15/06/2026
Mykje er sagt og skrive om Stad Skipstunnel. Denne helga har signifikant bølgehøgd rundt Stadt vært oppe i 2,9 meter, noko som gir maksimal bølgehøgd opp mot 4,5 meter. Det seier seg sjølv at det ikkje er forsvarleg å ta slep i slike forhold. Vi hadde planlagt eit transportoppdrag på lekter, men vart dermed værfast i to døgn. Ikkje anna å vente med 8 meter slepebåt? Liam og Daafjord er testa i slik sjø, og klarar seg godt. Dette er båtar som stikk 3 meter under vatn, og er slingrar langt mindre enn ein skulle tru. Det er ikkje båtane som setter grensa, men dei aller fleste kyst-slep med lekterar, foringsflåtar, ringar eller båtar, har ei grense på 1,8 - 2,0 meter signifikant bølgehøgd. Dette blir satt av forsikringsselskap og surveyorar, og er ikkje berre ei intern grense hos oss. Sikkerheit for mannskap og utstyr har førsteprioritet, og forholda rundt Stadt er kjent for å endre seg raskt. Kryssande bølger, bølgeperiode, straumforhold og retning endrar seg raskt, og det er mange timar mellom skjerma farvatn når ein først er utpå. Stad Skipstunnel er ikkje berre for større båtar som hurtigruta. Vi har tusenvis av mindre arbeidsbåtar og fiskebåtar som går opp og ned langs kysten. Ikkje minst alle service-fartøya, som har daglege kryssingar av Stadten. Vi føler at alle desse fartøya blir litt gløymt i argumentasjonen mot å bygge tunnelen. Vår påstand er at alle rederi som driv båtar langs kysten er påvirka av Stadt, og antall timar venting på bedre forhold, er ufattelig mange. Tunnelen vil umiddelbart gi oss større sikkerheit, forutsigbar logistikk, og ein enklare kvardag for nær sagt alle som ferdast langs kysten. Ein ting er sikkert, Sea Tug As vil nytte Stad Skipstunnel så snart den er ferdig!
