20/04/2025
سلام يا مبدعين اينما كنتم .. ✨️
"التنظيم ما رفاهية.. هو سر الاستمرارية والإنتاجية"
رغم إني زولة منظمة بطبعي، إلا إني في بداية دوامي المكتبي عانيت جداً عشان أقدر أنشئ سيستم منظم وفعّال للعمل. يمكن لأني جيت من خلفية "فريلانسر"، كنت متعودة أرتّب شغلي بطريقة تخدمني أنا شخصياً، وما كنت مضطرة أشاركه مع حد. لكن لما اشتغلت ضمن تيم، اتضح لي إن التحدي الحقيقي يبدأ لما تحاول تخلق نظام في وسط فريق ما ماشي على نظام موحد.
لحسن حظي كانت في زميلة واحدة فقط في المكتب، لفتت نظري بشدة. طريقة تنظيمها كانت مُلهمة: أي معلومة تطلبها تلاقيها عندها، واضحة ومباشرة.
لاحظت الفرق الكبير لما أستلم منها شغل، مقارنة بباقي الفريق. المشاريع اللي كانت تمر من خلالها بكون عندي فيها كل الداتا المطلوبة، مرتبة ومهيأة للاستخدام. وجودها جنبي علّمني قد شنو النظام بيسهّل علينا حياتنا كلنا، مش بس بيزيد من إنتاجيتنا.
بدأت ابحث عن طرق اسستم فيها شغلي و أطبّق طرق التوثيق والتنظيم اللي بتستخدمها، هي بتتعامل مع التدوين الورقي و الاكسيل شيت ..
في بحثي لقيت أدوات ساعدتني كتير زي:
Notion: لتدوين الملاحظات، تخطيط المشاريع، ومتابعة المهام اليومية.
Excel Sheets: لتنظيم بيانات المشاريع، تتبع الجداول الزمنية، ومشاركة المعلومات مع الفريق.
انا اخترت notion لان بيناسبني اكتر و حسيته مرن اكتر و قدر اتعامل معه برضا و ارتياح ♡
اللي اتعلمته من التجربة دي؟
النظام مش بس بيخدمك انت، لكن بيسهّل التعاون، وبيخلق بيئة شغل صحية ومنتجة.
والأجمل من كده، إنك لما تشتغل جنب شخص منظم، بتحس إنك ماسك طرف الخيط في وسط فوضى المشاريع.
يا حظ من لقى سنّيرة منظمة تعينه ✨️💖
شاركوني رايكم و كيف بتنظمو شغلكم اذا كنتو فري لانسر او ضمن تيم ✨️👏