Creative Connect Expert

20/08/2026

🎉 Шинэ эхлэлд нь баяр хүргэе! 🇯🇵

Одоогоос нэг жилийн өмнө манай компанид дадлага хийж, ажлын анхны туршлагаа хуримтлуулж байсан оюутан маань сургуулиа амжилттай төгсөж, энэ удаа үндсэн ажилтан болохоор Япон улсад хүрэлцэн ирлээ. ✈️🇯🇵

Цаашдын ажил хөдөлмөр, Япон дахь шинэ амьдралд нь өндөр амжилт хүсье.
Манай хамт олонд дахин тавтай морил! 🤝🌸

04/08/2026

3-р үеийн оюутан маань Япон улсад хийсэн 2 сарын дадлагаа амжилттай дуусган эх орондоо буцлаа. 🇯🇵✈️🇲🇳

Дадлагын хугацаанд хичээл зүтгэлтэй, идэвх санаачилгатай суралцаж, “Шилдэг оюутан”-аар шалгарч шагнуулсанд нь чин сэтгэлээсээ баяр хүргэе. 👏🏆

Цаашдын сурлага, хөдөлмөр, ажил амьдралд нь өндрөөс өндөр амжилт, эрүүл энх, аз жаргалыг хүсэн ерөөе. Олсон мэдлэг, туршлагаа эх орныхоо хөгжилд үнэтэй хувь нэмэр болгон ашиглана гэдэгт итгэлтэй байна.

Амжилтын зам нь үргэлж дардан байх болтугай! 🌸

04/08/2026

Энэ зун манай компани дээр дадлага хийж байгаа оюутны маань бичлэг орсон байна.

02/07/2026

29/06/2026

2026 ОНЫ 7-р САРЫН 5-ны JLPT ШАЛГАЛТЫН БАЙР, ЦАГ

ЯПОН ХЭЛНИЙ МЭДЛЭГИЙН ТҮВШИН ТОГТООХ ШАЛГАЛТ
ӨГӨГЧДИЙН АНХААРАЛД

Шалгалт: 2026 ОНЫ 7 САРЫН 5 (ням гараг)

АНХААРАХ ЗҮЙЛ
(Заавал уншиж танилцана уу)
Шалгалтын журамд өөрчлөлт орж, шалгалт эхэлснээс дуусах хүртэлх бүх хугацааны турш гар утас болон бусад ухаалаг хэрэгслийг унтраах болсныг анхааруулъя. Шалгалт хоорондын завсарлагаанаар ч ашиглах хориотой бөгөөд ашигласан тохиолдолд шалгалтыг хүчингүйд тооцно. Иймд шалгалтын байранд гар утас болон бусад ухаалаг хэрэгсэл аль болох авч ирэхгүй байхыг хүсье.

ШАЛГАЛТЫН ЦАГААС ХОЦОРСОН ТОХИОЛДОЛД АНГИД ОРУУЛАХГҮЙГ АНХААРНА УУ.

ШАЛГАЛТАНД ИРЭХДЭЭ АВЧ ИРЭХ ЗҮЙЛ
・Шалгалтын зурагтай хуудастай ирэх (Шалгалтын хуудасгүй бол шалгалтанд оруулахгүй тул бүртгүүлсэн jlpt.mn вэбсайт руу орж, “Шалгалтын хуудас хэвлэх” хэсэгт нэвтэрч, мэйл хаяг, пин кодоо хийж заавал хувилж авах)
・Биеийн байцаалттай ирэх (иргэний үнэмлэх, гадаад паспорт, жолооны үнэмлэх, иргэний үнэмлэхний зурагтай лавлагааны аль нэг байж болно. 16 нас хүрээгүй бол төрсний гэрчилгээтэй ирэх. Дээрх бичиг баримтууд эх хувиар байна. Утсан дээр авсан бичиг баримтын зургийг ашиглах боломжгүйг анхаарна уу!!!)
・Дээрх хоёр материал авч ирээгүй бол шалгалтанд оруулахгүйг хатуу анхаарна уу.
・Харандаа (HB, Н хатуулагтай), баллуур, сэрүүлэг болон бусад функцгүй бугуйн цаг (ангид цаг байхгүй тул)-тай ирнэ үү.
Жич: Шалгалтын байруудад доор дурдсан цагуудад оруулж эхлэх тул эрт ирэхгүй байхыг анхааруулж байна.

УЛААНБААТАР ХОТ
ШАЛГАЛТ: 2026 оны 7 сарын 5-ны ням гараг
*N1, N2 түвшний шалгалт 09:30 цагаас
*N3, N4, N5 түвшний шалгалт 14:00 цагаас
тус тус тухайн шалгалтын байранд оруулж эхлэнэ.

ШАЛГАЛТЫН БАЙР, ЦАГ
Цаг Түвшин Бүртгэлийн дугаар Шалгалтын байр

・09:30 N1 түвшин БҮРТГЭЛИЙН ДУГААР 10001〜10139 МУИС-ийн 2-р байр

・09:30 N2 түвшин БҮРТГЭЛИЙН ДУГААР 20001〜20365 МУИС-ийн 2-р байр

・14:00 N3 түвшин БҮРТГЭЛИЙН ДУГААР 30001〜30404 МУИС-ийн 4-р байр
БҮРТГЭЛИЙН ДУГААР 30405〜30517 МУИС-ийн 5-р байр

・14:00 N4 түвшин БҮРТГЭЛИЙН ДУГААР 40001〜40654 МУИС-ийн 2-р байр

・14:00 N5 түвшин БҮРТГЭЛИЙН ДУГААР 50001〜50140 МУИС-ийн 5-р байр
N5 түвшин БҮРТГЭЛИЙН ДУГААР 50141〜50999 2-р Сургууль (ЕБС)

Ангийг шалгалтын өдөр зарлах бөгөөд байр болгоны үүдэнд мөн jlpt.mn вэбсайтад байрлуулна.

Монголын Япон Хэлний Багш нарын Холбоо
Утас: 9425-9605, 9025-9605, 9901-4142

26/06/2026

⚡ Үйлдвэрийн дадлагын тэмдэглэл | 2026.06.22–06.23

6-р сарын 22–23-ны өдрүүдэд үйлдвэрийн дадлагын хүрээнд өндөр хүчдэлийн дамжуулах шугамын цамхаг, тоног төхөөрөмж болон өндрийн аюулгүй ажиллагааны хамгаалах хэрэгслүүдтэй танилцлаа.

Дамжуулах цахилгааны хүчдэл нэмэгдэхийн хэрээр илүү өндөр, бат бөх цамхаг шаардлагатай болдог. Мөн зөвхөн цамхаг барихаас гадна цахилгаан дамжуулах шугамын найдвартай ажиллагааг хангахын тулд олон төрлийн тусгай тоног төхөөрөмжийг суурилуулдаг болохыг бодитоор үзэж судаллаа.
Үүнд:
🔹 Цахилгааны утасны чичиргээг бууруулах төхөөрөмж
🔹 Өвлийн улиралд утас мөстөж хөлдөхөөс хамгаалах төхөөрөмж
🔹 Тусгаарлагч болон төрөл бүрийн хамгаалалтын тоноглол
🔹 Өндөрт ажиллах үед ашигладаг хамгаалах хэрэгсэл

Эдгээр нарийн мэргэжлийн тоног төхөөрөмжүүдтэй өндөр хүчдэлийн бэлтгэлийн талбай дээр танилцаж, онолын мэдлэгээ бодит орчинтой холбосон үр өгөөжтэй хоёр өдрийг өнгөрүүллээ.

#ҮйлдвэрийнДадлага #ӨндөрХүчдэл #ЦахилгаанДамжуулахШугам #Сургалт

16/06/2026

6-р сарын 16-ны өдөр манай 2 оюутан Япон дахь компанитай танилцах дадлагаа амжилттай өндөрлөж, эх орон руугаа буцлаа. 🇯🇵✈️🇲🇳

Япон улсад өнгөрүүлсэн энэ хугацаанд шинэ мэдлэг, туршлага хуримтлуулж, олон сайхан хүмүүстэй танилцан, мартагдашгүй дурсамж бүтээсэн гэдэгт итгэлтэй байна.

Дадлагын хугацаанд хичээл зүтгэл гарган идэвхтэй оролцсон та бүхэндээ баяр хүргэж, цаашдын сурлага хөдөлмөрт нь өндөр амжилт хүсье.

Мөрөөдөлдөө хүрэх зам нь үргэлж дардан байг. Сайн яваарай! 🌸


#ЯпонДахьДадлага
#ОюутныХөгжил
#МонголЗалуус

15/06/2026

🌊🇯🇵 2026.06.13–06.14 🇯🇵🌊

Манай дадлагын оюутнууд Японы хамгийн үзэсгэлэнтэй газруудын нэг болох Мацүшиматай танилцаж, далайн аялал хийлээ.
Мацүшима нь 260 гаруй жижиг арлаас бүрдэх үзэсгэлэнт булан бөгөөд Японы уламжлалт “Японы гурван үзэсгэлэнт газар” (日本三景)-ын нэг юм. Эдгээр арлууд нь хүний гараар бүтээгдээгүй бөгөөд олон сая жилийн турш үргэлжилсэн газрын хөдөлгөөн, байгалийн элэгдлийн үр дүнд бий болсон гайхамшигтай тогтоц юм.
Оюутнууд маань усан онгоцны аяллаар арлуудыг ойроос үзэж сонирхон, Японы далайн үзэсгэлэнт байгальтай танилцлаа. Мөн далайн хоол болох шинэхэн сүши, сашими зэрэг хоолнуудыг амталж үзээд “маш амттай байна” хэмээн сэтгэгдлээ хуваалцсан юм.

Үүний дараа Сэндай хотын хамгийн том аквариум болох “Далайн ой мод” усан паркаар зочилж, төрөл бүрийн далайн амьтадтай танилцлаа. Монгол Улс далайд гарцгүй орны хувьд далайн амьтдыг бодитоор харах нь оюутнуудад маш сонирхолтой байсан бөгөөд зарим нь “яг л харь гаригийн амьтан шиг санагдаж байна” хэмээн сэтгэгдлээ илэрхийлж байлаа.

Ийнхүү хоёр өдрийг шинэ мэдлэг, шинэ туршлага, сонирхолтой адал явдлаар дүүрэн өнгөрүүллээ. ✨

#ЯпонДахьДадлага #Мацүшима #ОюутныДадлага #ЯпонТуршлага