EFC Terrarium Baku

Shortcuts

• Address
• Telephone
• Opening Hours
• Alerts
• Contact The Business
• Claim ownership or report listing

• 

  Want your business to be the top-listed Contractor in Baku?

EFC TERRARIUM

Təbiət hər daim var olsa da, hər zaman əlçatan olmur. Məşğul şəhər həyatı çoxumuzu ana təbiətin xəfif nəfəsindən uzaq salır, onunla görüşümüzün vaxtını uzadır. Amma elə şeylər var ki, onlar təbiəti zaman və məkan tanımadan bizimlə görüşə gətirir. Mini World Gallery-nin məqsədi məhz budur. Təbiətdən ilhamlanaraq yaratdığımız ekspozisiya və modellər evinizdə, ofisinizdə, həyətinizdə, mağazanızda - var olduğunuz hər məkanda kiçik bir təbiət guşəsi yaradacaq. Şəhəri və onun səs-küylü mühitini tərk etmədən sakit və saf təbiətə yelkən açacaqsınız - biz bu işdə sizin yoldaşınız olacağıq Hər kəsin zövqünə uyğun təkliflər etmək üçün geniş və unikal məhsul çeşidimizi durmadan yeniləyirik. Təklif etdiyimiz mini bağlar və parniklər, terrariumlar və kokedamalar yüksək həssaslıq və özünəməxsus dizaynlarla hazırlanır. Qalereyamızdakı məhsullar yalnız və yalnız təbii bitkilərdən və elementlərdən istifadə edilərək hazırlanır. İşimizin ən maraqlı tərəflərindən biri də odur ki, bir modelin birəbir eynisini hazırlamırıq, hər məhsulumuza tək və özəl statusu veririk. Çünki, ana təbiətin özü və onun gözəllikləri də təkrarolunmaz və özəldir.

Terrarium - təbiətin kiçildilmiş, dekorativ modelidir. Ona "kiçik dünya" da deyirlər. İbarət olduğu torpaq qatı, bitkilər və digər təbii elementlərlə bir növ ekosistemi canlandırır. Daxilində baş verən fotosintez prosesi sayəsində terrarium olan məkanın havası oksigenlə daha zəngin olur

Kokedama - mamırla örtülmüş və ornamental bitkilərə can verən torpaq yumağıdır. Vətəni Yaponiya olan kokedama, "dibçəksiz gül" kimi də tanınır. Müxtəlif dekorativ bitkilərlə hazırlanan bu "yapon möcüzəsi" həm stolüstü, həm də havadan asılı şəkildə istifadə edilir Mini bağ ( və parnik) - adından da göründüyü kimi bu ekspozisiya müxtəlif növ bağların şəffaf qablarda əks olunan kiçik modelidir

Terrariumlar üçün ümumi təqdimat: Mən sənə təbiəti göstərirəm, sən də mənə qayğı göstər. Həftə də bir dəfə 50 qram su verməyin və işıqdan məhrum etməməyin gözəlliyimi qorumağım üçün kifayətdir. Gözəlliyim isə məhz səninçündür. Çünki təbiəti necə sevdiyini və onunçün necə darıxdığını bilirəm. Mənimlə təbiət, kiçik ölçüdə də olsa, hər zaman baş ucunda olacaq. Bundan sonra səninlə birgə yaşayacağım üçün xoşbəxtəm

 ...