Craft store

06/01/2026

صاحب التوقع الصحيح يتحصل على هدية من الصفحة
شرط ان تكون
متابع للصفحة
يتوقف تعليق ساعة 4 مساء

06/01/2026

Karcher crown 2000w 160bar

04/01/2026

04/01/2026

01/01/2026

المخلوق هذا وسمو "سام كاش حاجة"، منعرفش اسمو الكامل، صانع محتوى أمريكي و صاحب قناة يوتيوب معروفة بدات نشاطها عام 2006 و اسمها "Samcrac"، لي تختص في مجال السيارات

المهم ما تهمناش حياتو الشخصية ولا مشوارو فالسياق، يهمنا أكثر هاد الحلقة لي نشرها في قناتو عام 2023، بعنوان:
"I fixed a mechanically totaled $700 Range Rover"
هيا و كيما راه باين مالعنوان، الحبيب راح شرا هاديك السيارة لي موراه "رانج روفر" مستعملة من سوق الخردة بسعر 700$، و نحسبوها بسعر السكوار بـ30 ألف تسما سقامتلو حوالي 21 مليون سنتيم بدراهمنا
المهم السيارة هاذي ماشية تقريبا 130 ألف كيلومتر ريال 🫠، و فيها مشكل وحيد أنو علبة السرعات الأوتوماتيكية ما تفوتش الريجيم 3، و هذا تقريبا العيب الوحيد تماما لي كان فيها

هيا خونا باش يدير محتوى قناتو شراها و حاول أنو يصلحها، لأنو لوكان يشري علبة سرعات جديدة تسقاملو أكثر من قيمة السيارة نفسها
هيا راح قلّب فالأنترنت لقى باللي كاين واحد النيسيسار فوسط لابوات عندو عمر إفتراضي و خاصو يتبدل كل 100 ألف كيلومتر، و كي قرعج على السعر لقاها بـ300$، تقريبا نصف سعر السيارة

حاول زعما يتقشف و يشريهم من موقع صيني بسعر 50$ بصح باينة باللي خرطي واش جاب لجاب، و راح شرا صح القطعة الأصلية لي بـ300$، و بعد الإصلاح و حذف الأخطاء بالسكانر من عقل السيارة صلحت و رجعت كأنها جديدة.
طبعا محتوى قناتو غالبا موجه لهواة الإكتشاف و لي تحب تخرب و تصيد الفرص من أسواق الخردة، و أهم نقطة أنو السيارة كاملة بمصاريفها سقامتلو 1000$، أي حوالي 30 مليون سنتيم بدراهمنا 🤡

هيا مالا بعدما تفرجت الفيديو و تحمست باش نحكيلكم على الفرق الشاسع و الواسع بين الفرص هنا و هناك و شحال قيمة سوق الخردة عندنا و عندهم، دخلت درت طلة سع لماركت بلايس باش نلقى نفس السيارة هنا في دزاير موديل 2011 ، ماشية 400 ألف كيلومتر و باقيلها عضة و يهبط الرونجرون، و الأخ البائع يقول أنو ساوموه 450 مليون و البيع بـ500 إن شاء الله

طبعا اللوم ماشي على البائع هذا حال السوق في بلادنا و الطلب أكثر من العرض، بصح كي خرجت من ماركت بلايس نلقى منشور مفاده وثيقة من شركة تيرصام و هيا تعهد يمضي عليه الشاري باش ما يقدرش يبيع الشاحنة تاعو حتى و لو كان مواطن عادي خاطي مافيا المضاربة و يتعرض لمتابعة قضائية في حالة البيع 🙆🏻

سيريو لهاد الدرجة كاين عجز باش تحل مشكل تافه كيما هذا!، سيريو هذا لي سربى قنطار تاع قوانين مرور و عقوبات غير قبل يومين ما قدرش يدير قانون واحد يحل مشكل سوق السيارات!، سيريو دولة بحجم قارة تعجز على حل مشكل بدون تهريج!

المهم الفخر راك فاهم

01/01/2026

#تهنئة 🎊

نتمنى لكم التوفيق والنجاح لعام 2026، عام سعيد 😊 مرفوق بزيادات في أسعار النفط

47 دج للتر البنزين، 31 دج للتر مازوت و 12 دج للغاز

بالصحة والهناء ❤️

28/12/2025