25/05/2026
Doğu Türküstanın Sürgündəki Hökuməti (ETGE), Çinin Uyğur, Qazax, Qırğız və digər türk xalqlarına qarşı törətdiyi soyqırımın 13-cü ilinə qədəm qoyduğunu bəyan edib.
Açıqlamada Doğu Türküstanın 1949-cu ildə işğal edildiyi və illərdir davam edən təzyiqlərin bu gün toplama düşərgələri, məcburi əmək, ailələrin parçalanması, məcburi sterilizasiya və orqan ticarəti iddiaları ilə soyqırım səviyyəsinə çatdığı vurğulanıb.
ETGE, milyonlarla insanın düşərgələrə göndərildiyini, yüz minlərlə uşağın ailələrindən qoparıldığını və Uyğur xalqının sistematik şəkildə yox edilməyə çalışıldığını bildirərək beynəlxalq birliyə çağırış edib. Çinə qarşı sanksiyaların tətbiq olunması, məcburi əmək yolu ilə istehsal edilən məhsulların qadağan edilməsi və Doğu Türküstanın işğal altında olan bir ölkə kimi tanınması tələb olunub.
Bəyanatda həmçinin qeyd olunub ki, dünyanın baş verənləri görməsinə baxmayaraq lazımi addımları atmaması Çini daha da cəsarətləndirir.
