14/04/2026
«Eg har lada elbilen i garasjekontakten i to år, det går heilt fint.»
Vi høyrer det ofte. Og ja, det ser ut som det går fint. Heilt til vi kjem for å installere ein dedikert ladar og finn kontakten brun og varm på baksida av veggen.
Ein vanleg stikkontakt er ikkje laga for å gå på maks belastning i åtte timar kvar natt. Over tid overopphetar koplingane, og då er vegen til brann kortare enn folk trur.
Ein dedikert elbilladar har eigen kurs dimensjonert for jobben, jordfeilbryter og overspeningsvern. Det er ikkje det same som «berre ein annan måte å få straum til bilen».
Har du lada i vanleg kontakt ei stund, er det lurt å få ein elektrikar til å montere elbilladar.
Bilen din fortener trygg straum, og det gjer huset ditt òg.
