Odisha Bidyut Employees Talk

14/08/2026

🇮🇳 ସମସ୍ତ ଓଡ଼ିଶାବାସୀ ତଥା ବିଦ୍ୟୁତ୍ କର୍ମଚାରୀ ଭାଇ ଓ ଭଉଣୀମାନଙ୍କୁ ସ୍ୱାଧୀନତା ଦିବସର ହାର୍ଦ୍ଦିକ ଶୁଭେଚ୍ଛା ଓ ଅଭିନନ୍ଦନ! 🇮🇳
​ଆଜିର ଏହି ପବିତ୍ର ଦିନରେ, ଆମ ଦେଶର ସ୍ୱାଧୀନତା ସଂଗ୍ରାମୀ ଓ ବୀର ସହିଦମାନଙ୍କ ଅତୁଳନୀୟ ବଳିଦାନକୁ ସମ୍ମାନର ସହ ମନେ ପକାଉଛୁ ଏବଂ କୋଟି କୋଟି ପ୍ରଣାମ ଜଣାଉଛୁ।
​ଦେଶର ପ୍ରଗତି ଓ ବିକାଶ ପଛରେ ରାଜ୍ୟର ବିଦ୍ୟୁତ୍ କର୍ମଚାରୀମାନଙ୍କ ଅବଦାନ ଅତୁଳନୀୟ। ଖରା, ବର୍ଷା, ବାତ୍ୟା କିମ୍ବା ଯେକୌଣସି ବିପର୍ଯ୍ୟୟ ହେଉନା କାହିଁକି— ନିଜ ସୁଖ-ଦୁଃଖ ଭୁଲି ରାଜ୍ୟର କୋଣ ଅନୁକୋଣକୁ ଆଲୋକିତ କରି ରଖିବା ପାଇଁ ଆମ ବିଦ୍ୟୁତ୍ କର୍ମଚାରୀ ସବୁବେଳେ ତତ୍ପର।
​ଆସନ୍ତୁ, ଆଜିର ଏହି ଗୌରବମୟ ଅବସରରେ:
​ଆମ ଅଧିକାର ଓ ସୁରକ୍ଷା ପାଇଁ ଏକତା ବଜାୟ ରଖିବା।
​ରାଜ୍ୟ ତଥା ଦେଶର ଉନ୍ନତି ପାଇଁ ଆମ କର୍ତ୍ତବ୍ୟକୁ ନିଷ୍ଠାର ସହିତ ପାଳନ କରିବା।
​ସମସ୍ତ ବିଦ୍ୟୁତ୍ କର୍ମଚାରୀଙ୍କ ନ୍ୟାର୍ଯ୍ୟ ହକ୍ ଓ ଉଜ୍ଜ୍ୱଳ ଭବିଷ୍ୟତ ପାଇଁ ଏକଜୁଟ୍ ହୋଇ ଆଗକୁ ବଢ଼ିବା।
​ଜୟ ହିନ୍ଦ୍! 🇮🇳
ବନ୍ଦେ ଉତ୍କଳ ଜନନୀ!
​— Odisha Bidyut Employees Talk
​

25/07/2026

ଆଜିର ଏହି ବିଜୟ ଆମ ସମସ୍ତଙ୍କ ପାଇଁ ଏକ ବଡ଼ ପ୍ରେରଣା। ଅହଂକାରୀ ସରକାରଙ୍କ ବିରୁଦ୍ଧରେ ଏହି ଐତିହାସିକ ସଫଳତା ପ୍ରମୁଖ ଭାବେ ପ୍ରମାଣିତ କରିଛି ଯେ ଗଣତନ୍ତ୍ରରେ ପ୍ରତିବାଦ ହିଁ ସବୁଠାରୁ ଶକ୍ତିଶାଳୀ ଅସ୍ତ୍ର।

ପ୍ରିୟ ବିଦ୍ୟୁତ କର୍ମଚାରୀ ସାଥୀମାନେ,

ଆଜିର ଏହି ଐତିହାସିକ ବିଜୟ ଆମ ସମସ୍ତଙ୍କ ପାଇଁ ଏକ ଗର୍ବ ଓ ଗୌରବର ମୁହୂର୍ତ୍ତ। ଏହା ପ୍ରମାଣିତ କରିଛି ଯେ ଗଣତନ୍ତ୍ରରେ ଜନତାର ଏକଜୁଟ୍ ପ୍ରତିବାଦ ହିଁ ସବୁଠାରୁ ବଡ଼ ଏବଂ ଶକ୍ତିଶାଳୀ ଅସ୍ତ୍ର।

ଯେତେ ବଡ଼ ଅହଂକାରୀ ଶକ୍ତି କିମ୍ବା ସରକାର ହେଉନା କାହିଁକି, ଯଦି ଆମେ ସତ୍ୟ ଏବଂ ନ୍ୟାୟ ପାଇଁ ଦୃଢ଼ତା ସହ ଲଢ଼ିବା, ତେବେ ଜିତିବା ନିଶ୍ଚିତ। ଆସନ୍ତୁ ଏହି ସଫଳତାରୁ ପ୍ରେରଣା ନେଇ ଆଗକୁ ମଧ୍ୟ ସଂଘର ପ୍ରତ୍ୟେକ ସଂଗ୍ରାମରେ ଏହିପରି ଏକାଠି ରହିବା ଏବଂ ଗଣତନ୍ତ୍ରର ମୂଲ୍ୟବୋଧକୁ ବଜାୟ ରଖିବା।

ଜୟ ଗଣତନ୍ତ୍ର!

26/06/2026

Happy Birthday ରାଜୀବ ଭାଇ ❤️
ଓଡ଼ିଶା ବିଦ୍ୟୁତ ଏମ୍ପ୍ଲୋୟୀଜ୍ ଟକ୍ (Odisha BIDYUT Employees Talk) ପରିବାର ତରଫରୁ ଓଡିଶା ବିଦ୍ୟୁତ କର୍ମଚାରୀ ମହାସଂଘ (OBKM) ର ସମ୍ମାନନୀୟ କାର୍ଯ୍ୟକାରୀ ସଭାପତି (Working President) ଶ୍ରୀଯୁକ୍ତ ରାଜୀବ ମହାନ୍ତିଙ୍କୁ Rajeeb Mohanty ଜନ୍ମଦିନର ହାର୍ଦ୍ଦିକ ଶୁଭେଚ୍ଛା ଓ ଅଭିନନ୍ଦନ।
​ଆମ ବିଦ୍ୟୁତ କର୍ମଚାରୀ ଭାଇଭଉଣୀମାନଙ୍କ ହକ ଓ ସ୍ୱାର୍ଥ ରକ୍ଷା ପାଇଁ ଆପଣଙ୍କର ଦୃଢ଼ ନେତୃତ୍ୱ, ଅକ୍ଲାନ୍ତ ପରିଶ୍ରମ ଏବଂ ମାର୍ଗଦର୍ଶନ ସଦାସର୍ବଦା ପ୍ରେରଣାଦାୟୀ। ସଂଗଠନକୁ ଆଗକୁ ନେବାରେ ଆପଣଙ୍କର ଅବଦାନ ଅତୁଳନୀୟ।
​ମହାପ୍ରଭୁ ଶ୍ରୀ ଜଗନ୍ନାଥଙ୍କ ନିକଟରେ ଆମର ଏତିକି ପ୍ରାର୍ଥନା, ଆପଣଙ୍କୁ ଦୀର୍ଘାୟୁ କରନ୍ତୁ, ସଦାସର୍ବଦା ସୁସ୍ଥ ଓ ନିରାମୟ ରଖନ୍ତୁ। ଆପଣଙ୍କ ନେତୃତ୍ୱରେ OBKM ଆହୁରି ମଜଭୁତ ହେଉ ଏବଂ ସଫଳତାର ନୂଆ ଶିଖର ଛୁଅନ୍ତୁ।
#ଓଡିଶାବିଦ୍ୟୁତକର୍ମଚାରୀମହାସଂଘ

18/06/2026

ବିଦ୍ୟୁତ ବ୍ୟବସ୍ଥା କେବଳ ତାର ଏବଂ ଟ୍ରାନ୍ସଫର୍ମରରେ ଚାଲେ ନାହିଁ, ଏହା ଚାଲେ ସେହି କର୍ମଚାରୀଙ୍କ ରକ୍ତ ଓ ସ୍ୱେଦରେ ଯେଉଁମାନେ ଦିନରାତି ଏହାକୁ ସଜାଡ଼ନ୍ତି। ଆମେ ଟାଟା ପାୱାର୍ ପରିଚାଳନା କମିଟି ଏବଂ ରାଜ୍ୟ ସରକାରଙ୍କୁ ଅତ୍ୟନ୍ତ ନମ୍ରତାର ସହ ଅନୁରୋଧ କରୁଛୁ ଯେ, ଆପଣମାନେ ମାନବିକତାର ସହ ଏହି ସତ୍ୟକୁ ଅନୁଭବ କରନ୍ତୁ। ଦୀର୍ଘ ଦିନର ଅଭିଜ୍ଞ ଆଉଟ୍‌ସୋର୍ସିଂ କର୍ମଚାରୀଙ୍କୁ ନିୟମିତ ପୋଷ୍ଟିଂ ଦେବା ଏବଂ ମାନବ ସମ୍ବଳ (Manpower) ବୃଦ୍ଧି କରିବା କେବଳ ଏକ ପ୍ରଶାସନିକ ନିଷ୍ପତ୍ତି ନୁହେଁ, ବରଂ ଓଡ଼ିଶାର ବିଦ୍ୟୁତ କ୍ଷେତ୍ରର ସୁରକ୍ଷା ଓ ଉଜ୍ଜ୍ୱଳ ଭବିଷ୍ୟତ ପାଇଁ ଏକ ଜରୁରୀ ମାନବୀୟ ଆବଶ୍ୟକତା।
ଆପଣଙ୍କ ଫେସବୁକ୍, ହ୍ୱାଟ୍ସଆପ୍, ଟ୍ୱିଟର (X) ଏବଂ ଅନ୍ୟାନ୍ୟ ସୋସିଆଲ ମିଡିଆ ଆକାଉଣ୍ଟରେ ଏହି ପୋଷ୍ଟକୁ ଏତେ ମାତ୍ରାରେ ଶେୟାର କରନ୍ତୁ ଯେପରି ପ୍ରତିଟି ବିଭାଗୀୟ ଅଧିକାରୀଙ୍କ ପାଖରେ ଏହା ଦୃଶ୍ୟମାନ ହେବ

#ସମସ୍ତବିଦ୍ୟୁତକର୍ମଚାରୀଙ୍କସୁରକ୍ଷା #ସମୟଏକତାର #ଓଡିଶାବିଦ୍ୟୁତକର୍ମଚାରୀମହାସଂଘ Mohan Charan Majhi Tata Power

13/06/2026

📌 ଆଉଟସୋର୍ସିଂ (Outsourcing) ବ୍ୟବସ୍ଥାକୁ ନେଇ ଦୁଇ ନେତାଙ୍କ ଦୁଇଟି ଭିନ୍ନ ମତ: କେଉଁଟି ଠିକ୍? 🤔
ହରିୟାଣା ମଡେଲ ରେ ଥିବା ଆଉଟ ସୋର୍ସିଙ୍ଗ କର୍ପୋରେସନ ଭଳି ଏକ ଜମିଦାରୀ ପ୍ରଥା ମଡେଲ କୁ ଜୋର ଜବରଦସ୍ତି ଲଦିବାକୁ ହେଉଥିବା ପ୍ରୟାସ ପିଲାଳିଆମୀ ନୁଁହେତ..... ଗୋଟେ ପଟେ ସାରା ଓଡ଼ିଶାର ସରକାରୀ ବିଭାଗରେ କାର୍ଯ୍ୟରତ ଆଉଟସୋର୍ସ କର୍ମଚାରୀଙ୍କ ଲଢେଇ ଆଉଟସୋର୍ସ ପ୍ରଥା ଉଛେଦ କରି ସ୍ଥାଇ ଚାକିରୀ ପାଇଁ ଅନ୍ୟପଟେ ଅନଭିଜ୍ଞ ଆତ୍ମଘୋସିତ ବିଦ୍ୟୁତ ବିଭାଗରେ କାର୍ଯ୍ୟରତ ଜଣେ କର୍ମଚାରୀ ନିଜ ଆତ୍ମପ୍ରଚାର.........ପାଇଁ କେତେ ଆଉ ନାଟକ କରିବ ଯାହାର ଅସ୍ତିତ୍ୱ ନାହିଁ ଓଡ଼ିଶାରେ....
ନିଜର ମତାମତ କମେଣ୍ଟ ବକ୍ସରେ ନିଶ୍ଚୟ ଜଣାନ୍ତୁ। 👇
#ସମୟଏକତାର #ସମସ୍ତବିଦ୍ୟୁତକର୍ମଚାରୀଙ୍କସୁରକ୍ଷା ​

09/06/2026

ନିର୍ଲଜଙ୍କ ବାରବାଟୀ ଚାଷ, ଗୋଟିଏପଟେ ସମଗ୍ର ଓଡ଼ିଶାର ଆଉଟସୋର୍ସିଙ୍ଗ କର୍ମଚାରୀ ସ୍ଥାଇ ହେବାପାଇଁ ଲଢେଇ କରୁଛନ୍ତି, ଏ ବାବୁ ଜଣକ କହୁଛନ୍ତି ଆମେ ଚାହୁଁନୁ *କାହାକୁ ରେଗୁଲାର କରିବାକୁ* ଆମେ ହରିୟାଣା ମଡେଲ ଆଣିବାକୁ କହୁଛୁ 🤦‍♀️, ଆଉଟସୋର୍ସ କର୍ମଚାରୀ 2007, 2010, 2012 ରେ ରେଗୁଲାର ହୋଇଛନ୍ତି ବର୍ତ୍ତମାନ 2020 ପରେ ଆମ ଦକ୍ଷିଣ ଓଡ଼ିଶାର ବିଦ୍ୟୁତ କର୍ମଚାରୀଙ୍କ 300 ଦିନର ଆନ୍ଦୋଳନ ଓ OBKM ର ସହଯୋଗ ପରେ ଏପରି ଏକ ବ୍ୟବସ୍ତା ଆମେ ସମଗ୍ର ବିଦ୍ୟୁତ ବଣ୍ଟନ ସ୍ଥାପିତ କରିବାରେ ସଫଳ ହୋଇଛେ ଯେଉଁଥିରେ ପ୍ରତ୍ୟକ ନିଯୁକ୍ତି କେବଳ ଆମରି ଠିକା କର୍ମଚାରୀଙ୍କ ମଧରୁ ହିଁ ହେଉଛି ତାଭି ବରିଷ୍ଠତା ଭିତିରେ, ତେଣୁ ଏ ବାବୁ ଆମଠାରୁ ଆମ ଚାକିରୀ ରେଗୁଲାର ହେବା ବାଟ ଛଡେଇ ନେବାକୁ ଏତେ ତତ୍ପର କଣ ପାଇଁ???? ଯଦି ବଡ଼ ନେତା ହେବାର ଅଛି ଆଉ ତାଙ୍କ ସରକାର ଅଛି ତେବେ ସରକାରଙ୍କୁ କହି ସମସ୍ତଙ୍କୁ ରେଗୁଲାର କରିବାର ଲଢେଇ ଲଢ଼ୁନାହାନ୍ତି ପ୍ରତ୍ୟକ କର୍ମଚାରୀ ସହଯୋଗ କରିବେ, ତାହା ନକରି କର୍ମଚାରୀଙ୍କୁ ଭ୍ରମିତ କାହିଁକି କରୁଛନ୍ତି.

#ସମସ୍ତବିଦ୍ୟୁତକର୍ମଚାରୀଙ୍କସୁରକ୍ଷା #ସମୟଏକତାର #ଶ୍ରମିକଏକତାଜିନ୍ଦାବାଦ

08/06/2026

ମିଛ କୁହ ବାରା ବାର ମିଛକୁହ ନହେଲେ facebook ଲାଇଭ ଆସିକି ବି ମିଛ କୁହ ନହେଲେ ଆଉରି କା ଉପରେ ଦୋଷ ଦେଇକି ବି ମିଛ କୁହ

ହରିୟାଣା ସରକାରଙ୍କ ଆଉଟସୋର୍ସିଂ ପଲିସି ଏବଂ ଚୁକ୍ତିଭିତ୍ତିକ କର୍ମଚାରୀ ନିଯୁକ୍ତି ନୀତି, ୨୦୨୨ (ଯାହା ୩୦ ଜୁନ୍ ୨୦୨୨ରେ ବିଜ୍ଞପ୍ତି ପ୍ରକାଶ ପାଇଥିଲା) ବିରୋଧରେ ବ୍ୟାପକ ବିରୋଧ ପ୍ରଦର୍ଶନ, ଆନ୍ଦୋଳନ ଏବଂ ଆଇନଗତ ଲଢ଼େଇ ଚାଲିଆସିଛି।
​ଏହି ୨୦୨୨ ବିଜ୍ଞପ୍ତି ଦ୍ୱାରା ସମସ୍ତ ଚୁକ୍ତିଭିତ୍ତିକ କର୍ମଚାରୀଙ୍କୁ ହରିୟାଣା କୌଶଲ ରୋଜଗାର ନିଗମ (HKRN) ଅଧୀନକୁ ଅଣାଯାଇଥିଲା। ଏହାକୁ ନେଇ ବିଶେଷ କରି ବିଦ୍ୟୁତ ବିତରଣ କମ୍ପାନୀ (UHBVN, DHBVN), ଜନସ୍ୱାସ୍ଥ୍ୟ, ପରିବହନ ଏବଂ ମ୍ୟୁନିସିପାଲିଟି ଭଳି ବିଭିନ୍ନ ସରକାରୀ ବିଭାଗର କର୍ମଚାରୀ ସଙ୍ଗଠନଗୁଡ଼ିକ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଥିଲା।
​ଏହି ପ୍ରତିବାଦ ଏବଂ କର୍ମଚାରୀଙ୍କ ଆକ୍ରୋଶର ମୁଖ୍ୟ କାରଣଗୁଡ଼ିକ ତଳେ ଦିଆଗଲା:
​୧. ଚାକିରିରୁ ବେଦଖଲ ଏବଂ "Use and Throw" ନୀତି
​ଏହି ନୂଆ ନୀତି ଲାଗୁ ହେବା ପରେ ପୁରୁଣା ଆଉଟସୋର୍ସିଂ ବ୍ୟବସ୍ଥା (Part-I ଏବଂ Part-II) କୁ ବନ୍ଦ କରିଦିଆଗଲା। ଅନେକ ବିଭାଗ ପୁରୁଣା କର୍ମଚାରୀଙ୍କୁ HKRN ରେ ସାମିଲ କରିବା ବଦଳରେ ସେମାନଙ୍କ ଚୁକ୍ତି ଶେଷ କରିଦେଲେ।
​ଆନ୍ଦୋଳନ: କରୋନା ସମୟରେ କାମ କରୁଥିବା ପ୍ରାୟ ୨,୦୦୦ ରୁ ଅଧିକ ସ୍ୱାସ୍ଥ୍ୟକର୍ମୀ ଓ ସଫେଇ କର୍ମଚାରୀଙ୍କୁ ହଠାତ୍ ଚାକିରିରୁ ବାହାର କରିଦିଆଯିବାରୁ ରୋହତକ ଏବଂ କରନାଲରେ ମୁଖ୍ୟମନ୍ତ୍ରୀଙ୍କ ବାସଭବନ ଆଗରେ ବ୍ୟାପକ ବିକ୍ଷୋଭ ପ୍ରଦର୍ଶନ ହୋଇଥିଲା। କର୍ମଚାରୀମାନେ ସରକାରଙ୍କୁ "କାମ ସରିଲେ ଫିଙ୍ଗିଦେବା" (Use and throw) ନୀତି ପାଇଁ ଦୋଷୀ କରିଥିଲେ।
​୨. ଦରମା ହ୍ରାସ (Lower Nigam Wages)
​HKRN ମଡେଲ୍ ଅଧୀନରେ ଜିଲ୍ଲା ଏବଂ ଯୋଗ୍ୟତା ଭିତ୍ତିରେ ଏକ ନିର୍ଦ୍ଦିଷ୍ଟ ଦରମା (Nigam Wage Rates) ଧାର୍ଯ୍ୟ କରାଗଲା।
​ସମସ୍ୟା: ବହୁ ବର୍ଷ ଧରି କାମ କରୁଥିବା ଅଭିଜ୍ଞ ଚୁକ୍ତିଭିତ୍ତିକ କର୍ମଚାରୀ (ବିଶେଷ କରି ବିଦ୍ୟୁତ ବିଭାଗର ବୈଷୟିକ/Technical କର୍ମଚାରୀ) ଯେଉଁମାନେ ପୂର୍ବରୁ ଡିସି ରେଟ୍ (DC Rate) ବା ବିଭାଗୀୟ ଚୁକ୍ତି ଅନୁସାରେ ଅଧିକ ଦରମା ପାଉଥିଲେ, ଏହି ନୂଆ ନିୟମ ଯୋଗୁଁ ସେମାନଙ୍କ ଦରମା କମିଗଲା।
​ପ୍ରତିବାଦ: ଅଭିଜ୍ଞତାକୁ ଗୁରୁତ୍ୱ ନ ଦେଇ ସମସ୍ତଙ୍କୁ ପ୍ରାରମ୍ଭିକ ସ୍ତରର ଦରମା ଦିଆଯିବାରୁ ବିଦ୍ୟୁତ ବିଭାଗ କର୍ମଚାରୀ ସଙ୍ଗଠନ କଳାବ୍ୟାଜ୍ ପିନ୍ଧି ଧାରଣା ଦେଇଥିଲେ।
​୩. ସ୍ଥାୟୀ ଚାକିରି (Regularization) ର ଆଶା ମଉଳିଯିବା
​ପୁରୁଣା ଆଉଟସୋର୍ସିଂ ନୀତି (Part-II) ଅନୁସାରେ ସ୍ୱୀକୃତିପ୍ରାପ୍ତ ପଦବୀରେ କାମ କରୁଥିବା କର୍ମଚାରୀମାନେ ଭବିଷ୍ୟତରେ ଚାକିରି ସ୍ଥାୟୀ (Regularize) ହେବାର ଆଇନଗତ ଦାବି କରିପାରୁଥିଲେ।
​ସମସ୍ୟା: ୨୦୨୨ ନୀତିରେ ସ୍ପଷ୍ଟ ଭାବେ କୁହାଗଲା ଯେ, HKRN ଅଧୀନରେ ନିଯୁକ୍ତି କେବଳ ଏକ ବର୍ଷ ପାଇଁ ଅସ୍ଥାୟୀ ଅଟେ ଏବଂ ଏଥିରେ କର୍ମଚାରୀ ସରକାରୀ ଚାକିରି ସ୍ଥାୟୀ କରିବା ପାଇଁ କୌଣସି ଦାବି କରିପାରିବେ ନାହିଁ।
​ପ୍ରତିବାଦ: ହରିୟାଣାର ସର୍ବବୃହତ କର୍ମଚାରୀ ସଙ୍ଗଠନ 'ସର୍ବ କର୍ମଚାରୀ ସଂଘ' (SKS) ଏହା ବିରୋଧରେ ରାଜ୍ୟବ୍ୟାପୀ ରାଲି କରିଥିଲା। ସେମାନଙ୍କ ଅଭିଯୋଗ ଥିଲା ଯେ ସରକାର ଶ୍ରମିକମାନଙ୍କର ଅଧିକାର ଛଡ଼ାଇ ନେଇ ଚୁକ୍ତିଭିତ୍ତିକ ପ୍ରଥାକୁ ସ୍ଥାୟୀ ରୂପ ଦେଉଛନ୍ତି। ସେମାନେ HKRN କୁ ସମ୍ପୂର୍ଣ୍ଣ ରଦ୍ଦ କରିବାକୁ ଦାବି କରିଛନ୍ତି।
​୪. କୋର୍ଟ କେସ୍ ଏବଂ ବର୍ତ୍ତମାନର ସ୍ଥିତି
​ଏହି ବିଜ୍ଞପ୍ତି ବିରୋଧରେ ପଞ୍ଜାବ ଏବଂ ହରିୟାଣା ହାଇକୋର୍ଟରେ ଅନେକ ମାମଲା ଦାୟର କରାଯାଇଛି, ଯେଉଁଥିରେ କର୍ମଚାରୀମାନେ ବେଆଇନ ଛଟେଇ ବିରୋଧରେ ଏବଂ ସମାନ କାମକୁ ସମାନ ଦରମା ("Equal Pay for Equal Work") ପାଇଁ ଦାବି କରିଛନ୍ତି।
​ବର୍ତ୍ତମାନ ସୁଦ୍ଧା ମଧ୍ୟ ଏହି ବିରୋଧ ପ୍ରଦର୍ଶନ ସମ୍ପୂର୍ଣ୍ଣ ଶାନ୍ତ ପଡ଼ିନାହିଁ। ଯେତେବେଳେ ବି HKRN ର କଣ୍ଟ୍ରାକ୍ଟ ଅବଧି ସରିଯାଏ କିମ୍ବା ନୂଆ ନିଯୁକ୍ତିକୁ ନେଇ ସମସ୍ୟା ହୁଏ, ସେତେବେଳେ କର୍ମଚାରୀମାନେ ରାଜ୍ୟର ବିଭିନ୍ନ ଜିଲ୍ଲାରେ (ଯେପରିକି ସିରସା, ରୋହତକ) ଆନ୍ଦୋଳନକୁ ଓହ୍ଲାଇଥାନ୍ତି।
#ସମସ୍ତବିଦ୍ୟୁତକର୍ମଚାରୀଙ୍କସୁରକ୍ଷା #ସମୟଏକତାର #ଶ୍ରମିକଏକତାଜିନ୍ଦାବାଦ

नौकरी से निकाले गए HKRN के 780 कर्मचारी, Sirsa में सरकार के खिलाफ ज...

08/06/2026

ଆଜି ରାତି ୮ଟାରେ ହେବାକୁ ଥିବା ଫେସବୁକ୍ ଲାଇଭ୍‌ ପୋଷ୍ଟରେ ସାଧାରଣ ଶ୍ରମିକ ଓ କର୍ମଚାରୀମାନେ ଏହି ସବୁ ସାଙ୍ଘାତିକ ଏବଂ ଗୁରୁତ୍ୱପୂର୍ଣ୍ଣ ପ୍ରଶ୍ନର ସିଧାସଳଖ ଉତ୍ତର ଚାହାନ୍ତି।
​ଆଜିର ଲାଇଭ୍‌ରେ ସେମାନଙ୍କୁ କେବଳ ଭାଷଣ ନୁହେଁ, ବରଂ ଏହି ୪ଟି ମୁଖ୍ୟ ପ୍ରସଙ୍ଗ ଉପରେ ସ୍ପଷ୍ଟ ଏବଂ ସିଧାସଳଖ ଉତ୍ତର ଦେବାକୁ ପଡ଼ିବ:
​୧. ୧୩ ଦିନର କଟାଯାଇଥିବା ମଜୁରୀ: ଖରାରେ ସିଝିଥିବା ନିରୀହ ଶ୍ରମିକଙ୍କ ୧୩ ଦିନର ଦରମା 'No Work, No Pay' ନିୟମରେ କଟିବ ନା କମ୍ପାନୀ ତାହା ପ୍ରଦାନ କରିବ? ଯଦି କଟିବ, ତେବେ ତା’ର ଆର୍ଥିକ ଭରଣା କିଏ କରିବ?
​୨. CCE କର୍ମଚାରୀଙ୍କ ଚାକିରି: ଠିକା ଓ CCE କର୍ମଚାରୀମାନଙ୍କୁ କେବେ ସେମାନଙ୍କର ପ୍ରକୃତ ହକ୍ ମିଳିବ ଏବଂ ସେମାନଙ୍କ ପିଠିରେ ପୁଣି ଛୁରୀ ମରାଯିବ ନାହିଁ ତ?
​୩. RC/DC ସ୍କ୍ୱାଡ୍‌ର ଯୋଗଦାନ (Rejoining): RC/DC ସ୍କ୍ୱାଡ୍ କର୍ମଚାରୀମାନେ କେବେଠାରୁ ନିଶ୍ଚିତ ଭାବେ କାମରେ ଯୋଗଦେବେ? ସେମାନଙ୍କ ପାଇଁ କମ୍ପାନୀର ଅଫିସିଆଲ୍ ନିର୍ଦ୍ଦେଶନାମା କାହିଁ?
​４. ଲିଖିତ ପ୍ରତିଶ୍ରୁତି (Written Guarantee): ଯଦି ବୈଠକ ସଫଳ ହୋଇଛି, ତେବେ ସେହି ସଫଳତାର ସରକାରୀ କିମ୍ବା କମ୍ପାନୀ ସ୍ତରର ସ୍ଵାକ୍ଷରିତ ଚିଠି (Minutes of Meeting) ସାମ୍ନାକୁ କାହିଁକି ଅଣାଯାଉ ନାହିଁ?
ଏତଦ ବ୍ୟତୀତ ମୁଖ୍ୟ ପ୍ରଶ୍ନ ପୂର୍ବ ସରକାରରରେ ଯେମିତି 25% ବର୍ଦ୍ଧିତ ଦରମା ରୁ ଆମ ବିଦ୍ୟୁତ ଶ୍ରମିକ କର୍ମଚାରୀ ବଞ୍ଚିତ ଥିଲେ ସେପରି ହରିୟାଣା, ପଞ୍ଜାବ କି ଅନ୍ୟ କିଛି ରାଜ୍ୟର ଆଉଟ ସୋର୍ସିଙ୍ଗ ମଡେଲ କୁ ଦେଖିଲେ ଲାଗୁଛି ସେଥିରେ ବିଦ୍ୟୁତ ବିଭାଗ କର୍ମଚାରୀ ଅନ୍ତର୍ଭୁକ୍ତ ନାହାନ୍ତି ତେଣୁ ସବିଶେଷ ତଥ୍ୟ ଆଶା କରୁଛୁ ଆଜି ମିଳିବ
​ଆଶା କରାଯାଏ... ଆଜି ସେ କେବଳ ନିଜ ସଂଗଠନର ପ୍ରୋପାଗାଣ୍ଡା ନକରି, ଗ୍ରାଉଣ୍ଡରେ କାମ କରୁଥିବା ପ୍ରତ୍ୟେକ ଶ୍ରମିକ, CCE ଏବଂ RC/DC ଭାଇମାନଙ୍କର ଏହି ଜୀବନ-ଜୀବିକାର ପ୍ରଶ୍ନଗୁଡ଼ିକର ସତ୍ୟ ଆଧାରିତ ଉତ୍ତର ରଖିବେ।
​କର୍ମଚାରୀମାନେ ଏବେ ସଚେତନ, ସେମାନେ ଲାଇଭ୍ କମେଣ୍ଟ ବକ୍ସରେ ଏବଂ ସୋସିଆଲ ମିଡିଆରେ ଏହି ପ୍ରଶ୍ନଗୁଡ଼ିକର ହିସାବ ନିଶ୍ଚିତ ଭାବେ ମାଗିବେ!
#ସମସ୍ତବିଦ୍ୟୁତକର୍ମଚାରୀଙ୍କସୁରକ୍ଷା #ସମୟସାଥୀକନେତାବାଛିବା #ଶ୍ରମିକଏକତାଜିନ୍ଦାବାଦ #ସମୟଏକତାର

07/06/2026

(ଆପଣଙ୍କୁ ସତରେ ଏମିତି ହରିୟାଣା ମଡେଲ ଦରକାର କି କମେଣ୍ଟ ରେ ଜଣାନ୍ତୁ ) ଭ୍ରମିତ ହୁଅନ୍ତୁ ନାହିଁ! ⚠️ ପ୍ରଥମେ ନିଜେ ପଢନ୍ତୁ
ହରିୟାଣା ମଡେଲ୍ ନାମରେ ବିଦ୍ୟୁତ ଶ୍ରମିକଙ୍କୁ ବିଭ୍ରାନ୍ତ
ଓଡ଼ିଶାରେ କିଛି ୟୁନିଅନ୍ ନେତା 'ହରିୟାଣା ମଡେଲ୍' ର ମିଥ୍ୟା ପ୍ରଲୋଭନ ଦେଖାଇ ନିରୀହ ଶ୍ରମିକମାନଙ୍କୁ ଭୁଲ୍ ବାଟରେ ନେଉଛନ୍ତି। ନିଜର ବ୍ୟକ୍ତିଗତ ବା ରାଜନୈତିକ ଫାଇଦା ପାଇଁ ଗରିବ ଶ୍ରମିକଙ୍କ ସରଳତାର ସୁଯୋଗ ନେଇ ସେମାନଙ୍କୁ ବିଭ୍ରାନ୍ତ କରାଯାଉଛି। ଏହିପରି ମିଥ୍ୟା ପ୍ରତିଶ୍ରୁତି ଏବଂ ମିସଗାଇଡ୍ କରୁଥିବା ନେତାମାନଙ୍କଠାରୁ ସତର୍କ ରହିବା ଜରୁରୀ। ଆମ ଓଡ଼ିଶାର ଶ୍ରମିକମାନଙ୍କର ହକ୍ ଏବଂ ସୁରକ୍ଷା ପାଇଁ ସଠିକ୍ ଓ ସ୍ୱଚ୍ଛ ପଦକ୍ଷେପର ଆବଶ୍ୟକତା ରହିଛି, କୌଣସି ପ୍ରହସନର ନୁହେଁ।

#ସମୟଏକତାର #ସମସ୍ତବିଦ୍ୟୁତକର୍ମଚାରୀଙ୍କସୁରକ୍ଷା #ସମୟସାଥୀକନେତାବାଛିବା #ଶ୍ରମିକଏକତାଜିନ୍ଦାବାଦ

04/06/2026

ଆଉ କେତେଦିନ ଏମିତି ନେତାଙ୍କ ଶୋଷଣ ଚାଲିବ? ଏବେ ଜବାବ ଦେବାକୁ ପଡ଼ିବ!
#ସମସ୍ତବିଦ୍ୟୁତକର୍ମଚାରୀଙ୍କସୁରକ୍ଷା #ଓଡିଶା_ବିଦ୍ୟୁତ_କର୍ମଚାରୀ_ମହାସଙ୍ଘ_ଜିନ୍ଦାବାଦ #ସମୟସାଥୀକନେତାବାଛିବା #ସମୟଏକତାର #ଶ୍ରମିକଏକତାଜିନ୍ଦାବାଦ