06/04/2026
ඇයි අනුෂ්ක Anushka Rasanjana De Silva අපිව පිස්සු වට්ටන්නෙ?
පට්ටි ගෙදර 50 කියන්නෙ බ්ලාස්ට් එකක්. සටන්, ප්රේමය, අසරණවීම්, ප්රතික්ෂේප වීම්, විරහව, නොදන්නවා වගේ ඉන්නවා කියන මේ ඔක්කොම එකම විනාඩි විස්සක් ඇතුලෙ ලෙලි ගහලා, හපලා, සූප්පුකරලා රහ බලන්නම හදපු එපිසෝඩ් එකක්. රස + අංජන = රසාංජනයක්.
උපාලිගෙ පළිගැනීම - Jenat Anthony
===================
උපාලිට ඕනෙ නෝනා විඳවන්න. නෝනාට ජීවිතේ එක මොහොතක් විඳින්න දෙන්නෙ නැහැ. උක්කු එක්ක බයිසිකලේ ආපු එක ගමන ම ඇති උපාලිට නෝන ව හපයක් කරන්න.
නෝනාගෙ කම්මුල් පහර - Dinakshie Priyasad
=====================
නෝනා එච්චර නිර්භීතව කම්මුල් පාරක් ගහන්නෙ නෝනාට වෙන දේ නොදැන ද? නැහැ. හිතේ තියෙන හයිය පෙන්නන්න. උපාලිට වැඩියෙන්ම තරහා යන්නෙ ඒකට. නරුම ගති තියෙන උපාලිට නෝනා වලංගු නැහැ. නෝනා බයත් නැහැ. නෝනා බය නොවෙන ලොකුම හේතුව සුදු නෝනා. උපාලිගෙ ලෝකෙ ආදරේ තමා සුදු නෝනා. නෝනා නැති උනොත් සුදු නෝනා දුකෙන් කියලා උපාලි දන්නවා. ඒක නෝනත් දන්නවා. අන්න ඒ නිසා තමා නෝනා උපාලි ට බය නැත්තෙ.
අසරණ සහෝදරයා - Dhammika Bandara
==================
පවුලේ දෙවෙනි අම්මා වෙච්ච නෝනා අමානුෂික විදියට ගුටි කද්දිත් ඒකට මුකුත් කරන්න තරම් හයියක් ගතේ නැහැ.
මරුකටට පනින සහෝදරයා - Kasun Tharaka Rathnapala
===============
පවුලේ දෙවෙනි අම්මා වෙච්ච නෝනා අමානුෂික විදියට ගුටි කද්දි, ජීවිතේ පරදුවට තියලා සටන් කරන සහෝදරයා. උපාලි තරම් හයිය නැති උනත් පණ වගේ අක්කව බේරගන්න හදනවා.
කරගන්න දෙයක් නැති තාත්තා - Vass
==========================
අතේ තියෙන මිටියෙන් උපාලිගෙ ඔළුවට ගහන්න තිබ්බා. එහෙම උනා නම් දුවලා දෙන්නෙකුට තාත්තලා නැති වෙනවා. එක දුවෙකුට මිනිහත් නැති වෙනවා. ඒත් සුද්දා වෙනුවෙන් ඒ දේ උනත් කරයි
ගැළවුම්කාරිය හෙවත් සුදුනෝනා
=======================
සුදු නෝනාගෙ පැමිණීමත් එක්කම යුධ පිටිය එකම නිෂ්ශබ්දතාවයකට පත්වෙනවා. හැමෝගෙම ගැළවුම්කාරී තමා සුදුනෝනා.
සහයට ඩැනී - Isurindi
=======
නෝනාට මොනා උනත් හැම එකටම ඉන්නෙ මාලි. එයාගෙම නංගි. බෙල්ට් පාරවල් වලට තෙල් ගානවා.
සැබෑ ආදරවන්තයා
===========
යුද්ධෙ ගිනි නිවීගෙන එනකොට නෝනාව බේරගන්න එනවා. උක්කු අයියා. ආදරේ නවත්තගන්න බැහැ. ඒත් නෝනා දාගෙන ඉන්න සීමාවන් ඇතුලෙ උක්කු නිරුපද්රිතයි. නැත්නම් උපාලි මේ වෙනකොට මොනවා හරි කරලා උක්කුගෙ කතාව ඉවර කරනවා. හැබැයි එහෙම උනොත් උපාලිට නෝනට රිද්දන්න හේතුවකුත් නැති වෙනවා. ඒක නිසාම උපාලි උක්කුව පණපිටින් තියාගෙන ඉන්නවා.
උක්කුට ආදරේ නෑ කියලා එක දිගටම නෝනා කිව්වෙ ආදරේ වැඩි හින්දා. උක්කු ඒක දන්නවා. නෝනාත් අසරණයි. උක්කුත් අසරණයි.
තුරුම්පු බාල්දුයි
============
මාලි හිතන්නෙ තුරුම්පු තියෙන්නෙ එයා ළඟ කියලා. ඒත් නෝනා තුරුම්පු ආසියාව වහන් හිටියයි කියලා හැමෝම දැනගන්න කොට එයාලා අසරණයි. තමන්ගෙ මිනිහා වෙන ගෑනියෙක් ළඟට යනවා කියලා දැනගත්තම ඒකට උඩගෙඩි දෙන්නෙ මොන ගෑනිද? නෝනා මෝඩයෙක් නෙවෙයි කියන එක දැන් හොඳටම පැහැදිලී. උපාලි ගැන තියෙන අප්රසන්න හැඟීම නිසාම උපාලි තමන් ළඟට එන එක වලක්වගන්න ඕනෙ නිසා නෝනා උපාලිට ඕනෙම දෙයක් කරගන්න දීලා නිකන් ඉන්නවා. ඒක හරිම අළුත් ආත්මාරක්ෂක කොන්සෙප්ට් එකක්.
දවසේ වීරයා ❤😍🙏
============
පට්ටි ගෙදර 50 කොටසෙ වීරයෝ ගොඩක් අතරෙ එක පරාජිත වීරයෙක් ඉන්නවා. ඒ තමා උක්කු අයියා.
දුලාංජ ඩිල්ෂාන් තමා දවසේ වීරයා. මරන්න ආවේශ වෙලා ඇවිත්; හිතින් මැරිලා යන්න වෙනවා.
දුලාංජ කියන්නෙ මම ලංකාවෙ නළුවො අතරෙ දැකපු සුවිශේෂී ම නළුවෙක්. ආකෘතිය ඇතුලෙ animation අඩුයි. Smooth operator කෙනෙක්. අතපය විසිකර කර දඟලන්නෙ නැහැ. මූණ ඇතුලෙ කරන්න කියන්න තියෙන ඔක්කොම කරනවා. හරි steady structure එකක්. ජෝ අබේවික්රම මහත්තයාගෙත්, අමරසිරි කලංසූරිය මහත්මයගෙත් මේ ආකාරයේ රංග ශෛලියක් තිබුණා කියන තැන මම ඉන්නෙ.
දුලාංජ, ඔයාව සම්මාන වලට මඟහැරෙනවා මිසක් ඔයාට සම්මාන මඟ හැරිලා නැහැ.
(Dulanja Dilshan, "එදා රෑ" ශූටිං වලදි කීප පාරක් දැක්කත් වචනයක් දෙකක් කතා කරගන්න මට හැකි උනේ නැහැ. දවසක කතා කරන්නම ඕනෙ.)
අනුෂ්ක, උක්කු අයියා හිත බිඳිලා බයිසිකලේ එන දර්ශනය තව පැයක් උනත් බලාගෙන ඉන්න පුළුවන්.
