International Builders Group

06/06/2020

شقة مفروشة للايجار فرش فندقى فى اميز مواقع. الرحاب بالمرحلة الخامسة
الشقة مساحة ٩٠ متر عبارة عن غرفتين نوم وحمام ومطبخ
الفيو جاردن وقريبة من كل الخدمات والمولات
للتفاصيل كلمنا على 01060162856

06/04/2019

استخدام الألوان الهادئة في الديكور مع المزج بينهم في الحوائط وألوان الأثاث والسجاد يعطى أي غرفة نوع من الصفاء والهدوء ليس له مثيل 😉
شاهد العديد من الأافكار الخاصة بالديكورات الهادئة
شاركنا رأيك..

A2Z للتشطيبات from A to Z 🧐🧐
For information please call : 01060162856

03/01/2019

فرصة لاصحاب الذوق الرفيع
اشترى ابواب فندقية بافضل جودة واقل سعر
خشب موسكي
القشره ارو طبيعي
كبس حراري
دهانات استور
بنضمنلك افضل دهان وباب تقيل جدا و حلق 15 سم و برور
العرض شامل تركيب الباب بالفوم وبالمفصلات والكوالين والاوكر بدون اى تكسير للمحارة او الحائط عموما
الابواب دى متركبة فى التجمع والرحاب ومدينتى والمعاينة فى الموقع فى اى وقت
كل الصور ماخوذة من مكان تركيبيها
للتواصل واتس : 01060162856
#ابواب #ديكور #تصميم
A2Z للتوريدات والتشطيبات

30/12/2018

توجد اسباب كثيرة فى ظهور #رطوبة في الجدران من اهمها :
السبب الأول ” البخار ” لا يعلم الكثير أن البخار النافذ من الحمامات والمطابخ يعمل على انتشار الرطوبة في المكان بشكل كبير للغاية
السبب الثاني ”الاهمال ” يعتبر اهمال تهوية المنزل من أكثر الأشياء التي تؤدي إلي ظهور الرطوبة بشكل كبير للغاية ،وهذا النوع من الرطوبة يعمل على التأثير على الجدران بشكل كبير
السبب الثالث : عدم ملء فواصل السيراميك فى الحمامات والمطابخ بالاسمنت الابيض جيدا
السبب الرابع : ظهور #تسريب فى احد مواسير المياة
علاج الرطوبة :
الطريقة الأولي ” #عزل الجدران ”
الطريقة الثانية ” المعالجة ”
اذا اردت معرفة النصائح التي تعمل على تقليل الرطوبة ضع تعليقا وسنرد عليك طبقا للحالة الخاصة بك
يمكنك ارسال صورة الرطوبة او المشكلة بشكل عام على الواتس اب الخاص بنا : 01060162856

26/12/2018

05/12/2018

101 نصيحة قبل ماتشطب شقتك:
****************************
1. حاول تخطط لكل تفصيله قبل ماتبدأ شغل.
2. ارسم فرش افتراضي للشقة عشان تقدر تحدد أماكن مخارج الكهربا و السباكة صح.
3. المطبخ من أهم الفراغات في الشقة بلاش تضيق مساحته عشان توسع الريسبشن.
4. حاول توسع المطبخ على قد ماتقدر.
5. اعمل حسابك تجيب ترابيزة أكل صغيرة في المطبخ دي أهم من ترابيزة السفرة.
6. اهتم بالليفينج أكتر من الريسيبشن.
7. مش لازم تجيب بوفيه و نيش.. الجزامة أهم.
8. الدييب فريزر و المايكروويف أساسيات أكتر من الصيني اللي ماحدش بيستخدمه.
9. لو شقتك ضيقه ماتعملش حمام ضيوف عشان الضيوف اللي مش بييجوا غير مرة في السنة.
10. البورسلين قطع الليزر في مصر أثبت فشله.. هات سيراميك نوع كويس أفضل.
11. سيراميك الجوهرة أفضل من كليوباترا بمراحل.
12. لو معاك فلوس و هاتجيب بورسلين يبقى تختار نوع محترم و فرز أول و يتركب صح بمادة لزق مش بمونة.
13. لو ما اخترتش البورسلين صح و ركبته صح هيفك من الأرض بعد سنتين.
14. لو حابب تدلع شقتك ركب hdf في الغرف.. هتنبسط.
15. لو مش حابب تدلع شقتك على الأقل ركب hdf في غرفة النوم.. صدقني هتنبسط.
16. لو شقتك مجروحة من الجيران ماتنساش الستاير البلاك أوت.
17. البراقع و البلتكنات اللي حماتك هتختارها دي بطلت من 15 سنة.
18. الدهانات السبونج مش أحلى حاجة في الدنيا.
19. ورق الحائط الـ 3d هايل بس ماتكترش منه.
20. أكتر 3 حاجات عاوزك تهتم بيها هي تأسيس السباكة و تأسيس الكهرباء و العزل.
21. الشبابيك الألومينيوم عملية أكتر من الشبابيك الخشب.
22. لو هتركب شبابيك ألومينيوم إختار أي قطاع غير قطاع السعد.
23. الألومينيوم بيتدهن ألوان كتير غير البيج و الأوف وايت على فكرة.
24. لو معاك فلوس ركب شاتر على الشبابيك الألومينيوم.
25. غرفة النوم الرئيسية ركب للشباك بتاعها زجاج دبل.
26. عدي النقطة اللي فاتت و مش لازم تعرف السبب.
27. حاول في شقتك تكتر من إستخدام الخامات الطبيعية و تقلل الخامات الصناعية بتفرق كتير في الإحساس بالراحة.
28. الشبابيك الجرار بتساعد على سهولة الفرش و لكن بتقلل الإضاءة و التهوية.
29. الشبابيك المفصلية بتزود الإضاءة و التهوية بس هتصعب عليك الفرش.
30. لو شقتك واسعة اعمل شبابيك مفصلي و لو ضيقة اعمل الشبابيك جرار.
31. الشبابيك الـ pvc جميلة و بتعيش.
32. لو شقتك في منطقة مقطوعة ركب كاميرات خارجية مابتتكلفش كتير على فكرة.
33. ماتجيبش نيش.
34. معابر الأبواب مهمة عشان بتمنع الصوت و الضوء و الحشرات.
35. إختار أبواب خشب كويسة عشان ماتندمش و باب الشقة هاته باب مصفح لو معاك فلوس.
36. خلي النجار يركبلك جوانات كاوتش لكل الأبواب عشان بتمنع التراب و الصوت.
37. كل الشبابيك احقن حواليها فوم من الخارج و سليكون من الداخل عشان الحرارة و الصوت و التراب.
38. الجيبسوم بورد بيتعمل بيه حاجات كتير غير الأسقف على فكرة.
39. الجيبسوم بورد حاجة أساسية بس تستخدمه صح لما تحتاجه.
40. أكتر حاجة هتخلي شقتك شيك هي توزيع الإضاءة صح.. خلي حد مخصص يوزعلك الإضاءة.
41. اهتم إنك تشتري شفاط محترم للمطبخ.
42. الشفاط اللي بيركب فوق البوتاجاز شكله حلو و شيك و بس.
43. ماتركبش في الأرضيات السيراميك المستطيل اللي شبه الباركية عشان بيقوس و بيجير.
44. لو عاجبك السيراميك اللي شبه الباركية ركب hdf هتتبسط صدقني.
45. اعمل حساب كل تفصيله في تأسيس الكهرباء و ماتنساش الدش و التليفزيون و التليفون و النت.
46. اعمل حسابك لتأسيس التكييف حتى لو مش هتشتري تكيييف.
47. بلاش دهانات مط و بلاش دهانات لامع.. النص لمعة أو الربع لمعة أشيك بكتير.
48. آخر صيحة في الديكورات حالياً هي الأسقف السترتش اللامعة.
49. لو عاوز تدلع مكان معين في شقتك ممكن تعمل ديكورات بـ CNC .
50. اختار كل حاجة قبل ماتبدأ تنفيذ أي حاجة.. دي قاعدة أساسية.
51. أسس اسكيب و شطب جوتن.. ده في الدهانات.
52. مافيش أشيك ولا أرقى من الدهانات السادة بس تختار الألوان صح.
53. بلاش تعمل تفاصيل كتير في الحوائط و الأرضيات و الديكورات عشان تعرف تفرش حضرتك.
54. أي حاجة مط بيبان عليها التراب.. لازم تبقى عارف ده كويس.
55. لو الأبواب الخشب شكلها حلو ادهنها أستر و لو شكلها مش حلو ادهنها لاكية مغسول.
56. القاعدة الذهبية في إختيار أكر و كوالين الأبواب " الغالي رخيص"
57. القاعدة اللي فاتت دي برضه تنطبق على الخلاطات و الإكسسوار و النواكل.
58. الزجاج العاكس للشبابيك بيحجب 50% من الإضاءة.
59. الزجاج العاكس للشبابيك بيعكس الصبح بس مابيعكسش بالليل.
60. ألوان السجاد- ألوان الستاير- ألوان الفرش- ألوان الأبواب و الشبابيك- ألوان الموبيليا- ألوان دهانات الحوائط و الأسقف- ألوان الإكسسورات و الأنتيكات و التحف و الصور و البراويز... كل الحاجات دي ليها علاقة ببعض ولازم تنسقها صح عشان شقتك ماتبقاش ملعلطة.
61. حاول على قد ماتقدر تشتري كل لمبات الشقة لمبات ليد.. هتدفع مبلغ كبير بس هتوفره في فواتير الكهرباء.
62. لو هتجيب سخان كهرباء هات سعته كبيرة.
63. السخان الفوري مناسب بس في المطبخ لأنه بيستهلك كهرباء كتير.
64. في تأسيس الكهرباء ماتشتغلش غير بسلك السويدي الأصلي.
65. في تأسيس السباكة مواسير التغذية أكواثيرم أو باننجر و مواسير الصرف الشريف.
66. رخامة المطبخ هاتها جرانيت مش رخام.
67. الأحواض و القاعدة المعلقة بيدوا وسع للحمام و أسهل في النضافة.
68. إشتري الخلاطات و الصيني و النواكل للحمام و المطبخ قبل ما السباك يأسس.
69. لو بياض المحارة وحش و فيه مطبات أو شرخ حاول تعالجه قبل الدهانات.
70. لو بياض المحارة لسه فيه عيوب مش عارف تعالجها إستخدم معجون أسمنتي قبل الدهانات.
71. و انت بتقسم شقتك و بتفرشها إهتم براحتك و سعادتك أكتر من إهتمامك بالضيوف لأنك إنت اللي هتعيش في الشقة طول العمر مش الضيوف.
72. لو مش هتركب باب مصفح لباب الشقة يبقى يفضل تعمل باب حديد حماية.
73. ماتنساش تركب سلك لكل الشبابيك عشان الحشرات.
74. السلك الفايبر بيتقطع و السلك الصلب بيصدي.. هات سلك صلب و ادهنه عشان مايصديش.
75. لو عندك غرفة أطفال.. ادهنها لون يمشي أولادي أو بناتي.
76. قبل ماتفرش شقتك خد خطيبتك أو مراتك و روحوا أيكيا في التجمع الخامس مش هتشتروا منه حاجة بس هتطلعوا بأفكار حلوة جداً هتوفر عليكوا.
77. إهتم جداً بسقية السيراميك و يفضل تشتري مادة سقية جاهزة و إوعى تلون أسمنت السقية بأكسيد.
78. قفل حوالين البانيو و الحوض و القاعدة و عند جميع زوايا و أركان الحمام و المطبخ بمادة حقن فواصل من شركة سيكا.. صدقني هتعيش مبسوط بعدها.
79. بلاش تخلي سخان واحد يغذي الحمام و المطبخ مع بعض عشان كل ماتدخل تاخد دش مراتك هتفتح حنفية المطبخ و هتتلسوع.
80. البيبة في المطبخ حلوة عشان التنضيف و وحشة عشان الحشرات و الروائح و السدد.
81. الكرانيش الجاهزة (فيوتك) أفضل 100 مرة من الجبس البلدي.
82. بلاش أباجورة جنب السرير.. ركب 2 أبليك على الحيطة أجمل و أشيك.
83. إختار أماكن و مناسيب برايز الكهرباء بعناية عشان دي من أكتر الحاجات اللي هتضايقك لو ما اخترتهاش صح.
84. بالنسبة للموبيليا حاول تخلي كل الأدراج القريبة من الأرض ليها مفاتيح عشان الأطفال بيعشقوا الأدراج.
85. الغسالة في الحمام ولا في المطبخ.. في المطبخ ولا في الحمام.. إشتري دماغك و خلي مراتك اللي تقرر عشان تعيش في سلام.
86. خلي خطيبتك أو مراتك هي اللي تختار الألوان عشان فعلاً هما بيشوفوا ألوان الرجاله مابتشوفهاش.
87. الـ "ليلاه و البستاج و الفستاج و البيربل و البينك و الأوف وايت و الأون وايت و الأكسيديه و الجراي بيج" دي بعيد عنك درجات ألوان عن البنات أما بالنسبة للرجالة اسمها سمني و عسلي و بصلي و كموني و لموني و مشمشي و فسدقي و حمصي و برتقاني و أي حاجة ليها علاقة بالأكل.
88. ركب فلتر في المطبخ عشان مية الشرب في مصر غير صالحة للشرب.
89. لو الشقة اللي تحتك متشطبة أو ساكنة نبه على العمال اللي في شقتك مايخمروش مونه على الأرض عشان هتنشع على الشقة اللي تحت و جارك هيطلع يتخانق معاك.
90. لو الشقة اللي فوقك لسه ما اتشطبتش ابقى اتأكد إنه هيعزل الحمام و المطبخ و يختبر السباكة كويس.
91. إعزل الحمام و المطبخ عزل أسمنتي أسهل و أفضل و أرخص.
92. بلاش تمعجن الحوائط كلها و بعدين تركب السيراميك عشان ده من أسباب ظهور رطوبة بأسفل الحوائط.
93. ماتساش تركب منشر في مكان بيوصله شمس عشان مهم.
94. لو شقتك راكب فيها أبواب وحشة و مش معاك فلوس تغيرها ركبلها وشوش MDF .
95. لو الحمام بتاعك ضيق ماتركبش بانيو.. قفل كابينة شاور بيلت إن عملية و هتديلك مساحة واسعة.
96. الشركات المنتجة لمواسير السباكة المحترمة ممكن تيجي تعملك إختبار ضغط للمواسير و تديلك ضمان مدى الحياة ضد التسريب و عيوب الصناعة.. دي حاجة مهمة.
97. اعمل حسابك إن تكلفة تشطيب الشقة هتعدي ضعف الرقم اللي انت كنت عامل حسابك عليه.. دي قاعدة لم و لن تتغير.
98. لو عاوز تحسب تكلفة تشطيب شقتك قبل ماتبدأ بشكل تقريبي إضرب صافي مساحة الشقة في 1500 ج أو 2000 ج أو 2500 دي هتطلعلك التكلفة بالتقريب حسب طبعاً إختياراتك و مستوى التشطيب اللي هتعمله.
99. لو جبت مهندس شاطر و محترم و أمين يشطبلك الشقة هتشتري دماغك و توفر وقت و فلوس.
100. ماتآمنش لصنايعي.. ماتآمنش لصنايعي.. ماتآمنش لصنايعي.
101. إنشف.. مافيش راجل بيعيط

28/11/2018

بمناسبة نهاية العام ولفترة محدودة
ممكن تلحق عرض تشطيب شقتك او فيلتك او وحدتك الخاصة بيك عشان هيكون بسعر التكلفة
سعر المتر المحارة 20 جنية
سعر المتر الدهانات 25جنية
سعر المتر سيراميك توريد 30جنية
سعر المتر السقف المعلق 120جنية
سعر الأبواب على حسب الشكل
سعر تأسيس الشقة سباكة 2حمام ومطبخ 3000جنية
سعر تأسيس شقة كهربا3000 جنية
كل البنود بسعر التكلفة
شوف جودة الشغل و نوع الخامات قبل ماتدفع جنية واحد
ابعت رسالة للصفحة واحنا هنرد عليك ف أقرب وقت
او ممكن نعمل معاينة مجانية تماما
ف التجمع الخامس او الرحاب او مدينتى او الشروق او العبور او اى مكان داخل القاهرة والجيزة واكتوبر
اتصل بينا على رقم 01060162856
او ابعت رسالة واتس أب على نفس الرقم واحنا هنرد عليك😃😃😃

20/11/2018

فرصة للبيع بسعر لقطة شقة فى التجمع الخامس بجوار الجامعة الأمريكية مباشرة امام مول point 90
3غرف 2حمام 3ريسبشن
مساحة الشقة 170متر
سعر الشقة كاملة التشطيب 1250000جنية
للتفاصيل ابعت رسالة واتس أب على رقم 01060162856

22/08/2018

مطلوب شقق و اراضى و هياكل خرسانة ومحلات فى #الرحاب #مدينتى
البيع باعلى سعر
البيع
https://www.facebook.com/iBGegypt/
التواصل من خلال الصفحة

01/08/2018

مطلوب مساعدين او صنايعية لأعمال دهانات /نقاشة
سيب رقمك واحنا هنتواصل معاك 😃😃
#شير للبوست عشان يوصل لأكبر عدد ممكن و نشغل الناس

25/07/2018

عرفنا تحب تسكن فين واحنا هنقدر نساعدك فى اختيارك
بدون اى مصاريف 😃😃
سواء كنت هتشترى او حتى هتبيع او حتى كنت بروكر😃😃


تابعنا من خلال الصفحة

11/07/2018

مطلوب قطعة أرض فى #الأندلس #القرنفل
ف
التنفيذ فى اسرع وقت والتواصل من خلال الصفحة 😃😃