https://www.facebook.com/100514125462769/

Obaidullah Noor, Kabul (2026)

27/05/2026

اختر مو مبارک شه
لوي اختر مبارکي ټولو ټولو هیوادوالو ته وایم ،الله ج مو عبادتونه طاعت قبول کړه.
عيدكم مبارك
تقبل الله منا ومنكم صالح الاعمال.
عبیدالله "نور"

13/05/2026

ژوند رښتياهم ډير بی وفا دی شاپور ځدران کوم حالات ته رسیدلي دي د انځور کی کتلې شي ټول ورته له زړه نه دعا وکړي الله ج دی بيرته روغ ړمټ کی 💔

19/03/2026

کوچني اختر مو مبارک شه!
ګرانو ملگرو او هیوادوالو
د نېکمرغه کوچني اختر په مناسبت تاسو ټولو ته له زړه څخه مبارکي وایم. الله تعالی دې وکړي چې دا مبارکې ورځې مو له خوښیو، سولې، روغتیا او برکتونو څخه ډکې وي.
الله دې زموږ عبادتونه قبول کړي، ګناهونه مو وبخښي او زړونه مو له مینې او یووالي څخه ډک کړي. هیله ده چې دا اختر د ټولو لپاره د خوښۍ، ورورولۍ او سوکالۍ پیغام راوړي.
په درنښت
عبیدالله نور

13/03/2026

هغه څوک چې له الله هیله وکړي، نه ردېږي.
یو شرابي سړی و. یوه ورځ یې خپل څو ملګري راوغوښتل. هغوی کښېناستل. بیا یې خپل خادم راوباله، څلور درهمه یې ورکړل او ورته یې وویل:
په دې پیسو زموږ د مجلس لپاره یو څه مېوه راوړه.

خادم روان شو. په لاره کې یې له زاهد منصور بن عمار سره مخ شو. هغه خلکو ته ویل:

«څوک چې یو مسافر فقیر ته څلور درهمه ورکړي، زه به د هغه لپاره څلور دعاوې وکړم.»

نو غلام هغه څلور درهمه ورته ورکړل.

منصور بن عمار ورته وویل:
ته څه غواړې چې زه درته دعا وکړم؟

غلام وویل:
۱. زه یو سخت او ظالم بادار لرم، غواړم له دې غلامۍ څخه خلاص شم.

۲. دا چې الله تعالی زما د دې څلورو درهمو بدله راکړي.

۳. دا چې الله تعالی زما بادار ته توبه ورپه برخه کړي.

۴. دا چې الله ما، زما بادار، تا او د مجلس ټول خلک وبخښي.

نو منصور بن عمار د هغه لپاره دعا وکړه.

غلام بېرته خپل بادار ته ستون شو. بادار ورباندې غوسه شو او ویې ویل:
ولې ناوخته شوې؟ مېوه چېرته ده؟

غلام ټوله کیسه ورته وکړه: چې څنګه یې له منصور زاهد سره لیدلي او څلور درهمه یې د څلورو دعاوو په بدل کې ورکړي.

د بادار غوسه ارامه شوه او ویې ویل:
ستا لومړۍ دعا څه وه؟

غلام وویل:
ما له الله څخه وغوښتل چې ما له غلامۍ آزاد کړي.

بادار وویل:
زماخبره واوره! ما ته د الله لپاره آزاد کړي، ته اوس ازاد یې.

بیا یې وویل:
دوهمه دعا دې څه وه؟

غلام وویل:
دا چې الله د هغو څلورو درهمو بدله راکړي.

بادار وویل:
تا ته به دهغه بدله څلور زره درهمه درکوم.

بیا یې وپوښتل:
درېیمه دعا دې څه وه؟

غلام وویل:
دا چې الله تا ته توبه در نصیب کړي.

نو بادار خپل سر ټیټ کړ، ویې ژړل، د شرابو جامونه یې له مخې لرې کړل او مات یې کړل، او ویې ویل:

زه الله ته توبه کوم، بیا به هېڅکله شرابو ته نه ګرځم.

بیا یې وویل:
څلورمه دعا دې څه وه؟

غلام وویل:
دا چې الله تعالی ما، تا، منصور بن عمار او د مجلس ټول کسان وبخښي.

بادار وویل:
دا زما په واک کې نه ده، دا د ډېر بښونکي او مهربان الله کار دی.
کله چې هغه شپه بادار ویده شو، یو غیبي غږ یې واورېد چې ورته ویل یې:

تا هغه څه وکړل چې ستا په وس کې وو.
ایا ته ګومان کوې چې موږ به هغه څه ونه کړو چې زموږ په واک کې دي؟

بېشکه الله تا غلام منصور بن عمار او د مجلس ټولو خلکو ته بخښنه وکړه.
📚

13/03/2026

👷 د یوه ښارګوټي لپاره د اوبو رسول

یو ښارګوټی چې نږدې ٦٠٠٠ اوسیدونکې لري، د یو نفر د اوبو مصرف یې په شپه او ورځ کې ١٠٠ letters / day . Cap دی، د کورونو ډول یې یو منزله دی، د پایپ څخه چې استفاده کېږي، پولې ایتلین پایپ دی، تاسو د دې ښارګوټې لپاره د Water Tank ارتفاع پیدا کړئ؟

حل: د یوې ورځې لپاره د جریان منځنی مقدار پیدا کوو

Q daily average = 6000 x 100 = 600000 L/day

Q peak max = 600000 x 4.86 / 86400 = 33.75 L / sec
دلته 4.86 د safety ضریب دی یعنې د ځینو حدثوي پېښو لپاره لکه د اور لګېدنې او داسې نورو پېښو لپاره په نظر کې نېول شوی

لکه څرنګه چې په شکل کې ښکارې له پایپ څخه په څلورو نقطو کې اوبه اخیستل کېږي ( E , D , F , G ) فرض کوو چې له ټولو نقطو څخه په مساوي ډول اوبه توزېع کېږي

Q peak max = 33.75 / 4 = 8. 44 L / sec

اوس په هره نقطه کې د جریان مقدار محاسبه کوو
له شکل څخه مالومېږي څرنګه چې په هره نقطه کې 8.44 لټر پر ثانیه جریان موجود وي نو په E نقطه کې 8.44 لټر پر ثانیه جریان دی د D په نقطه کې 8.44 جمع 8.44 چې مساوي کېږي په 16.88 لټر پر ثانیې سره همداسې په نورو نقطو کې

‏ Q ( ED ) = 8.44 L / sec
Q ( DC ) = 16.88 L / sec
Q ( BC) = 16.88 L / sec
Q ( FG ) = 8.44 L / sec
Q ( FB ) = 16.88 L sec
Q ( AB ) = 33.76 L / sec

نوټ : د شاخه یي شبکاتو په ډیزاین کې تر ټولو لېرې نقطه او همدا ډول تر ټولو لوړه نقطه انتخابېږي تر څو وکولی شو چې په تر ټولو لېرې او همدا ډول په لوړه نقطه کې په لازم فشار سره اوبه ورسېږي
همداسې نقطه په نقطه د water tank په طرف محاسبې ته ادامه ورکو تر هغې چې د water tank ارتفاع په لاس راشي

اوس د سوال محاسبه تر ټولو لېرې نقطې څخه شروع کوو

ازاد فشار ( Terminal Head ) د E په نقطه کې چې تر ټولو لېرې نقطه ده پیدا کوو

په امریکي سیستم کې ازاد فشار یا ارتفاعي فشار د لاندې فارمول پواسطه سره پیدا کولی شو

TH = 5(n - 1 ) + 7

n = د منزلونو تعداد

څرنګه چې د ښارګوټي لپاره مو کورونه یو منزله نېولي دي نو (n )هم مساوي د یو سره دی
TH at point E = 5(1 - 1 ) + 7 = 7 m

په دې مانا چې د E په نقطه کې فشار باید د 7m څخه کم نه وي

اوس په همدې (E )نقطه کې هایدرولیکي فشار پیدا کوو

HG at point E = TH at E + GL

HG = Hydraulic Gradient
GL = Ground Level

HG at E = 7 + 398.35 = 405.35 m

د (E - D )نل ترمنځ په پایپ کې طولي ضایعات پیدا کوو

په پایپ کې طولي ضایعات د لاندې فارمول څخه په استفادې کولی چې پیدا کړو

Hf = 1 / 0.094 x ( Q/C )^1.85 x 400 / D^ 4.87

Hf = طولي ضایعات
Q= د جریان مقدار

C = د هایدرولیک د ظرفیت ضریب دی چې قیمت یې د ( 80 - 120 ) پورې دې د دې بېلګې لپاره د 100 قیمت په نظر کې نېول شوی

D = د نل قطر دی

نوټ: د ځینو پارامترونو قیمتونه د شکل څخه اخیستل کېږي د بېلګې په ډول په لاندې فارمول کې د 400 وضع شوی قیمت د شکل څخه اخیستل شوی دی چې د ( E - D ) ترمنځ د پایپ اوږدوالی ښایي

HL at ( E - D ) = 1 / 0.094 ( 0.00844 / 100 )^1.85 x 400 / D^4.87
د پایپ لپاره قطر د لاندې فارمول څخه پیدا کولی شو

Q = V x A = V x pi D^2 / 4

D = ( (4Q)^1/2 / ( pi x V )^ 1/2 )

داوبه رسونې لپاره مناسب سرعت مساوي دی ( 0.85 - 1.2 ) متر پر ثاینې سره
که چېرته سرعت مساوي له ( m/ sec 1 ) سره ونېسو نو پورته فارمول به لاندې حالت غوره کړي

d = 1.13 x ( Q )^ 1/2

d ED pipe = 1.13 x ( 0.00844 )^1/2 = 100mm

پورته مو د طولي ضایعاتو فارمول لېکلی اوس راځو خپل قیمتونه پکې وضع کوو

HL at (E - D ) = 1/0.0094 x ( 0.00844 / 100 )^1.85 x ( 400 / 0.1^4.87 ) = 9.176m

د ( E - D ) ترمنځ طولي ضایعات مساوي کېږي 9.176 مترو سره

د پایپ په نورو نقطو ( D . F . G ) کې هم د E نقطې په ډول Terminal head همدا شان Hydraulic gradient او د پایپ قطرونو محاسبه کوو تر څو وکولی شو چې د water Tank ارتفاع پیدا کړو
اوس راځو هایدرولیکي فشار د D په نقطه کې پیدا کوو

HG at D = HG at E + HL ( E - D )
HG at D = 405.35 + 9.176 = 414.4m

همدا ډول د D په نقطه کې ازاد فشار ( Terminal head ) چیک کوو

TH at D = HG at D - GL at D

TH at D = 414.4 - 398.2 = 16.3m

TH at D = 16.3m > 7m OK
څرنګه چې ازاد فشار له اوو څخه لوی دی نو صحیح دی

اوس راځو د ( D - C ) ترمنځ د پایپ قطر محاسبه کوو
فارمول یې لرو
d ( D - C ) = 1.13 ( Q )^1/2

d ( D - C ) = 1.13 ( 0.01688 )^1/2 = 0.14m

همدا ډول د پایپ د ( D - C ) ترمنځ طولي ضایعات پیدا کوو

HL ( D - C ) = 1 / 0.0094 ( 0.01688 / 100 ) ( 200 / 0.14^4.87) = 3.2m

د C په نقطه کې هم پورته پارامترونه پیدا کوو

HG at C = HG at D + HL ( D - C )
HG at C = 414.4 + 3.2 = 417.6 m

TH at C = HG at C - GL at C
TH at C = 417.6 - 397.8 = 19.8 > 7 ✅

لکه څرنګه چې له شکل څخه مالومېږي د B نقطې څخه تر D نقطې پورې کوم joint وجود نه لري نو د پایپ قطر مساوي په نظر کې نېول کېږي. ”امین زی لیکدود“

اوس راځو د پایپ د ( C - B ) پورې د نل په اوږدو کې ضایعات محاسبه کوو
HL ( C - B ) = 1/0.094 x (0.01688/100)^1.85 x ( 500 / 0.14^4.87) = 8.03m

هایدرولیکي فشار یې مساوي دی په

HG at B = HG at C + HL ( C - B )

HG at B = 417.6 + 8.04 = 425.63m

د ( B - F ) ترمنځ د پایپ طولي ضایعات مساوي کېږي

HL ( B - F ) = 1/0.094 x ( 0.01688/100)^1.85 x 200 / 0.14^4.87 = 3.2m

هایدرولیکي فشار یې مساوي کېږي
HG at F = HG at B - HL ( B - F )
HG at F = 425.63 - 3.2 = 422.43m

ازاد فشار به یې مساوي شي

TH at F = HG at F - GL at F
TG at F = 422.43 - 398.9 = 23.53 > ✅

اوس راځو اخري نقطې ته د ( B - A ) پورې طولی ضایعات محاسبه کوو
لومړې د دې برخې لپاره قطر محاسبه کوو او ببا ضایعات:

d ( A - B ) = 1.13 x Q^1/2 = 1.13 x 0.003376 = 0.2m

HL ( A - B ) = 1/0.094 x ( 0.003376/100)^1.85 x ( 300/ 0.2^4.87) = 3.058 m

HG at A = HG at B + HL ( A - B )
HG at A = 425.63 + 3.058 = 428.688m

TH at A = HG at A - GL at A
TH at A = 428.688 - 400 = 28.688 m

TH at A = 28.7 m
په نتیجه کې ویلی شو چې د Water Tank ارتفاع باید 28.7 متره ووسي، تر څو د ښارګوټې لېرې او لوړې نقطې ته په لازم فشاره سره اوبه ورسېږي.

13/03/2026

پاکستان یو ځل بیا پر کابل ښار هوایي بمبار کړی چې ملکیان په کې شهیدان او ټپیان دي.
الله ج په افغانانو رحم وکړي

13/03/2026

باچا او شمايله وروستۍ برخه!
باچا چې د لور خبرې واورېدې يو څه يې دريځ نرم شو او د خپلې ګرانې لور خبره يې ځمکې ته نه شوه غورځولی.
عثمان ته يې وويل:
لاړ شه د کوچنيوالي ملګری خالد دې له ټټۍ را وباسه، دا بخملي کالي ورکه چې له حمام وروسته يې واغوندي او په خپله مخه لاړ شئ.
عثمان د خالد خواته ورغی، د نوکرانو په مرسته يې را پورته کړ، نوي کالي يې ورکړل هغه په غ ککړ کالي يې ترې وباسل او يوه کڅوړه کې يې واچول. کڅوړه عثمان له ځان سره وساتله.
باچا له خپلې لور شمايلې، عثمان او خالد سره مخه ښه وکړه.
تر کيلو مټره پورې خلک د دوی رخصتي مراسمو کې په لار ولاړ وو. هغه خلک چې مخکې به يې لاسونه د سنګسار له ډبرو ډک وو اوس يې لاسونه له ګلونو ډک دي.
عثمان او شمايله په يو اس سپاره وو او خالد په جلا اس سپور وو.
له څه وخت مزل وروسته يې يو ځای کې دمه وکړه. خالد عثمان ته وويل:
تا کيسه ونکړه چې ته څوک يې ولې زما ژغورلو ته راغلې؟
عثمان ورته وويل: ما د خونکار باچا په وطن کې مزدوري کوله، هره ورځ به مې د ځوانانو مرګونه په خپلو سترګو ليدل. ته مې چې د سنګسار په ميدان کې وليدې د مرګ زړه مې درباندې ونشو ځکه دې ژغورلو ته را وړاندې شوم.
بيا عثمان له خالد وپوښتل:
ته ولې له خپل وطن څخه د شمايلې ګټلو لپاره راغلی وې، ژوند دې په خطر کې واچوه؟
خالد ځواب ورکړ: زه د باچا زوی يم، پلار مې د ايران باچا لور راته کوژده کړه. زه خپلې کوژدنه پسې د بنجاره سامان خرڅولو په بهانه ايران ته لاړم. له هغې مې د غاړکۍ په بدل کې خوله وغوښته رايې کړه.
کله مو چې واده وکړ ورته ومې ويل دا غاړکۍ دې له کومه کړه؟
هغې له ډېرو ورځو وروسته راته وويل چې په يو شرط کس درښيم چې له خونکار باچا شمايله وګټې.
ما کې هم افغاني غيرت را پورته شو د شمايلې ګټلو لپاره راغلم خو ناکام شوم.
عثمان ورته وويل: سر چې ژوندی وي خولۍ ډېرې دي. دا ښه ده چې له دې ځای خپل کور ته ژوندی ستنېږې.
له ډېر تګ وروسته بيا درې واړه د دمې لپاره له اسونو ښکته شول.
عثمان خالد ته وويل: زه ښځه لرم، بچيان هم لرم او اوس مې ځواني ده بايد پيسې وګټم. زما لخوا دې دا شمايله تاته ډالۍ وي، زه درنه لاړم تاسې دمه وکړئ په کرار خپل کلي ته لاړ شئ
خپلې ښځې ته به دې بهانه هم جوړه وي چې دا ده شمايله مې وګټله او راغلم.
عثمان ترې لاړ، دوی دمه اوږده کړه.
عثمان( د خالد ښځې) چابک اس وځغلاوه او له دوی مخکې کور ته ورسېده. خواښې او خسر ته يې ژر کيسه وکړه چې ستاسې زوی سلامت راغی او د خونکار باچا لور شمايله یې هم ګټلې ده.
خو! پام چې له ما يې خبر نکړئ ورته و نه وايئ چې دا هم درپسې وتلې وه.
له څو ساعتونو وروسته خالد خپلې کوڅې ته راننوت، زرګونه خلکو ګلان پرې وشیندل او په ډولونو يې د ده راتګ بدرګه کړ.
خالد کور ته راغی، مور ته يې خپله دوهمه مېرمن شمايله معرفي کړه او کيسه يې ورته وکړه چې څنګه په تکليف مې لاسته راوړې ده.
له چای څښلو وروسته يې له موږ پوښتنه وکړه:
هغه بله اېنګور دې نښکاري چېرته ده؟
- هغه دا ډېر وخت کېږي ناروغه ده، کوټه کې به وي.
ماښام شو د خالد لومړۍ ښځې بيا يوه ښکلې جوړه کالي پر تن کړي دي، هماغه غاړکۍ چې يې له خالد نه د يوې خولې په قېمت اخيستې وه په غاړه يې کړه او په تخت کېناسته.
خالد کوټې ته ننوت، ځان بېخي فاتح ورته ښکارېده. ښځې سره له سلام کلام مخکې يې پوښتنه ترې وکړه هله هغه غاړکۍ دې له کومه کړه؟
ښځه يې لږه شېبه غلې وه.
دا ځل خالد دوه کلکې څپېړې کش کړه او ورته وې ويل:
د مردارې لورې! هلته دې د شمايلې په ګټلو پېغور راکړ، د مرګ خولې ته دې ولېږلم اوس مې چې هغه شرط پوره کړ اوس راته ووايه غاړکۍ دې له کومه کړه؟
ښځې يې د تخت لاندې کڅوړه را وباسله. په کڅوړه کې د خالد هغه کالي وو چې په غ لړلي وو، له هغه ځای نه يې ځان سره راوړي وو.
خالد ته يې وويل:
غاړکۍ د دې کاليو مالک راکړې ده.
خالد چې کڅوړه کې کالي وليدل ور په ياد شول چې دا خو هغه کالي دي چې درې شپې درې ورځې او شپږ ساعته مې په ټټۍ کې اغوستي وو.
په کيسه يې سر خلاص شو، د ښځې پښو ته وغورځېد او ورته وې ويل ستا دې زما په سر قسم وي چې دا راز چاته مه وايه.
ته او شمايله خپلو کې د خوښۍ ژوند سره تېروئ او نوره به زما او ستا اړيکه لکه د پاچا او د غلام داسې وي.
د ښځې يې زړه پرې درد وکړ، بښنه يې ورته وکړه او له دې وروسته يې ژوند په خوښۍ سره روان وو.
پای.
په دې هيله چې له کيسې مو خوند اخيستی وي، راتلونکې کې به له دې ښکلې کيسې وړاندې کړو.
😎

13/03/2026

باچا او شمايله شپاړسمه برخه!
د ټولو په مخونو کې خوشالي وغوړېده، عثمان چې د سيګرټو مذب يې ور ډډ کړی و پاتې سګرټ يې له کړکۍ ښکته وغورځول.
سهار وختي اعلانونه وشول چې له افغانستان راغلي يو ځوان عثمان وکولای شول چې درې ورځې پرلپسې شمايله وغږوي او وې ګټي.
باچا راغی عثمان يې په تندي ښکل کړ او د خپلې لور ګټلو مبارکي يې ورکړه.
تمه خو دا وه چې باچا خالد له تشناب را باسلی وای او درې واړه يې په مينه رخصت کړي وای. خو باچا وويل:
زه د عثمان لپاره يو شرط لرم، هغه دا چې که غواړي شمايله خپله کړي نو ماسره به دلته ماڼۍ کې اوسېږي.
عثمان ته دا خبره د منلو وړ نه وه. باچا ته يې په وعده باندې د ودرېدو ټینګار کاوه. باچا د خپلې لور جدايي نشوه زغملی او په شرط کلک ولاړ وو.
عثمان چارچاپېره خلکو ته وويل:
که ستاسو باچا خپله لور شمايله ماته و نه سپاري نو زه به په عام محضر کې خپل ځان ته اور واچوم او دا به ډېره د بدنامۍ خبره وي.
خلک خو ټول د عثمان په طرف وو، خو چا جرائت نشو کولی چې باچا ته ووايي ته په غلطه يې.
باچا عثمان ته درې ساعته وخت وټاکه چې پرېکړه وکړي له شمايلې سره دلته يو ځای اوسېږي او يا که له شمايلې بغير له دې ځای نه پښې سپکوي؟
درې ساعته زيات وو، خلک خواره شول عثمان هم د يوې ونې بېخ ته ډډه ووهله. ځان سره يې د افسوس مسکا وکړه چې دا اوس څه لوبه را پېښه شوه؟
که دلته پاتې کېږم خو شمايله را په نکاح کوي،‌ د واده په شپه مې راز افشا کېږي چې دواړه ښځې يو او که له دې ځای ځم له خالد سره به خالي لاس ځم.
لږ تر لږه هغه خالد چې درې ورځې او شپې په ډکو بولو کې تېرې کړې جبران خو يې بايد وشي.
عثمان سوچونو لېونی کړی و، يو خواته پاڼ بل خواته پړانګ، حيران و چې کومې خوا لاړ شي؟
سوچونو کې ډوب و چې د باچا عسکر په اوږه وټپاوه، ورته وې ویل:
راځه درې ساعته په پوره کېدو دي، ټول خلک را ټول شي دي. خپله پرېکړه وکړه چې له شمايلي سره دلته باچاهي ماڼۍ کې پاتې کېږې او که له خپل ملګري سره خپل وطن ته ځي؟
عثمان باندې له بې خوبۍ سترګې درندې شوې وې، په تنبلي له ځايه پورته شو. درې ساعته يې وتلي وو له ځان سره به يې حتمن کوم سوچ کړی وي.
پښو کې يې دمه نه وه، قدمونه پرې بوج وو، ځان پسې يې په سختي کشول. سلګونه خلک د دايرې په شکل را ټول شوي دي.
عثمان دايرې ته ننوت حيران ګوري. له حالت يې داسې مالومېږي چې لا به يې کومه پرېکړه نه وي کړې. باچا په عثمان غږ وکړ:
له درې ساعتونو يوازې لس دقيقې پاتې دي راغلي خلک غواړي ستا پرېکړه واوري. عثمان غلی و او د باچا په وعده خلافي يې خپل نوکان خوړل.
باچا وروسته غږ وکړ:
عثمانه! پنځه دقيقې پاتې شوې.
عثمان لا هم د باچا خبرې ته اهميت ورنکړ.
باچا له څه وخت وروسته ګړۍ ته وکتل عثمان ته يې وويل يوازې يوه دقيقه پاتې.
له وروستي اعلان دېرش ثانيې وروسته شمايله د ناوې په کاليو کې د ډله خلکو منځ ته داخله شوه پلار ته يې وويل:
دا بې انصافي ده، په لومړيو کې دې چې څنګه وعده کړې وه اوس به په وعده ودرېږې، عثمان چې هرې خواته ځي زه ورسره ځم.
شمايلې ځکه دا خبرې وکړې چې د عثمان څېرې خوند ورکړی و، په عثمان يې زړه بايللی و.
شمايله عاجزه خبره نه ده چې عثمان هم د دې په څېر بې وسلې انسان دی.
د شمايلې له خبرو وروسته د خلکو اوازونه پورته شول:
ښاغلی باچا شمايله رښتيا وايي، ښاغلی باچا شمايله رښتيا وايي، ښاغلی باچا شمايله رښتيا وايي.
نور وروسته
😎

Obaidullah Noor

27/05/2026

13/05/2026

19/03/2026

13/03/2026

13/03/2026

13/03/2026

13/03/2026

13/03/2026

Address

Telephone

Website

Alerts

Contact The Business

Shortcuts

Share