19/09/2017
Улсын төсвийн хөрөнгө оруулалтаар “Хотгор зам” ХХК нь Булган аймгийн Сэлэнгэ суманд Сэлэнгэ мөрнийг гатлах 437.02 урт метр ган алгаслал бүхий төмөр бетон гүүрийг барьж барилгын ажлыг дуусган ашиглалтад орууллаа.
Уг гүүрийг нээх ёслолын ажиллагаанд Зам, тээврийн хөгжлийн сайд Д.Ганбат, УИХ-ын гишүүн Ж.Бат-Эрдэнэ, Боловсрол соёл шинжлэх ухааны дэд сайд Ё.Отгонбаяр, ЗТХЯ-ны авто замын бодлогын хэрэгжилтийг зохицуулах газрын дарга Д.Доржханд, ЗТХЯ-ны хяналт-шинжилгээ, үнэлгээ дотоод аудитын газрын дарга Гомбосүрэн, Монголын автозамчдын холбооны удирдах зөвлөлийн гишүүн “Гангүүр” ХХК-ийн захирал Гантөмөр болон бусад албаны хүмүүс оролцлоо. Нээлтийн арга хэмжээний үеэр тухайн гүүрийн барилгын ажлыг гүйцэтгэхэд болон компанийн үйл ажиллагаанд өөрийн хувь нэмрийг оруулсан ажилчдыг шагнаж урамшууллаа.
Салбарын шагналыг Зам,Тээврийн хөгжлийн сайд Д.Ганбат гардуулав.
“Тэргүүний замчин” цол тэмдэгээр Т.Хайратбек, “Онц тээвэрчин” цол тэмдгээр Серик, Д.Сайран нарыг, Зам, Тээврийн хөгжлийн яамны жуух бичгээр Т.Аманбол, М.Серекбол нарыг, Монголын авто замчдын холбооны шагналаар И.Ануарбек, Ө.Мельс, Е.Серекбол нарыг, Зам,Тээврийн Хөгжлийн төвийн шагналаар Б.Ерболат, А.Ербол, К.Өнөрбек нарыг, Баян-Өлгий аймгийн Засаг даргын болон ИТХ-ын даргын жуух бичгээр Б.Хабалбахи, А.Отарбек, Телеухабыл, мөн “Хотгор зам” ХХК-ийн шагнал болох Клугер маркийн автомашин, 5,000,000 төгрөг, Чежу аралд амрах эрхийн бичиг 4 хүнд, компанийн шилдэг ажилтан 10, Булган аймгийн Сэлэнгэ сумын засаг даргын жуух бичиг 3 хүнд шагнаж шагналын хур буулаа.
