26/07/2025
لبارح فالعشا ومن بعد نهار طويل ديال شقا وتمارة لواليدة حطات لواليد داكشي لي قسم الله وحطات ليه خبزة لكن كانت محروقة .
هز لواليد الخبرة وهو ضاحك فوجه لواليدة وبدا كيهضر وكيسولني كيفاش داز نهاري فالخدمة وشنو درت وفين وصلت.
معقلتش باش جاوبتو ولكن عقلت كيفاش هز لخبزة وكيقطع وكياكل رغم أنها محروقة كأن شيء لم يكن عااااادي.
فاش نضت خرجت من لبيت سمعت لواليدة كتعتاذر للواليد حيتاش حرقااات الخبز وهي كطييب وفيه..... ومنسيتش الرد ديال لواليد على الاعتذار ديالها :
" علاش كطلبي سماحة متقوليش هاكك هادي اصلا انا كيعجبني ناكل الخبز محروق شوية"
دازت ديك ليلة مبغاش يتنسا لي الرد ديالو والغد فصباح مشيت باش نسلم عليه ونقولو صباح الخير سولتو قلت لو :
واش بصح كيعجبك الخبز محروق الواليد؟ "
قالي : اجي حدايا اولدي نقولك
" اولدي مك لبارح خملات دار كاملة وصبنات الفراش مخلات ما دارت عيات بزاف مسكينة"
وقالي :" الا بعد المرات كان الخبز محروق رآه عادي مغيضرك والو واخا تاكلو مكاين حتا حاجة مثالية ومكاين تا حاجة كاملة مكمولة الحياة عامرة بالاشياء الناقصة ، ومكاين حتا شخص مفيه حتا عيب، خاصنا نتعلمو كيفاش نتقبلو النقص في بعض الأمور ونتقبلو عيوب ناس "
خبز محروق شوية مخاصوش يحطم قلب زوين ومك قلبها زوين علاش غنكدها عليها على والو. خاصنا نعذرو بعضياتنا ومنتاقدوش ابسط الاشياء.
النقد ديما ديما ديما كيق*تل لذة الشيئ!
الشجرة اولدي الا تعرضات لريح كثيرة وديما غتولي شجرة عارية من الأوراق ديالها ومن الثمار ديالها!
هاكك حتا الشخص الا بقيتي تنتاقد فيه وتجرحوو كيولي سلبي
امدحوووو الأمور الحسنة د بعضياتكم وتجاوزو الأخطاء
الكلام الجميل بحال السوارت كتسد بيه الفم وكتفتح بيه القلب ❤️
