15/02/2026
PES Update - 041 । आंतरराष्ट्रीय परिषद २०२६
Bandhilki Social Foundation च्या वतीने “डॉ. बाबासाहेब आंबेडकरांची पीपल्स एज्युकेशन सोसायटी : काल, आज आणि उद्या” या विषयावर लवकरच छत्रपती संभाजीनगर शहरात आंतरराष्ट्रीय परिषदेचे आयोजन करण्यात येत आहे.
ही परिषद पीपल्स एज्युकेशन सोसायटीच्या स्थापनेपासून आजपर्यंतच्या प्रवासाचे शैक्षणिक, सामाजिक व कायदेशीर विश्लेषण करून संस्थेच्या भविष्यातील दिशेबाबत मार्गदर्शक विचारमंथन करण्याच्या उद्देशाने आयोजित करण्यात येत आहे.
🎯 परिषदेची प्रमुख उद्दिष्टे :
• संस्थेच्या ऐतिहासिक वारशाचा अभ्यास
• वर्तमान परिस्थितीचे वस्तुनिष्ठ विश्लेषण
• शैक्षणिक व प्रशासकीय सुधारणा विषयक चर्चा
• भावी कृती आराखडा निश्चित करणे
• तज्ज्ञ, संशोधक व सामाजिक कार्यकर्त्यांना एकत्रित व्यासपीठ उपलब्ध करून देणे.
📑 संशोधन निबंध मागविण्यात येणार
आंतरराष्ट्रीय परिषद २०२६ साठी संशोधन निबंध (Research Papers) मागविण्यात येणार आहेत. सादर केलेले संशोधन पेपर्स शास्त्रीय समिक्षा (Peer Review) प्रक्रियेनंतर निवडलेल्या UGC-listed सूचीतील जर्नलमध्ये प्रकाशनासाठी विचारार्थ पाठविण्यात येतील.
प्राध्यापक, संशोधक, शिक्षणतज्ज्ञ, विद्यार्थी, कायदा अभ्यासक, हितचिंतक, सामाजिक कार्यकर्ते व सर्व संबंधित नागरिकांनी या परिषदेत सक्रिय सहभाग नोंदवावा, असे आवाहन करण्यात येत आहे. अधिक माहिती, नोंदणी व पेपर सादरीकरणाबाबतचे तपशील लवकरच जाहीर करण्यात येतील.
“कालचा वारसा समजून – आजची जबाबदारी पार पाडूया – उद्याचे भविष्य घडवूया.”
