11/06/2026
Nú á dögunum kláruðu Stíflutækni og Lagnaviðgerðir fóðrun á fráveitulögn sem liggur undir Hamarskotlæk í Hafnarfirði.
Um var að ræða 200 metra langa Ø500 fráveitulögn, þar sem lögnin var endurnýjuð að innan með fóðrun án uppgraftar.
Eins og sjá má í myndbandinu var framkvæmdin bæði umhverfisvæn og engin þörf var á yfirborðsraski, sem þýðir minni áhrif á nærumhverfið, íbúa, umferð og dýralíf við lækinn.
Með þessari aðferð er hægt að endurnýja mikilvægar fráveitulagnir án mikils hávaða, þungra jarðvinnuframkvæmda eða óþarfa röskunar á svæðinu. Þetta er hagkvæm, nútímaleg og sjálfbær lausn sem lengir líftíma innviða með sem minnstum áhrifum á umhverfið.
Við erum stolt af því að taka þátt í verkefnum þar sem bæði gæði framkvæmdar og virðing fyrir umhverfinu fara saman.
Stíflutækni og Lagnaviðgerðir - sérhæfðar lausnir fyrir fráveitukerfi.