16/07/2026
Ташкентте ALA TOO бизнес-борборунун долбоору боюнча эл аралык кызматташтык келишимдерине кол коюлду
14-июлда Өзбекстандын Ташкент шаарында ROYAL курулуш компаниясы тарабынан Бишкекте курулуп жаткан ALA TOO бизнес-борборунун долбоору боюнча келишимдерге жана кызматташуу жөнүндө Меморандумга кол коюунун салтанаттуу аземи болуп өттү.
Бул долбоор үчүн Кыргыз Республикасында биринчи жолу фасаддык конструкциялардын толук көлөмдүү мокаптарын даярдоо менен ачык эл аралык тендер өткөрүлдү. Конкурстун жыйынтыгында долбоордун стратегиялык өнөктөштөрү болуп «АЛЮТЕХ» компаниялар тобу, «МСП Инженеринг» компаниясы жана «СтеклоМир KZ» компаниясы тандалды. Тендердин бардык этаптарында техникалык коштоо жана эксперттик колдоону долбоордун техникалык консультанты катары FASADE INSIGHT компаниясы камсыз кылды.
Келишимдерге жана Меморандумга кол коюу долбоорду ишке ашыруудагы маанилүү баскыч болуп, жетишилген макулдашууларды расмий бекемдеп, кесипкөйлүккө, заманбап технологияларды колдонууга жана сапаттын жогорку стандарттарын сактоого негизделген узак мөөнөттүү эл аралык кызматташтыкка бекем негиз түздү.
ROYAL курулуш компаниясынын башкы директору Мирлан Акжигитов кол коюлган документтер долбоорду ишке ашыруудагы маанилүү баскыч жана узак мөөнөттүү өнөктөштүктүн башталышы экенин белгиледи. «Биз биргелешип «Ала-Тоо» бизнес-борборун - шаардык инфраструктуранын өнүгүшүнө салым кошкон, Кыргызстандагы ишкердик чөйрөсүнө жаңы мүмкүнчүлүктөрдү түзгөн заманбап бизнес мейкиндигин курууну ишке ашырабыз. Сиздерге көрсөткөн ишеним, кесипкөйлүгүңөр жана бир командага биригип иштөөгө даярдыгыңар үчүн терең ыраазычылык билдирем», - деди Мирлан Акжигитов.
Бул долбоордун ишке ашырылышы Кыргыз Республикасынын заманбап ишкердик инфраструктурасын өнүктүрүүгө олуттуу салым кошот.
