يكون عندك شبكة معارف و علاقات تقر تستفيد من تواصلك المستمر معاهم، أصحابك.. أقربائك.. زمايل دراسة.. مهندسين اتعرفت عليهم في كورس أو شغل.. إلخ.
حاول باستمرار تكون على تواصل جيد و فعال مع أكبر شريحة ممكنة من المهندسين اللي بيشتغلوا في تخصصات ممكن تفيدك لأن من خلال تواصلك معاهم ممكن بالفعل تنتهز فرص مش متاحة لغيرك.
******************************************
هنا هتلاقوا عناوين و أرقام تليفونات أكتر من 2000 شركة مقاولات بجميع محافظات مصر: https://bit.ly/2XFnNIG
مهم جداً إنك تكون محدد مسبقاً إنت حابب تشتغل في أي مجال و أي تخصص من المجالات و التخصصات الهندسية و ده اللي هو الهدف الوظيفي، و تكون عرفت متطلبات الوظايف اللي ناوي تقدم عليها و بدأت تطور نفسك بحيث لما تقدم و الشركة تتواصل معاك تكون Qualified لاجتياز الإنترفيو بجدارة.
مهم برضه إنك تكون كاتب الـ بطريقة إحترافية لأنها هي الإنطباع الأول للشركة عنك.
إستنونا في الـ POST الجاي عشان هنناقش معاكوا خطوات مهمة في رحلة الـ JOB SEARCH
ماتنساش تعمل للبوست عشان تفيد غيرك
بنتمنالكوا كل التوفيق و النجاح
