21/01/2026
Të nderuar qytetarë,
Për shkak të temperaturave të ulëta që pritet të shënohen në ditët në vijim, ju bëjmë thirrje të merrni masa parandaluese për mbrojtjen e tubacioneve të ujit në objektet tuaja, me qëllim shmangien e ngrirjes dhe dëmtimeve të mundshme.
👉 Ju këshillojmë të ndiqni këto masa praktike:
1️⃣ Kontrolloni depozitat e ujit dhe pajisjet hidraulike që ndodhen jashtë, duke i mbuluar me materiale mbrojtëse.
2️⃣ Gjatë natës, siguroni një rrjedhje të lehtë të ujit, duke lënë një rubinet të hapur në minimum, për të parandaluar ngrirjen.
3️⃣ Në rast se tubacionet ngrijnë, përpara se të tentoni shkrirjen, hapni të dyja dorezat e rubinetit (ujë i ftohtë dhe i ngrohtë), për të ulur presionin dhe për të ndihmuar rrjedhjen e ujit.
4️⃣ Për shkrirjen e tubacioneve të ngrira, mos përdorni flakë të hapur. Rekomandohet përdorimi i një tharëse flokësh, duke filluar nga pjesa më afër rubinetit.
5️⃣ Informoni fëmijët dhe anëtarët e familjes për rëndësinë e këtyre masave, për të parandaluar situata emergjente.
📞 Për çdo problematikë ose ndërprerje në furnizimin me ujë, ju lutemi na kontaktoni!
🙏 Faleminderit për bashkëpunimin dhe mirëkuptimin tuaj.
Ujësjellës Kanalizime Rajoni Korçë SH.A.
