Storaket Architectural Studio

03/09/2026

Սեպտեմբերի 13-ին Երևանում կայանալու է AGBU Global Run բարեգործական վազքը՝ «Նաիրի» ճամբարին աջակցելու նպատակով։ Այս տարի Ստորակետը դառնում է դրա մի մասը՝ միանալով Team Yerevan-ին։ Մասնակցությամբ մենք ևս մեր ներդրումն ենք ունենալու այս բարեգործական ծրագրում։
Սեպտեմբերի 13-ին հավաքվում ենք Հրազդանի կիրճում՝ 5 կմ վազելու կամ քայլելու և միասին աջակցելու այս կարևոր գործին։
Մանրամասների և գրանցվելու համար այցելեք AGBU և AGBUArmenia էջեր։

02/09/2026

22/08/2026

Years of experience have shown us that the proper use of BIM can significantly streamline the design process.
To fully utilize Revit, several key principles need to be understood and applied throughout the workflow. We have identified a number of common challenges that are important to consider when working with BIM and Revit.
Here are some of the key points we believe architects should pay attention to.

19/08/2026

Օգոստոսի 26-ին՝ ժամը 20:20-ին, Նարբեհ Բեդրոսսյանը կներկայացնի մեր նախագծերից մեկը՝ Հրազդանի կիրճի վերակենդանացման նախագծային առաջարկը։

Միացեք քննարկմանը՝ ծանոթանալու նախագծի գաղափարին, մոտեցումներին և Հրազդանի կիրճի ապագայի մեր պատկերացմանը։
Մանրամասները կարող եք տեսնել PechaKucha Yerevan -ի էջում

Ժամանակն է ծանոթանալու PechaKucha Yerevan #56: Շնչող քաղաք երեկոյի խոսնակներին ու թեմաներին🤩

Նարբեհ Բեդրոսսյանը՝ Storaket Architectural Studio-ի համահիմնադիրն ու փոխտնօրենը, կներկայացնի «Հրազդանի կիրճի վերակենդանացում» նախագիծը։

🌿 Նախագիծը 3,480 քմ տարածքը վերածում է բազմաֆունկցիոնալ հանրային միջավայրի՝ համադրելով նվազագույն միջամտությամբ բնության վերականգնումն ու քաղաքային կյանքը, այդ թվում՝ հետիոտնային ուղիներ, հանգստի և ընտանեկան տարածքներ, ամֆիթատրոն, wellness տախտակամած և նոր հետիոտնային կամուրջ, որը կապում է կիրճի երկու ափերը։

Նարբեհը համակարգում է բազմամասնագիտական թիմեր և աշխատում կրթական, բնակելի և քաղաքային տարբեր նախագծերի վրա՝ Հայաստանում և արտերկրում, որոնցից մի քանիսն արժանացել են միջազգային մրցանակների։

📍Օգոստոսի 26, ժամը 20:20, Yandex Hall
🎫 Մասնակցելու համար խնդրում ենք նախապես գրանցվել (հղումը՝ մեկնաբանության դաշտում)

18/08/2026

«Ալլուր» բնակելի համալիրի ինտերիերում պահպանվել են նախկին գործարանի կառուցվածքային և նյութական շերտերը։ Գոյություն ունեցող կոնստրուկտիվ տարրերը վերականգնվել են և դարձել տարածքի հիմնական հորինվածքային բաղադրիչները։
Նոր ավելացված կոնստրուկտիվ տարրերը ընդգծված են վառ կարմիրով՝ ստեղծելով հստակ տարբերակում գոյություն ունեցողի և նոր միջամտությունների միջև։ Այս հակադրությունը թույլ է տալիս միաժամանակ ընթերցել տարածքի նախկին արդյունաբերական բնույթը և նոր ֆունկցիայի համար կատարված միջամտությունները։
Ինտերիերի նյութականությունն ու կառուցվածքը պահպանվում են հնարավորինս բաց՝ նախկին արտադրական միջավայրի բնույթը դարձնելով բնակելի տարածքի մաս։

📸 ANISON

13/08/2026

Դիլիջանի ճարտարապետական միջավայրի կարևոր առանձնահատկություններից մեկը կառուցապատման և բնության միջև ձևավորված հարաբերությունն է։ Ալլուր բնակելի համալիրիր նախագծում այս հարաբերությունը շարունակվում է նոր ծավալների և բաց տարածքների կազմակերպման միջոցով։
Շենքերի հորինվածքը կառուցված է այնպես, որ կառուցապատումը հնարավորինս ինտեգրվի շրջակա կանաչ միջավայրին։ Բաց տարածքները, ծառապատ հատվածներն ու անցումները դառնում են համալիրի կառուցվածքային մաս՝ փոխելով շենքերի և լանդշաֆտի միջև սահմանը։

📸 ANISON

11/08/2026

QA (Quality Assurance)՝ որակի ապահովումը, նախագծի իրականացման կարևորագույն փուլերից է։ Այն ներառում է նախագծային լուծումների, տեխնիկական պահանջների և շինարարական աշխատանքների շարունակական վերահսկում՝ սահմանված որակի չափանիշների պահպանման նպատակով։ Շինարարության ընթացքում վերահսկողությունը հնարավորություն է տալիս ժամանակին հայտնաբերել և կանխել սխալներն ու շեղումները՝ ապահովելով նախագծային լուծումների հնարավորինս ճշգրիտ իրականացումը։ QA-ի աշխատանքը միայն խնդիրների հայտնաբերումը չէ․ այն նախագծման, տեխնիկական և շինարարական գործընթացների միջև շարունակական կապի ապահովման համակարգ է։

06/08/2026

The transformation of the former Dilijan Bread Factory into the Allur Residential Complex brought together architects, engineers, consultants, manufacturers, contractors, and many other collaborators. Each discipline contributed its own expertise, shaping the project through continuous dialogue and shared decision-making.

This film captures the completed architecture, but behind every detail lies the work of a much larger team.

Our sincere thanks to everyone who contributed their knowledge, dedication, and craftsmanship throughout this journey.

Video Created by ANISON

Special thanks to
CITY NEST
STEKO LLC
AC Design Engineering
GreenTec
EnergoVest | Electrical Engineering
Aquatus LLC
KONE Middle East, Türkiye & Africa

04/08/2026

Գոյություն ունեցող կառույցը դիտարկվել է ոչ թե որպես պահպանման առանձին օբյեկտ, այլ որպես ամբողջ համալիրի նախագծային գեներատոր։ Նոր միջամտությունները ձևավորվել են նրա մասշտաբից, նյութականությունից և տարածական կառուցվածքից՝ առանց ուղղակի նմանակման։
Արդյունքում ձևավորվում է միջավայր, որտեղ տարբեր ժամանակներում կառուցված շերտերը պահպանել են իրենց ինքնությունը, սակայն ընթերցվում են որպես մեկ ճարտարապետական ամբողջություն։

01/08/2026

Ալլուր բնակելի համալիրը՝ Դիլիջանի նախկին հացի գործարանի վերակառուցման նախագիծը, այսօր արդեն ձևավորված ճարտարապետական միջավայր է։ Նախագծի առանցքում եղել է շենքի ինդուստրիալ ինքնության պահպանումը՝ պահպանելով նրա ֆակտուրաները, արտադրական մասշտաբն ու բնորոշ կերպարը և դրանք համադրելով ժամանակակից բնակելի միջավայրի պահանջներին։
Համալիրում կառուցված երկրորդ բնակելի շենքը շարունակությունն է նույն ճարտարապետական տրամաբանության՝ լրացնելով ընդհանուր հորինվածքը, սակայն պահպանելով վերակառուցված շենքի գերակշռող դերը՝ որպես համալիրի հիմնական ճարտարապետական շեշտադրում։