22/10/2021
#ديكور
#يعني _إيه مصمم #ديكور؟!
==========================================
مصمم الديكور ببساطة هو الشخص المسؤول عن تحقيق الراحة والوظيفة داخل الفراغ، هو اللي يقدر بلمسات بسيطة في تصميماته يخليك تشعر بالسعادة والراحة والإيجابية في المكان اللي هتعيش فيه، ويقدر بتوظيفه للألوان و الخامات يحسسك بالبهجة أو بالحزن.. يقدر يحسسك بالراحة أو بالضيق.. يقدر يتحكم بمشاعرك من خلال مهاراته ودراسته وفهمه لأسس ومعايير التصميم الداخلي والديكور، يقدر يحول أي فراغ قديم وكئيب لتحفة فنية رائعة، يقدر يخليك تعيش في مكان منظم ومنمق أو مكان عشوائي ومربك، يقدر يحقق التناسق بين الألوان والإضاءة والخامات والأثاث والفرش عشان يحقق التناغم في المكان وكأنه بيعزف مقطوعة موسيقية مبهرة
عنده المقدرة إنه يرسم سيناريو كامل لكل جزء في الفراغ ولكل قطعة أثاث باحترافية شديدة بحيث يحقق الوظيفية للمبنى أو للفراغ اللي بيقوم بتصميمه مع مراعاة الشكل الجمالي للمكان.
هو الشخص اللي بيحط في اعتباره سلوكيات الإنسان وتفاعله داخل المكان وإزاي يخلق فراغات تساعد في إظهار جمال توزيع الأثاث من خلال عناصر إبداعية وأسس تصميم مبتكرة.
مصمم الديكور مش بس شخص ذوقه حلو أو ينسق الألوان مع بعضها، لأ.. دي مهنة بتعتمد على أسس علمية و اللي من خلالها بيقدر ينفذ حلول تقنية تناسب غرض المشروع.
مصمم الديكور هو الشخص اللي بيراعي التأثير السيكولوجي للألوان والخامات والأشكال على مزاج الإنسان وراحته النفسية.
مصمم الديكور بيشوف أي فراغ بنظرة مختلفة عن كل الناس.. بيقدر يحلل أي مكان يدخله و يقيمه و يحدد المشاكل اللي موجودة فيه و محتاجه تتعدل.
إيه الفرق بين مهندس #الديكور ومهندس #التشطيبات؟
============================
الفرق بين مهندس الديكور ومهندس التشطيبات بالظبط زي الفرق بين مهندس التصميم الإنشائي ومهندس الموقع، كل واحد منهم ليه دوره وتخصصه اللي لا يقل أهمية عن تخصص الآخر
مهندس الديكور هو اللي بيرسم اللوحة الفنية للمكان.. هو اللي بيحدد التصميمات الجمالية للأرضيات والأسقف والحوائط.. هو اللي بيحدد الخامات والألوان.. هو اللي بيختار الإضاءات وبيوزعها بشكل مظبوط.. هو اللي بيختار قطع الأثاث والفرش والسجاد والستائر.. مهندس الديكور هو المسؤول عن توزيع الأثاث والأجهزة داخل الفراغات وهو المعني براحة مستخدمي الفراغ وتحقيق الوظيفية للمكان.
أما مهندس التشطيبات بقا هو المسؤول عن تحويل أحلام مهندس الديكور لواقع ملموس.. هو المسؤول عن الإشراف على تنفيذ كل بند من بنود التشطيبات وفقاً لأسس ومواصفات فنية محددة بحيث يحقق التصميم الديكوري للمكان، مهندس التشطيبات هو المسؤول عن تنفيذ العلاقات بين بنود التشطيبات المختلفة بشكل سليم، هو المسؤول عن اختيار خامات بمواصفات جيدة تحقق متطلبات مهندس الديكور مع مراعاة أن يكون عمرها الإفتراضي كبير، مهندس التشطيبات بيكون عليه مسؤولية كبيرة في تحقيق التوازن بين متطلبات مهندس الديكور والمواصفات الفنية لتنفيذ كل بند.
مهم جداً يكون في توافق وتنسيق مستمر بين مهندس الديكور ومهندس التشطيبات عشان نقدر نحقق النتيجة النهائية المثالية للتشطيبات والفرش
معانا هتقدر تحقق كل اللي بتحلم بيه وبأسعار منافسة جدا مع توفر الخبرة والضمان والجودة
#شركة #للمقاولات #والتشطيبات
