مكتب اعصار اعمار الانبار الهندسي

25/09/2025

17/03/2023

السلام عليكم ورحمة الله
لطفا مطلوب خلفة سيراميك مستعجل جدا عندي مجموعة صحيات مدرسة مع ٣ جابيات ماء حوالي ١١٥ متر مربع في منطقة الطاش الاولى الرمادي.
0750 933 5721

06/10/2022

نصيحه

وضع چكن واير أو سيم مربعات أو سيم بقلاوه حديد مغلف بالبلاستيك أو حديد فقط فوق كل أنبوب دفن بالجدار أن كانت أنابيب المياه أو أنابيب المجاري أو أنابيب السبلت أو أنابيب الكهرباء قبل اللبخ مهم جداً جدا لأن الأنابيب سطحها أملس وما يلزم عليها اللبخ ويفطر بمرور الوقت .

05/10/2022

التغليف بالستايرفوم التركي (عزل حراري وجمالية)

14/09/2022

السلام عليكم ورحمة الله
مستعدون على تنفيذ الواجهات باستخدام مادة الستاير فوم التركي وباسعار تنافسية وبكوادر متخصصة (التزام بالموعد ودقة في الانجاز واسعار مناسبه)
من فوائد هذه المادة هو العزل الحراري الجيد بالاضافة الى جماليتها وديمومتها
مع التقدير
تابعوا ويانة مراحل تغليف واجهات مجموعة ابنية في هيت

13/09/2022

اعمال الانهاءات مستمرة على قدم وساق

01/09/2022

الحمد لله تمت بجهودكم

13/08/2022

منقول من صفحة الخرائط الهندسية للفائدة

اسئلة دائما تنطرح وعسى ان ننفع الناس بالمعلومة من خلال ما اكتسبنا من خبرة على مدى السنين بهذا المجال .. ماهو الاجمل ماهو الاقوى ما هو الارخص بالارضيات ( الكاشي .. المرمر .. الكرانيت .. البورسلين ) شرح مختصر.

الكاشي : هو الاقوى على الاطلاق ويتناسب وية كل الضروف وتبدي اسعارة من ٧ الاف الى ١٨ الف تقريبا حسب كبر ونوع الحجر وضغط القالب والمواد الاخرى المستخدمة بالكاشي واحذو من بعض انواع الكاشي ممكن ان تتحفر بالمستقبل لازم تستعينو بأصحاب الخبرة قبل الشراء وهذا النوع بالغالب يبدي سعرة من ٧ الاف الى ٩ الاف ..

المرمر : قوة وجمال وموديلة بكل وقت ماشي بس اسعارة غالية تبدي من ٢٢ دولار الى ٦٠ دولار وحتى اكو اكثر وسعرة والمنشأ هو الي يحدد لونة لان كل منشأ ينتج الوان محددة حسب الحجر المتوفر عدهم هذا الكلام ينطبق على المنشأ التركي فما فوك اما الايراني ما انصح بي يتحفر. فقط بي نوعين شوية زينات بس ما انصح بيهن عمرهن قصير..

الكرانيت : قوي جدا بالنسبة للمنشأ الصيني والوانة محدودة وسعرة ٢٨ الف تقريبا واكو اكثر اما النوعية الي تتحفر هو الايراني ب ١٥ الى ١٧ الف ..

البورسلين : الاجمل على الاطلاق لان بي الوان هواية تناسب كل الاذواق وكل المناشئ قويات واسعارة هم مناسبة بس هنا لازم الخلفة يشتغلة بصورة صحيحة ولازم تتوفر الشروط المناسبة حتى ينجح العمل . مثلا اذا صاب رفت تكدر تشتغلة بالبسيس والعاب وينجح اذا الخلفة مضبوط ويعرف المقادير الصحيحة للخبطة والعاب والكبس الصحيح واذا ماكو رفت وصبيت الارضية بالشكل الصحيح والجوينات بالفليين موجودة هم ينجح ..والشغل الاضبط من هذا اذا عندك امكانية وتكدر تصفر الارضية بخبط وتشتغل بمادة لاصقة يكول افضل وهو هذا ستندر العمل الاساسي للبورسلين .واسعار البورسلين تبدي من ٧ الاف فما فوك بالنسبة للسعر الرخيص هو الايراني والافضل بيهن هو شركة ايفا الدرجة الاولى والشلر..

طبعا اكو تفاصيل هواية بس هذا مختصر ممكن يفيدكم.
نصيحة استعينو بأصحاب الخبرة القوية قبل ما تشترون لان عدهم خبرة بهذا المجال وعدهم تجارب هواية ومتجاوزين الاخطاء ولاتاخذون بنصيحة شخص بنة بيتة وصار صاحب خبرة لان تجربة وحدة ما تكفي يعرف كلشي .تحياتي لكل اعضاء الكروب .

08/05/2022

على بركة الله
تمت المباشرة باعمال الانهاءات لبيت الاخ ابو علي في حي الخضر في هيت نسال الله التوفيق واكمال البيت باحسن صورة

02/05/2022

عيدكم مبارك
مكتب اعصار الاعمار يهديكم اطيب الامنيات وكل عام وانتم بخير اعاده الله عليكم باليمن والبركات

22/04/2022

السلام عليكم ورحمة الله
مطلوب خلفات لبخ على المتر
لبخ تقطيع ولبخ عادي
استلام مهندس
مكان العمل في هيت
نستلم عروض العمل لمدة يومين
مشكورة جهودة جميع الخلفات مسبقا

17/04/2022

تنويه #
تم الاتفاق مع خلفات السطار والبياض
بارك الله بالجميع

السلام عليكم ورحمة الله رمضان كريم
مطلوب خلفات سطار وبياض
العمل في هيت لمن يرغب التواصل معنا
مع التقدير