Good Air Enginnering

14/02/2020

02/02/2020

Əsas fəaliyyət sahəmiz olmasa da, istənilən məsələdə hər kəsə köməklik etməyə hazırıq.
Fotosel qapı təmiri

İstənilən sualla müraciət edə bilərsiniz.

055-560-23-00

24/01/2020

Suallarınızı çəkinmədən instagram, facebook səhifələrimizin inboxuna və (055) 560-23-00 nömrəsinə whatsapp vasitəsilə göndərə bilərsiniz. Suallara cavablar həm də səhifələrimizə əlavə olunacaqdır ki, digər izləyicilər də cavablardan faydalana bilsinlər.
Öncədən hər kəsə təşəkkürlərimizi bildiririk!

24/01/2020

Suallarınızı çəkinmədən instagram, facebook səhifələrimizin inboxuna və 0555602300 nömrəsinə whatsapp vasitəsilə göndərə bilərsiniz. Suallara cavablar həm də səhifələrimizə əlavə olunacaqdır ki, digər izləyicilər də cavablardan faydalana bilsinlər.
Öncədən hər kəsə təşəkkürlərimizi bildiririk!

24/01/2020

24KWlıq kombi orta hesabla (tikilinin yeri və buna bağlı itkilər nəzərə alınmaqla) 180-240 m2 ərazini komfort dərəcədə qızdırmaq üçün kifayət edir. Evində isitmə ilə bağlı problemi olan bir müştərimizə kombini dəyişmək, daha güclü kombi qoymaq təklif olunub. Halbuki evin ərazisi 140m2-dan artıq deyil. Problem isə boruların hidravlik qanunlar nəzərə alınmayaraq quraşdırılması olmuşdur. Əvvəla sistem qurulan zaman, bu işi əmanət etdiyiniz şəxslərə suallar verin. 'hər yerdə belə etmişik' bir arqument deyildir. Hidravlika qanunları həmin evdə ana xətlərin minimum 25mm iç diametr olmasını tələb edərkən, sistem 15mm çöl diametrlik borularla çəkilmişdir. Bu səbəblə də kombi öz gücünü evin isitmə sistemində göstərə bilmir. Gücü daha artıq kombinin bu sistemə quraşdırılması isə əlavə qaz istifadəsini artırmaqdan başqa heç bir nəticə verməyəcəkdir.

23/01/2020

Əziz izləyicilər,
Sualınız var? Hansısa qaranlıq qalmış bir məsələ haqqında məlumat aımaq istəyirsiniz? Kimsə sizə bir təklif edib, lakin şübhələriniz var?
Bizə müraciət edə bilərsiniz!
Texniki məsələlər haqqında, isitmə, soyutma, havalandırma sistemləri, kombi və yer tipli qazanlar, kondisioner və s. haqqında suallarınızı instagram, facebook səhifələrimizə, o cümlədən 055-560-23-00 nömrəsinə Whatsapp vasitəsilə göndərə bilərsiniz.

23/01/2020

KOMFORT: 4cü hissə - Ucuz Ətin Şorbası
Əziz izləyicilər,
Şəhərin mərkəzində yerləşən bir əyləncə obyektindən şirkətimizə gələn şikayəti diqqətinizə çatdırmaq istərdim.
Müştərilər qısa müddət əylənib qalan vaxtlarını obyektdən çöldə keçirirlər. Səbəb? Hava çatışmazlığı. Bəs onun səbəbi? Havalandırma sisteminin düzgün qurulmaması.
Yer 380 kv.m-dir. Əyləncə obyekti olduğu nəzərə alınaraq, orta hesabla minimum 10dəfə tezliklə içəridəki hava dəyişilməli və bunun üçün ortalama 12.000 m3 hava içəri daxil olmalı və eyni zamanda içəridən çölə atılmalıdır. Qarşılaşdığımız faktda isə 7 ədəd 1400m3-luq kanal tipli fan və bunlardan 6sı sovurma istiqamətli, yəni içəridəki havanın atılması üçün qoyulub. 6fan 1400m3 hesabı ilə saatda 8400m3 havanı içəridən sovurmalıdır. Bəs sual yaranır, hansı havanı? Bir neçə post öncəsində qeyd etdiyimiz kimi, fan mövcud olan havanı çəkir, mövcud olmayan havanı çəkmək üçün fanlar təəssüf ki, hələ kəşf edilməmişdir. Bu səbəblə, fanlar “boş boşuna” işləyir və 2si bu səbəblə yükə düşüb, sıradan çıxmışdır. Və ən gülməlisi isə, içəri hava vuran fan sanitar qovşaqdan vurur. Yəni ki, sanitar qovşağın bütün qoxusunun çəkilməsi lazım ikən, orda olan bütün p*s qoxuları “qabağına qatıb” içəri daxil edir. Belə bir metafizik məntiqlə qurulmuş sistem təbii ki, həm sifarişçiyə, həm də müştərilərə diskomfort yaşadır. Məsələ bununla da bitmir. Obyektdə olan 2 ədəd kondisionerin ikisi də sıradan çıxıb. Birincinin sıradan çıxma səbəbi qapalı yerdə, sirkulyasiya mümkün olmayan bir yerdə quraşdırılması, ikincinin sıradan çıxma səbəbi isə, kondisionerin yüksək təzyiqli kondisioner olmasına baxmayaraq həddindən artıq kiçik ölçülü kanallarının olması və illərdir servis olunmaması, yəni filtrin tamamilə tutulması və bu səbəblə kondisionerin sirkulyasiya edə bilməməsi idi.
Əziz izləyicilər və sifarişçilər. Havalandırma işləri görmək adı altında ortalıqda gəzən, su qiymətinə iş görənlərə aldanmayın. Bəzən elə bir hallar yaşanır ki, düzəlməsi üçün ciddi konstruktiv dəyişikliklər etmək zəruri olur. Bu sizin həm büdcənizə, həm də işlərinizə zərər yetirir.
Ucuz ətin şorbası belə olur.

21/01/2020

Komfort: 3cü hissə - Davam edir hovuz problemi
Daimi yüksək rütubətli şəraitdə işləyən quruducular maksimal gücdə, fasiləsiz və uzun müddət çalışaraq sıradan çıxmışdır. Sıradan çıxdıqdan sonra rütubətli mühitdə qalan quruducunun daxili hissələri nəm çəkmiş, platası sıradan çıxmışdır. Kondisionerin divar tipli pultu daimi divardan içərisinə axan sulardan nəm çəkmiş və elektron hissəsi tamamilə sıradan çıxmışdır. Yüksək rütubətli və havasız şəraitdə uzun müddət və fasiləsiz çalışan kondisionerin də platası sıradan çıxmışdır. Öncəki postlarımızda da qeyd etdiyimiz kimi sifarişçi xərc çəkərək özünə komfort əvəzinə problem və işləməyən bir sistem almışdır.
Məsələnin həll yolu necə oldu? Qarşımızda duran əsas vəzifə ciddi konstruktiv dəyişikliklər etmədən məsələyə həll yolu tapmaq idi. Bunun üçün də, əvvəla çalışmayan hissələr, yəni kondisioner platası, quruducuların plataları təmir olundu, kondisioner pultu yenisi ilə əvəz olundu. Fanın çəkdiyi rütubətli hava, əlavə qoşulan kanallar vasitəsilə qapalı ərazidən kənara atıldı və əlavə olaraq kanallar vasitəsilə kondisionerə kənardan 30-40% təmiz hava verildi. Bunun sayəsində kondisioner həm daxili sirkulyasiyasını həyata keçirir, həm də hovuzu təmiz hava ilə təmin edə bilir. Nəticədə artıq bir neçə aydır ki, təhvil verdiyimiz sistem lazımi səviyyədə çalışır.

21/01/2020

Komfort: 2ci hissə - Hovuz Problemi
Komandamız Gənclik metrostansiyası yaxınlığında özəl uşaq bağçasının havalandırma, isitmə və soyutma sistemini layihələndirmə mərhələsindən başlayaraq təhvil vermişdir. VRV Kondisioner sistemi qurulmuşdur.
Ancaq mövzumuz o deyil.
Bağçanın hovuzu üçün quruducular qoyulmalı və bunun üçün kifayət qədər böyük məbləğ xərc çəkilməli idi. Bu vəziyyətlə qarşılaşan mühəndislərimiz təklif etmişdir ki, havalandırma sistemində müəyyən dəyişikliklər edərək, quruducuya olan ehtiyacdan azad olaq.
Uzun bir müddətdir çalışan sistem üzərində müşahidələr göstərmişdir ki, hovuz ərazisində nəm və rütubət müşahidə olunmur. Bu, təbii ki, düzgün hesablamaların aparılması, kənar faktorların nəzər alınmasının nəticəsidir.
Ancaq təbii ki, mövzumuz bu da deyil. Şüvəlan kəndi ərazisində yerləşən bir bağ evindən şirkətimizə olan müraciəti diqqətinizə çatdırmaq istərdik. Bağ ərazisində yerləşən qapalı hovuz ərazisindən külli miqdarda şikayətlər var idi. Baxış keçirdiyimiz zaman hovuzda havalandırma, kondisioner sisteminin qurulduğu və iki ədəd quruducunun quraşdırıldığını gördük. İlk baxışda hər şey əla olsa da, bu hissələrin heç biri çalışmır, divarlardan su qan yerinə axırdı. Məlum olmuşdur ki, sistemin işləməməsinin tək səbəbi hesablamaların düzgün aparılmaması və bir neçə faktorun nəzərə alınmamasıdır. Bu səbəblə də sistem özü özünü sıradan çıxarmışdır. Quruducuların gücü lazım olandan azdır, kondisioner və hava çəkən fan eyni qapalı ərazidə 3 metr məsafədə quraşdırılmışdır. Hovuzdan rütubətli havanı çəkən fan, o havanı qapalı əraziyə “doldurur” və başqa yerdən hava götürə bilməyən kondisioner rütubətli havanı həmən o qapalı ərazidən götürüb yenidən hovuz ərazisinə qaytarır.
Ardı növbəti postda

18/01/2020

Dövrümüzün tələbi– KOMFORT

Artıq bazarlarda, marketlərdə hazır, qablaşdırılmış mürəbbə, kompot, tutmalar, xəngəl və s. görə bilirik.
Bir çox hallarda evdə hazırlanan eyni qidalar aldığımız qablardakından daha ləzzətli olur və daha baha başa gəlir. Ancaq və lakin insanlar onları alırlar. Maraqlı gəlib mi sizə ki, Niyə?
Artıq dövrümüzdə rəqabət o həddə çatmışdır ki, şirkətlər təkcə insanlara lazım olan məhsulu daha aşağı qiymətə satmağa deyil, onlara müəyyən dəyərlər qatmağa çalışırlar. Bu dəyərlərdən ən öndə gələnlərindən biri də insanların komfortudur. Ev şəraitində bu məhsulların hazırlanması əlavə vaxt, enerji, zəhmət, məhsulların yığılması üçün yertələb edir. Şirkətlər isə insanları bu zəhmətdən azad edirlər.
Rəqabət təkcə bu məhsulların istehsalçıları arasında deyil, sadə iş mühiti insanları üçün də keçərlidir. İnsanlar gün ərzində çalışır və onların zamanı dəyərlidir. Hər itirdiyi an müəyyən gəlir itkisi və ya gərgin bir gün sonunda istirahət zamanıdır.
Bu səbəblə müştəri təkcə məhsulun özünə yox, həm də bu məhsulu özü istehsal edəcəyi zaman qarşılaşacağı çətinlikləri nəzər alır və bir çox zaman öz komfortunu seçir.
Bizim çalışdığımız sahəmizdə vəziyyət demək olar bənzərdir. Bir işi olan sahibkar, şirkət məsələn havalandırma sistemini qurmaq üçün araşdırmaya başlayır və bir çox yerlərə müraciət edir. Təbii ki, mövzunun dərinliyinə qədər məlumatlı olmayan sifarişçi qiymət faktorunu əsas tutur. Ən aşağı qiymətə olan təklifi reallaşdırmağı seçir.
Lakin unutmayaq ki, heç kim o qədər zəngin deyildir ki, ucuz bir şey alsın.
Çox zaman sırf qiymət rəqabətində qalib gəlmək üçün sifarişçiyə bazarda olan ən ucuz fanlar, kondisionerlər, kustar üsullarla sexlərdə hazırlanmış havalandırma kanalları, hesablanmamış, layihələnməmiş işlər təqdim olunur.
Sonrasında isə sistemdə çatışmazlıqlar, düzgün işləməmə, avadanlıqların qısa müddət sonra sıradan çıxması və bu kimi hallar ortaya çıxır. Bu isə komfortu deyil, diskomfortu yaradır. Nəticədə sifarişçi nə etmiş olur?
Az məbləğ qarşılığında özünə problem, diskomfort və 'heç nə' alır.
Seçim etmək sizə qalır.
Komfort yoxsa yeni macəraların başlanğıcı?

16/01/2020

Qazan odluq, forsunka montajı təmiri, odluq beyin və elektronik hissələrinin baxımı və təmiri