29/08/2026
هالمشروع مش جديد…
من اول بدايتي بالمهنة ..
مرّ عليه وقت، يمكن لأنه قريب مني… ومع هيك بستحق يكون إله توثيق، وتنحكى قصته. 🤍
**بيت جدّ أبوي، مختار البلد.**
قرار هدم البيت القديم ما كان سهل عليّ !
كل حجر فيه كان يحمل ذكرى، وكل زاوية إلها قصة.
لكن الواقع الإنشائي فرض حاله؛ الحيطان القديمة ما عادت تتحمل، وكان لا بد من الهدم وإعادة البناء.
ومع هذا، كان في شيء واحد ما قدرت أتنازل عنه:
**العقدة الحجرية القديمة.**
أصرّيت إنها تظل مثل ما هي، بنفس حجارتها وشكلها وروحها.
هدمنا البيت من حولها، وحافظنا عليها، وبعدها بدأنا نبني البيت الجديد **حسبها وحواليها**.
ما حاولنا نخلي القديم يتأقلم مع الجديد…
**خلّينا الجديد هو اللي يحترم القديم.**
فدخل الحجر القديم ضمن التصميم الجديد، واجتمعت **الخطوط العصرية والبسيطة مع الطابع القديم والأصيل**، من غير ما يحاول واحد منهم يقلّد الثاني أو يطغى عليه.
وهيك نفس الحجر اللي كان شاهد على حياة أجدادنا، صار اليوم جزءًا من حياة جيل جديد. 🤍
بالنسبة إلي، هذا المشروع ما كان مجرد هدم وبناء من جديد،
كان محاولة نحافظ على **ذاكرة المكان**، حتى لو اضطررنا نغيّر كل شيء من حولها.
البيت تغيّر… بس روحه ظلّت.🤍
