EMS for MEP works

08/02/2024

الحمد لله حتي يبلغ الحمد منتهاه
تم بفضل الله من الانتهاء من تركيب مجموعة طلمبات بأحد مواقعنا بالعاصمة
وجاري مراحل التشطيب النهائية للتسليم

07/10/2023

تعالى احكيلك تاسيس الكهرباء والسباكة معانا بيتم ازاى ☺️🔥🤔🤌

نبدأ بالكهرباء 😊

1 اولا بنستخدم اعلى خامات فى السوق وهى اسلاك السويدى #الاصليه وخراطيم مصطفى محمود 👌

2لازم نشتغل على شيرب من منسوب التشطيب ودا عشان نحدد كويس كل حاجه على ارتفاع كام وليه

3 بنرفع مقاسات الشقه كامله وبنرسم كل الفرش للغرف والحمامات والمطابخ لتوزيع الكهرباء والسباكه بشكل صحيح على حسب وظيفة كل فراغ

4 بنحدد لوحة التوزيع الرئيسيه وبنقسمها لقواطع ويتم تخصيص مفتاحان (قاطعان) لكل فراغ واحد للاناره وواحد للبرايز وقاطع خاص لكل جهاز تكيف واخر للتيارات الخفيفه

5 يتم تحديد جميع المخارج لليرايز والمفاتيح على الحوائط وتمرير الخراطيم من القواطع الى الارض ثم الى المخارج

6 تثبيت البواطات للبرايز والمواسير وسحب الاسلاك

7 التاكد من عمل كل مخارج التليفون والدش والنت

8 استخدام السلك المناسب حسب الاستخدام على سبيل المثال
💥التكيفات بنستخدم سلك 6 مم
💥السخان بنستخدم سلك 4 مم
💥البرايز العاديه 3 مم
💥اسلاك الاناره بتكون 2 مم

9 بنستخدم الخراطيم المناسبه لكل استخدام مثل
💥16 مم للمصابيح والمراوح
💥19 مم للسخان
💥23 مم لزوم التكيف
💥29 مم لزوم الاسانسير

حاجااات كتير فى الكهربا هنشرحهالك لما تكلمونااااا.....😀🔥🔥

خلينا نتكلم عن السباكه شويه بقى 😀👌🔥🔥

السباكه عندنا بتكون كده 💥💥👇🤫

بنحدد موعد معاينه وبنرفع المقاسات ونفرش البلان عشان نتخيل كل حاجه قبل العمل👌

وبعدين نحدد بالظبط مع حضرتك هتعمل ايه
هتعمل عزل ولا لا ونوعه ايه 🤔
بس اكيد هتعمل عزل عشان النبى وصى على سابع جار 😍

التواليت دفن معلق ولا عادى ولا معلق صندوق خارجى 🤔

الحوض ع وحده خشب او رخام أو نص ركبه

بانيو ولا شاور ولو بانيو قبل السيراميك ولا بعده ولو شاور هيبقى دفن عادى ولا دفن بجيتات ولا عادى التقليدى
الخارجى

وصفايه الشاور عاوزها مستطيله ولا مربعه ولا مثلثه وال3انواع فى منهم بيتركب قبل السيراميك وفى بعد السيراميك وال قبل السيراميك افضل علشان التوصيل سيفتى

هتعمل صرف بلكونات ولا لا 🤔

هتعمل شطاف خارجى التواليت ولا لا
ولو اه هتعمله بارد بس ولا بارد وساخن
وهيبقى دفن ولا خارجى

هتعمل بيديه ولا قاعده فقط
البيديه فى منه عادى وفى منه معلق

والسخان غاز ولا فورى ولا كهرباء تانك العادى

طب هتعمل صرف تكييفات ولا لا ولو هتعمل صرف تكييفات لازم يحدد اماكن الصرف قبل الشغل ودا مهمتنا 😀🤔

المطبخ الخلاط شجره ولا حائطى

الفلتر فوق الرخامه ولا تحتها

الغسالات محتاجه ساخن وبارد ولا بارد بس
هتعمل بيبه فى المطبخ ولا لا.....

توهت منى ... 🙂🙂🙏🙏

كل دا هتعرفه لما تكلمنا

جميع الاعمال تتم بميزان الليزر ♥️

31/08/2023

تسليم تأسيس اعمال السباكة
عميلنا المحترم أ / محمود
شقة بالتجمع الخامس



1024043200

17/08/2023

التأسيس و التشطيب لأعمال السباكة والكهرباء علي أعلي مستوي

13/08/2023

🌟البوست ده مهم جدا

مرحلة ( الكهرباء و السباكة )
==========================
دي المرحلة اللي بيكون فيها تحديد المكان وتقسيم الكهرباء عندك في الشقة واماكن مفاتيح الكهرباء وتقسيمه الإضاءة ، كل ده لازم يكون محدد بطريقة صحيحة عشان يكون عندك توزيعات كهربائية في شقتك مناسبة لاحتياجاتك ، وكمان متناسبة مع ديكور المنزل عموماً

أما بخصوص السباكة فإنك تكون عارف مقاسات الأجهزة الكهربائية زي البوتاجاز والغسالة والتلاجة دي نقطة مهمة لأن على أساسها بيبدأ السباك يعرف أماكن الصرف والتوزيع الصح ليهم وفي نقطة السباكة محتاج تعرف حاجة مهمة جداً ، وهي إن عزل الحمام بمواد عازلة بشكل جيد من البداية والتأكد من ده بيضمن ان ميكونش فيه تسريب مياه في الشقة او إنك يكون في داعي لتكسير الحمام وتركيبه مرة أخرى بتكاليف إضافية

كام سؤال لازم تسألهم لنفسك قبل ما تشطب شقتك : ❤️

قاعدة الحمام دفن ولا عاديه ؟
الحوض بركبة ولا بعامود ؟
الشطاف بارد بس ولا بارد سخن ؟
اماكن السخانات ؟ وهل هتركب سخان غاز ولا كهرباء ؟
هتعمل شاور ولا بانيو ؟ الغساله في الحمام ولا المطبخ ؟
لو بانيو هيكون عادي ولا بشاسيه ؟
هتفرش ازاي عشان توزيع الكهربا ؟
مكان التليفزيونات فين ؟
هتعمل كاميرات ولا لأ ولو اه هتعملها فين ؟
هتعمل جيبسم بورد ولا لأ , ولو هتعمل هيكون اماكنه فين عشان يأسسله كهربا ؟
لازم تكون عارف اماكن السبوتات وتوزيعها وتدي رسمة الانارة لصنايعي الجيبسم بورد عشان متلاقيش صاج وانتا بتركب السبوت !
عايز سيستم تليفونات داخلي ولا لأ ؟ عايز ساوند سيستم
هتعمل ديكور في السيراميك معين ؟ لازم يتحدد من بدري عشان متلاقيش ان الديكور جاي في مكان علب الكهربا
لازم تحدد اماكن التكييفات عشان ممكن تحتاج تدفن الفريون في الارضيه او الحائط ؟ وتعمل للتكيفات اماكن صرف

✅لو عايز توفر علي نفسك مجهود ووقت كل المراحل دى وتكون النتيجة النهائية تستلم شقتك بنفس المواصفات اللي محتاجها واللي متناسبة مع رغبتك الشخصية ، تواصل معنا


_Phone

13/08/2023

الحمد لله حتي يبلغ الحمد منتهاه
تم بفضل الله من الانتهاء من تأسيس اعمال السباكة لأحد العملاء الكرام ب أكتوبر
التأسيس علي أعلي مستوي
الانتهاء في أقل وقت



_01024043200

13/08/2023

التأسيس طبقا للاكواد
احترام الابعاد المناسيب التي تعطي أفضل مساحات واسعة
اختيارك الافضل
تنورنا بالإتصال والتواصل

11/08/2023