Բարի գալուստ «Կապավոր» ՍՊԸ պաշտոնական ֆեյսբուքյան էջ
Մեր մասին
«Կապավոր» ՍՊԸ-ն իր ծանրակշիռ դերն ունի Հայաստանի ճանապարհաշինարարության ոլորտում: Ընկերությունը գործում է 2002 թվականից, իսկ մինչ այդ՝ 1993 թվականից, ընկերության հիմնադիր Մարատ Հակոբջանյանին պատկանող ձեռնարկությունը վերականգնում էր հետպատերազմական Արցախի կապն ու շինմոնտաժման մեծածավալ աշխատանքներ իրականացնում:
«Կապավոր» ընկերությ
անը մշտապես վստահել են կենսական նշանակության բազմաթիվ ճանապարհների կառուցման և ասֆալտապատման ծրագրեր, և այս ամենը՝ պրոֆեսիոնալ ղեկավար կազմի, արհեստավարժ ինժեներատեխնիկական անձնակազմի, ժամանակակից տեխնիկայի ու կայուն նյութատեխնիկական բազայի շնորհիվ:
Գործունեություն
«Կապավոր» ՍՊԸ-ն կառուցել ու հիմնանորոգել է ճանապարհներ, կամուրջներ, օդանավակայաններ, խոշոր ջրագծեր, գազատարներ, ճոպանուղիներ, շենքներ և նոր բնակավայրեր:
Նյութատեխնիկական հնարավորություններ
«Կապավոր» ՍՊԸ-ի աշխատակիցների միջինացված թիվը տարվա կտրվածքով գերազանցում է 800-ը։ Ընկերության մեքենա-մեխանիզմների բազայում առկա է շուրջ 400 մեքենա-մեխանիզմ, որոնք նախատեսված են շինարարության տարբեր ճյուղերում արագ ու որակով աշխատելու համար: Նշված մեքենա-մեխանիզմների 80 տոկոսն արտադրված է աշխարհահռչակ ընկերությունների կողմից (Caterpillar, Hyundai, Honda, Howo, Bitelli, Volvo, Wirtgen): Գործունեության առաջին իսկ օրվանից «Կապավոր» ՍՊԸ-ում առաջնորդվել են այն սկզբունքով, որ որակյալ շինարարություն հնարավոր է կատարել աշխատանքային բարենպաստ պայմանների, բարոյահոգեբանական առողջ մթնոլորտի, թիմային աշխատանքի, խիստ հսկողության և պարբերաբար թարմացվող մեքենա-մեխանիզմների դեպքում:
«Կապավոր» ՍՊԸ-ում խոսքը գործ է:
