30/04/2024
#عميل بيسألني عن تكلفة تأسيس شقه كهرباء عنده #وبعت فديوا ورسومات للشقه
انا قولت له تبدأ من 4500 جنيه حسب مساحه الشغل الفى الشقه واللينيه الي نازله للعداد والماتور
قال ليييييييييييه غالية قوي
ف سألته حضرتك تفتكر الشقه تتكلف كام؟
ف قال يعني ب الكتير 2000جنية دي سهله
قولت له تمام حضرتك تقدر تعملها ب 1500؟؟
قال بس انا معرفش التمديدات .ولا اوزن الشغل.ولا اعرف المقاسات وتوزيع الاناره والافياش ولا الارتفاعات
قولت مش مشكلة انا ممكن اعلمك تعملهم ازاي
مقابل 500 ج وهاتوفر الباقي وكمان هاتبقي اتعلمت ازاي
تعملها لوحدك
وافق فعلاً ف قولت جهز بقي .... وميزان ليزر وصاروخ +٢ قطعيه ..وهلتي واجنه وشاكوش ومسمار مسلح ومسطرين وكريك ومحاره .وميزان مياه.. ومتر وسلم
ف رد انه مش معقول يشتري كل العده دي علشان شغلانه واحده
فعرضت اجيب ليه حد يكسرهم واخر شغلانه كان اجرته 1500جنيه
ووافق الصراحة
ف قولت حلو قوي مستنيك يوم الاربع نشتغل بس للأسف رد عليا انه مشغول جداً ومش هاينفع يسيب شغله وييجي الاربع هو كان فاضي النهاردة بس
ف اضطر يعمل اجازة من الشغل ويسيب ... ودا كلفه خصم يوم للأسف
ولما قالي هنتقابل امتي قولت له مستنيك الساعة 8 الصبح نبدأ ان شاء الله
هنا اعترض خالص لانه متعود ينام ويصحى براحته على ٨ونص وينزل شغله ٩ونص يبقي فالشركة ١٠
فقالي بس انا مش هعرف اوزن الشقه ولا اظبط العلب
اقترح عليا اجبله صنايعي ومساعد يوميتين
قلتله الصنايعي 300 +العامل 200 يبقي اليوم 1000
وزود عليهم يوم فرد مواسير وتغطيتها بالاسمنت كمان 500
قال تمام كدا وسحب الاسلاك وتوزيعها قلتله هعلمك
قالي منا محتاج حد معايا يسحب فكر ثانيه كدا ورد قالي طيب منجيب صانيعي ومساعد مجتش فيوميتين قلتله تمام معاك كمان 1000
قالي يبقي كدا المجموع كام
1500 تكسير
1000 تركيب علب وتثبيت لوحات
500 فرد مراسير وتغطيتها بالاسمنت
1000 سحب سلك وتاسيس
500 سحب اللينيه بتاع العداد والماتور واركبلي لمبتين واوصل الكهربا وفيشتين للي يجي يشتغل
قلتله كدا انتا اصبحت المقاول ووفرت لنفسك
رد قالي طيب ومين المسؤل عن الشغله ده ميمكن الي شغال نسي يعمل حاجه ودا هيكلفي كتير بعد التشطيب وافرض حبيت اعدل حاجه وانا شغال وفيه حجات كتير محتاجه خبره وفهم وانا لسه متعلمتش ومعرفش
ولاقيته فجأه بيقولي خلاص يا بشمهندس انا فهمت انت بتعمل كده ليه
الرسالة وصلت
اعمل الشقه وحلال عليك 5000جنيه انا كدا كدا حتي لو اتعلمت مش هاطلع الشغل زيك من اول مره
قولته الله ينور عليك😊😊
خليكم دايماً فاكرين،، انتم مش بتدفعوا تمن المنتج او سلعة
انتم بتدفعوا اللي ورا النتيجة النهائية دي:
تعليم
خبرة
ادوات
وقت
مجهود
التزام بالمواعيد
امان
احترافية
المهم انك قبل ما تحكم علي سعر اي حاجة
خليك عارف ان في وراها تعب وشقي سنين
خاصة لو حاجة فنية او يدوية تحديد
منقول
