Gayan Duminda

20/06/2025

ගසක් උඩ දින 738ක් ජීවත් වෙන්න පුළුවන්ද? 😲

ජූලියා බටර්ෆ්ලයි හිල් කියන්නේ ඇත්තටම එහෙම කරපු කෙනෙක්. සමාගමක් විසින් කැපීමට නියම කර තිබූ කැලිෆෝනියාවේ ඇති, ආසන්න වශයෙන් අවුරුදු 1,000ක් පැරණි දැවැන්ත රෙඩ්වුඩ් ගසක් බේරාගැනීමට ඇය වසර දෙකකට අධික කාලයක් එම ගස උඩම ජීවත් වෙලා තියෙනවා.

1997–1999 කාලයේදී ඇය 61m (200ft) උස ‘Luna’ නම් රෙඩ්වුඩ් ගසක් මත දින 738ක් දිවා-රෑ ගත කළා.

ඇය සීතල සුළඟටත්, වැස්සටත්, තනියම මුහුණ දී ගහ උඩම ජීවත් වුණා. ඒ අතර ඇය මාධ්‍යය, පාර්ලිමේන්තු මන්ත්‍රීවරුන්, පාසල් ළමුන් සහ සමාජ කණ්ඩායම් සමඟ මේ ගැන කතා කළා.

අවසානයේ ඇයගේ උත්සාහයට වටිනාකමක් දෙමින් 1999දී ගස කපා දැමීම නවතාදැමීම පිළිබඳ ගිවිසුමක් සම්මුත වුණා.

ඔයාට ලෝකය වෙනස් කරන්න බැරිවෙන්න පුළුවන්, නමුත් ඔයාට පුළුවන් ඒ වෙනුවෙන් කුඩා පියවරක් හෝ තබන්න. ජූලියා අපිට දෙන ආදර්ශය එයයි.

25/03/2025

25/03/2025

Nine Arch Ella 😍😍

19/02/2025

07/08/2022

ඒ කඳුළු තවමත් උණූසුම්…..

මේ රටේ හදවත් තියෙන මිනිස්සු මැද යක්ෂයෝ ඉන්නවා කියලා මම කියන්නේ නිකන් නෙමෙයි.මේ එකට හොඳම උදාහරණයක්.
මෙයා ලංකාවට ආවේණික කොටියෙක්.තවමත් වැඩිහිටි වියට පත් වුණ ගමන්.ඊයේ රාත්‍රීයේ එයාගේ වසමේ වෙනදා වගේම එයා ඇවිද ගෙන ගියේ මේ තරම්ම යක්ෂයෝ ඉන්නවා කියලා නෙදැන වෙන්න ඇති.ඒත් එක් යක්ෂයෙක් අටවලා තිබුනු මද්දකට එයාව කොටු වුණා.
මද්ද ඉනට තද වුණේ කොටියා දඟලද්දී.කොටියා හිමිහිට මද්ද සවි කරලා තිබුන කොට කැල්ලත් ඇද ගෙනම එයාගේ දහවල් කාලයට සැගවෙන ස්ථානයට යන්න පිටත් වුණා.වේදනාත්මක ගමනක්.හැම තැනම පැටලෙනවා.ඒත් යන්නත් ඕනා.

එහෙම යන කොට එළිය වැටෙන්න ගත්තේ හිතුවාට වඩා කලින්.මොනවා කරන්න ද දහවල් කාලයේ අනාරක්ෂිතව ඉන්න බැහැ.මිනිස්සු හදන සුනඛයන් සහ මිනිස්සුන්ගෙන් බේරෙන්න නම් ගහක් උඩට යන්නම ඕනා.කොටියා ළඟ තිබුන ගහට ගොඩ වුණේ ඒ නිසා.නමුත් එළිය වැටුනාට පස්සේ මිනිස්සු ගහ වට කර ගත්තා.දැන් පුදුම බයක් කොටියාට දැනෙන්නේ.කොටියා බිමට පැන්නේ දුවලා බේරෙන්න.නමුත් මද්දේ තිබුණු කොට කැල්ල ගහ මතම හිර වුණා.
දැන් කොටියා ගහ මත එල්ලීලා.ඒක දරා ගන්න බැරි මරණීය වේදනාවක්.අපේ රටට විදේශ විනිමය ගෙන එන පරිසර සමතුලිතතාවයට ඉන්නම ඕනා මිල කරන්න බැරි කොටියෙක් වුනත් කාටවත්ම වරදක් නොකළත් ඇත්තටම පුදුම දුකක් ම් සත්තු අද විදින්නේ.

වනජීවීයට කිව්වත් එන්න තෙල් තිබුනේ නැහැ.(ආවාත් මෙවැනි සතෙකු බේර ගන්න අසීරු වෙනවා.ඒ ගැන වෙනම ලියන්න ඕනා)ඒත් ඔවුන් හැකි උපරිම වේගයෙන් පෞද්ගලික අයෙකුගෙන් තෙල් ලබාගෙන කොටියා ළඟට ආවා.වනජීවී පාශු වෛද්‍යවරයා එන්න ප්‍රමාද වෙන නිසා පැමිණි වනජීවී පිරිස ගහ පොළොව දෙසට පහත් කරන්න උත්සහා කළා.ඒ කියන්නේ ගහ කපන්න.එමගින් කොටියා එල්ලීලා ඉන්න එක නතර කරන්නයි හැදුවේ.ඒ වෙන කොටත් කොටියාට පණ තිබුනා.නමුත් තවත් විනාඩි කිහිපයක් යන කොට කොටියා සිය අවසන් ප්‍රාණ වායුව වා තලයට මුහු කළා.අන්තිමට ගහත් නැහැ කොටියත් නැහැ වගේ වැඩක් තමයි වුනේ.

මේ කාළකණ්ණී දේ ගැන අපි දශක ගණනක් කතා කරනවා.
හැබැයි කාටවත් මේකට නිසි පිළියමක් ක්‍රියාත්මක කරන්න මෙතෙක් බැරි වෙලා තියෙනවා.අපි ගාව සැළසුම් තිබුනත් ඒවා ක්‍රියාත්මක කරන්න කෙනෙක් නැහැ.ඇත්තටම පුදුම දුකක්,කනගාටුවක් ඇතිවෙන්නේ.

කවදාවත් නොදැක්ක කවදාවත් හඬවත් අහලා නැති මේ කොටියා වෙනුවෙන් උණු කඳුළු කැට දැස් අගින් වැටෙන්න පටන් අරන්……මිට මොහොතකට කලින් කොටියාගේ නෙතගින් ගලා ගිය උණු කඳුළු කැට ඒ සීතළ බිමට වැටෙන්නත් ඇති….
අද(07) අලුයම මේ සිදුවිම වාර්තා වුණේ බගවන්තලාව වතුයායේ.කොච්චර කිව්වත් තවමත් උන් මඳු අටවනවා.නීතියත් නිදා ගෙන ඉන්නවා.

සමාවෙයන් පුදුම මහන්සියක් ගත්තත් අපිට කවම බැරි වෙලා තියෙනවා උඹලාව බේර ගන්න…..

ඇත්තටම යක්ෂයෝ ඉන්න රටින් මේ කොටියා නම් බේරුණා.

ඒත් අපිත් අනිත් ජීවත් වෙන සත්තුත් තවම මේ යක්ෂයොත් එක්කම ජීවත් වෙනවා…….

නයනක රන්වැල්ල