Moaz finishing Company

Moaz finishing Company ع المحارة
مكتب بيع وتوزيع مواد البناء
تصميم داخلي وخارجي
أعمال التشطيبات والديكور

ممكن يخايلك أنه ده إستانلس مثلاً أو حاجة معدن في العموم لكن في الحقيقة ده ( دهان عادي بس دهان دوكو ) .. قبل أي .. اللي ...
03/03/2024

ممكن يخايلك أنه ده إستانلس مثلاً أو حاجة معدن في العموم لكن في الحقيقة ده ( دهان عادي بس دهان دوكو ) ..

قبل أي .. اللي قدامك ده خشب ومتفكرش في أي حل تاني

الخشب مه خشب MDF 18 m بتقطعه بالمقاسات اللي تناسبك او طبقاً للرسمة اللي معاك

و بترتيب الخشب زي ما أنت شايف بنبدأ نثبته على الحيطة على طول و ده ب ( سيلكون العضم ) و اللي ميعرفوش ده نوعية سيلكون شديدة التماسك و مش بتاخد وقت على ما تنشف و في من السيلكون ده ألوان زي ( الرمادي و الأسود و الأبيض )

بعد ما تخلص تثبيت الخشب تقدر تاخد مرحلة الدهانات للحيطة بالكامل

و المرحلة الأخيرة إنك تبدأ ترش اللون الدهبي ده

و دي درجة بتجيبها من عند أي مركز ألوان غالية شوية لكن بتديك فنيش جميل بس تعمل حاجة مختلفة شوية تخلط على اللون الدهبي ( ورنيش ) بس ورينش دوكو عشان تشوف الامعة اللي قدامك دي

و بس كدا مبروك عليك يا ريس ❤️

22/01/2024

قواعد التشطيب الاربعين
1-الدفعه الأخيرة العميل مش بيحب يدفعها 🤦
2-احنا زى الفل لحد مرحلة التسليم العميل بيبقى متفاجأ من مستوى الشغل 🤷🤷
4- الاسمنت الابيض حوالين البانيو طبيعى عشان نسد بيه الفراغات 🛁🛁
5- القاعدة الدفن اقل شويه فى الارتفاع من العاديه 🚽
6- سيراميكا الجوهرة مبقتش احسن سيراميكا ف السوق
7- لو عندك حد ارخص روحله مش محتاج تاخد منى إذن
8- صاحبك ال بيطلع ملاحظات ف الشغل ممكن يعمله بدلنا وهدفعله الضعف 🕶️🕶️
9- الدفعه الأخيرة العميل مش بيحب يدفعها
10- الاسمنت الابيض حوالين الحوض طبيعى عشان نسد الفراغات
11- مصر مفيش فيها مستوى تسليم 100٪ ولا فى اى بلد تانيه 👌
12- اتفرج على تشطيب الفنادق السبع نجوم وبعدين تعالى استلم منى 🪞🪟
13- باب الاوضه مش ضلفه خشب بس عشان تقولى الباب ب 500 جنيه فى كل حته 🚪🚪
14- الصنايعيه بيخدوا فلوس عشان يعملوا اى حاجه مش بيشتغلوا عشان يثبتوا حبهم للشركه🧑‍🚒🧑‍🌾👷👷👷
15- الدفعه الأخيرة العميل مش بيحب يدفعها
16- انا مش ساحرة عشان اتصرف واحط سرير مترين فى حيطه 1.60🛏️
17- بعد ما نخلص دهانات ونسلم وتفرش الحيطان كلها هتتبصم من عمال النقل حافظ على علاقتك بينا عشان نلملك ال باظ 🧑‍🎨
18-الباركيه الصناعى الأرض تحته احيانا بتلب بسبب أن السيراميك الفرز التالت ال تحته اكيد مقوص
19- الفنش فى مصر مش 100٪ ولا فى اى بلد تانيه
20 - تاخيرك ف الدفعات والاختيارات طبيعى هيأخرنى ف التسليم
21- متشطبش مع شركه قبل ما تسأل عليها وعلى أهلها وتطمن ان سمعهتم كويسه 👸
22- الاسمنت الابيض على السيراميك طبيعى عشان السقيه
24- نفس النوع من الرخام مش بالضرورة يكون نفس العرق وتون اللون واحد
25- الابواب الالوميتال بيئة وكل واحد حر فى رأيه
26- صغر البلاطة المتناهى أو كبرها الزائد بيغلى فى تمن تركيبها 💵💵
27 - لو عايز تستلم الدهانات ع اللمبه يبقى تسلم الشقه على الطوب الاحمر وتدفع تمن محارة تأكيس وتربيع 🧱🧱
28- العميل مش بيحب يدفع الدفعه الأخيرة
29- الاسمنت الابيض عادى حوالين صرف قاعدة الحمام العاديه 💁
30- السعر الارخص اكيد توفير فى الخامات محدش هيدفعلك من جيبه 🙆
31- الشركة ال بتشطب بالتقسيط ارخص من الكاش نصابين
32- الباب الجاهز احسن ليك وليا 🤪
33- الفيوتك الجاهز بردوا احسن ليك وليا
34- الدش وجرس الباب والمنشر على العروسه مش عليا 😁
35- الباركيه الطبيعى أو الصناعى احسن لغرف النوم
36-المطبخ الخشب الطبيعي أو الصناعي (كونتر Good Wood) احسن من الخشمونيوم ودى أذواق
37- الصحى المعلق انضف للمكان
38- بلاش بلاعة ف المطبخ
39- اللون الموڤ بيجيب اكتئاب💟
40- الدفعه الأخيرة مش بسبها لاى عميل 💪💪
منقول

بند السباكة يعتبر من أهم البنود اللي لازم تتأسس صح، لأن أي غلطه في البند ده هتعملك مشاكل كتير بعد كدا. بس قبل ما ندخل في...
08/08/2023

بند السباكة يعتبر من أهم البنود اللي لازم تتأسس صح، لأن أي غلطه في البند ده هتعملك مشاكل كتير بعد كدا.

بس قبل ما ندخل في تفاصيل البند ده، هنتكلم عن حاجه مهمه جدا إسمها " الشرب " .. الشرب دا علامة بتكون علي مسافة 1 متر من التشطيب والرمز بتاع الشرب بيكون مثلث مقلوب، وفايدة الشرب إنك بتعرف تحدد مسافة كل حاجه من مستوي تشطيب أرضيتك سواء سيراميك أو بورسلين، زي علب الكهربا السفلية والعلوية ودي لازم كلها تكون علي نفس المستوي، مينفعش يكون فيه علبه عاليه وعلبه واطيه.

طيب لسه الشقة بتاعتي مش متشطبة هحدد الشرب دا ازاي؟ المفروض إن تشطيب أرضية المدخل قدام باب الشقه تكون على نفس مستوي تشطيب أرضية الشقة، ف هنقيس مسافة 1 متر من تشطيب الأرضية ونعمل الشرب والسباك بينقله جوا الشقة بميزان الخرطوم.

- طيب إيه هو ميزان الخرطوم وبنستخدمه ازاي؟
دا عباره عن خرطوم رفيع بيكون فيه مايه، واحد بيمسك ناحيه ويثبتها عند الشرب اللي عملناه قدام باب الشقة، وواحد بيبدأ يثبت الخرطوم علي حيطه جوه الشقة، لحد ما مستوي المياه يقف على الشرب اللي بره عند باب الشقه، في الوقت دا مستوي المياه ف الخرطوم بره وجوة بيكون على نفس المستوي، بكدا نكون حددنا الشرب، نبدأ بقي ...

- السباك لما يدخل الشقة بيكون محتاج يعرف منك كذا حاجه زي:
1- هتحط القاعدة فين ؟
2- هتحط الحوض فين ؟
3- هتعمل حوض بركبة ولا بعمود ولا حوض ساقط رخامة ؟
4- هتركب سيفون دفن ولا عادي ؟
5- هتعمل شطاف بارد بس ولا بارد وساخن ؟
6- هتعمل شاور ولا بانيو ؟
7- أماكن التكييف هتكون فين ؟ لأن التكييف بيكون ليه صرف داخلي في الشقة.

نيجي للخامات :
- بالنسبة لمواسير التغذية المايه فيها بتمشي تحت ضغط، وزمان كانوا بيعملوها من الزهر لكن دلوقتي بنستخدم مواسير بولي بروبلين، وأغلب الموجود منها في مصر خامات مستوردة أشهرها (أكواثيرم ودي ألماني وسعرها غالي شوية، بولو بلاست ودي ألماني وسعرها متوسط) والمواسير دي بتسحمل ضغط المياه وطول الماسوره بيكون 4 متر.

هيبدأ السباك يكسر ويعمل مسار لمواسير التغذية ويركب المواسير ويخلص شبكة التغذية كاملة وبعد كدا ينضف الأرضية كويس جدا من بواقي التكسير، بعد ما السباك بيخلص لازم نختبر المواسير عشان مكتشفش بعد ما أسكن إن فيه تسريب، واختبار الضغط بيتم كالآتي:
أطبب كل الفتحات ما عدا مخرج واحد ده اللي هدخل منه المكنه وأقعد أكبس وكل ما أكبس العداد اللي عندي بيقرأ ضغط المياه في الماسورة بوحدة البار، والمايه عادة بتكون ماشيه في المواسير بضغط 7 بار، عشان كدا لما نيجي نختبر بنختبر بـ 10 بار، وأسيب الضغط ده شغال لمدة نص ساعة لو مفيش عندي أي تسريب يبقي المواسير دي زي الفل ومش هيحصل فيها تسريب بعد كدا، واللي بيعمل الاختبار ده مندوب من الشركة، وبعد الاختبار بيديلك شهادة ضمان مدي الحياة.

- وبالنسبة لمواسير الصرف بنعملها من خامة اسمها U-PVC، وأشهر الماركات في مواسير الصرف ( الشريف – الحجاز)، والمواسير دي مبتتحملش الضغط، لأن المايه فيها بتمشي مع الجاذبية، وطول الماسوره بيكون 6 متر. هيبدأ السباك يركبها مع مواسير صرف التكييفات، وبعد ما يخلص " يحبش " عليها بمونه عشان يحميها إن حد يدوس عليها لأنها بتكون مظبوطة بميل معين.

- بالنسبة للصيني ( القاعدة – الحوض ..الخ) أفضل ماركات فيها (إيديل - ديورافيت).
- بالنسبة للنواكل ( الخلاطات – والحنفيات – الاكسسوارات .. الخ) أفضل الماركات (جروهي – جاكوب).

- أفضل طريقة لفرش الحمام :
1- البيبة لازم تكون في أحد أركان الحمام ويضل تكون جمب القاعدة، بلاش في النص خاالص.
2- الحوض : أحطه في أقرب نقطة للباب.
3- القاعدة: تكون تحت الشباك عشان الصرف بتاعها يكون سهل.
4- الغساله لو هنحطها في الحمام ممكن نحطها تحت السخان.

- ملاحظات أخيرة:
1- مستوي مخرج صرف التكييف في الحائط لازم يكون خلف وحدة التكييف شمال التكييف والحاجة الأهم إنك لازم تعمل حساب سقوط الجيبسم بورد ان وجد، والتكييف بيحتاج تقريبا من 35-40 سم تحت سقف الجيبسم بورد
2- متديش السباك كل حسابه إلا لما يخلص خالص، ويفضل اللي هيأسس هو اللي يشطب.

شطب صح تعيش مرتاح

قرار تشطيب شقتك يعتبر من أصعب القرارات اللي ممكن تاخدها بعد ما ربنا يكرمك وتشتريها، لأن وقتها بيكون قدامك كذا إختيار : 1...
29/07/2023

قرار تشطيب شقتك يعتبر من أصعب القرارات اللي ممكن تاخدها بعد ما ربنا يكرمك وتشتريها، لأن وقتها بيكون قدامك كذا إختيار :

1- الإختيار الأول، هو إنك تجيب مهندس يشطب الشقة ويسلمهالك علي المفتاح، في الوقت ده بيكون إتفاقك معاه انه هياخد نسبة إشراف محددة علي إجمالي تكلفة الشقة، وأهم حاجه يكون فيه بينكم عقد عشان متختلفوش بعد كدا. ✋

في حالة إنك جبت مهندس بتشتري دماغك وبترتاح من هم الصنايعية ومشاكل الشغل والاستلام وحساب الصنايعية وطلباتهم، بالإضاقة لكدا انك بتسيب شغلك كل شوية عشان تروح تبص علي شقتك، غير كل دا المهندس هيوفرلك كتيير جدا وهنوضح النقطه دي بالتفصيل في بوست منفصل بعد كدا. 😉

2- الإختيار الثاني، هو إنك تشطب شقتك بنفسك، علي الرغم من إنه الإختيار الأصعب ولكن بيكون ممتع لأن تجربته هتكون مختلفة بالنسبالك وهو إنك تشطب شقتك بنفسك، ودا اللي هنشرحه بالتفصيل الدقيق في البوستات اللي جايه إن شاء الله. 😍

طيب دلوقتي أنا عايز أعرف تقريبا كدا شقتي هتتكلف كام لحد ما تتشطب، بص في عندي طريقتين ..

- الطريقة الأولي، إنك بتشوف متوسط متر التشطيب في السوق دلوقتي بكام وتضربه في مساحة الشقة الفعلية، متر التشطيب في السوق حاليا بيبدأ من 1500 وانت طالع يعني لو شقتك مساحتها 100 متر يبقي تكلفتها حوالي 150 ألف. بس خلي بالك إن دا المتوسط ممكن تجيب خامات أعلي أو أقل، عشان كدا الطريقه دي مش دقيقة بنسبة 100%.

- الطريقة التانيه، بتجيب متر وتبدأ تقيس مسطح كل فراغ عندك ومحيطه مضروب في أرتفاع المكان وتكتب جنب كل فراغ مساحة الأرضية والحوائط وتبدأ تشوف ف كل مكان هتعمل فيه إيه؟

عندك مثلا الريسيبشن، مساحة الارضية 40م2 ومحيطه 50 متر طولي مضروب ف 3 م ارتفاع، يعني حوائط الريسيبشن 150 متر مربع.

تتفق مع الصنايعي متر الدهانات بكام وتضرب المساحه اللي عندك في السعر اللي هيقولك عليه، كدا عرفت تكلفة مصنعيات البند ده.

لو عايز تعرف تكلفة الخامات، تشوف بقي إنت هتستخدم دهانات إيه وتسأل الصنايعي المتر من النوع ده هيتكلف كام وتضربه في مساحة الحوائط عندك، ومتنساش تزود سعر النقل ولو انت في دور عالي تخلي بالك إنك هتجيب حد يطلعلك الخامات فوق، وتعمل كدة ف كل بند.

▪مع العلم إن فيه بنود زي ( الدهانات - الأرضيات - الألوميتال) بتتحسب بالمتر المربع.
▪وفيه بنود زي ( وزر الرخام والسيراميك - الكرانيش الفيوتك) بتتحسب بالمتر الطولي.
▪وفيه بنود زي ( السباكة - ومرمات بياض المحاره) بتتحسب بالمقطوعية.
▪وفيه بنود زي (شغل الكهرباء والأبواب) بتتحسب بالعدد.

كل بند بقي تبتدي تحسب مصنعياته وخاماته، وتبدأ تسأل وتدور عشان ميتضحكش عليك وخلي بالك من السعر العالي أوي أو السعر القليل في النهاية هيكون عندك إجمالي تكلفة المصنعيات ودة مش هيتغير، وإجمالي الخامات ودة ممكن يتغير باختلاف سعر السوق او الخامة اللي هتشتريها .

في البوستات اللي جايه إن شاء الله هنبتدي نشرح كل بند من الألف للياء، وإزاي تشطب شقتك من غير ما يتضحك عليك وانت بتستلم من الصنايعية ، وايه الخامات اللي هنستخدمها في كل بند.

25/07/2023

الكلام ده أنا مش عارف هو أساسيات أنا بحاول أوصلهالك و المفروض و أنت بتنفذ عارفها، لو مش عارفها أكيد في مشكلة أنت أو إنتي محتاج تعالجها.

- فرش الغرف بيتوقف على عدد العناصر، يعني الفرش التقليدي دولاب و 2 سرير و كومود مش بيكون كويس في أي غرفة، فانت لازم تدور على حل يديك مساحة، موضوع تعدي الجنب ده ميفعش يكون موجود أساسًا.

- أي منطقة جلوس بيكون ليها ترابيزة اللي هي بتكون حلقة الوصل بين كل اللي قاعدين، فطبيعي جدًا بدون أي تفكير النجفة أو اللي بنقول عليها الـ Main Light لازم تكون على نفس محور الترابيزة بظبط بيقابلوا بعض، و ده لانه الإضاءة دي بتنور لينا كلنا مينفعش دي تكون وراك ولا على اليمين ولا على الشمال مرتبطة إرتباط كامل بسنتر ( الجلوس ),

- صديقي السفرة الجميلة اللي أنت بتجبها دي محتاجين دايمًا تبقا عارف مساحة الترابيزة قبل ما تبدأ في أي شغل، وده لانه السفر مرتبط بالإضاءة السفرة إرتباط كامل جبت نجفة لازم تكون فوق السفرة اي حاجة غير كدا أنت بتعمل حرفيًا خلل للتصميم.

- لما بنصمم الحمام بنحاول قدر المستطاع نحط الحوض و المرايا قدام الباب وفي الأغلب بنحاول قدر المستطاع نبعد أي مرايا عن منطقة الشاور و ده صح انك مينفعش تاخد شاور قدام مرايا، طيب المساحة مش قابلة كدا تقرب الحوض قدر الإمكان للباب و تشوف للشاور أكبر مساحة ممكنة و أخيرًا القاعدة و تنسى تمامًا موضوع الشباك الصرف والمنور القاعدة بتركب S و P عادي ومبيحصلش أي مشاكل.

- أهتم بتصميم الـ Living room للعميل لانه دي أهم غرفة عنده.

- عليا النعمة من نعمة ربي ما في حاجة أسمها السقف بيرد عالأرض، و ده لو متواجد هيكون موجود في أمكان بفراغات و مساحات كبير زي المولات وبيكون مقصود بي توجيه حركة الأشخاص أو ما تسمى بالـ Circulation لكن أنت عامل خطين في سقف هو كله على بعض 2 متر × 4 متر تروح تعمل الخطين في الأرض اللي بنسبة كبيرة هنحط عليها سجادة !

شوية منطق بس و أنت بتقرا الكلام هتحس أنه بسيط مش معقد خالص

Address

Cairo

Opening Hours

Monday 9am - 9pm
Tuesday 9am - 9pm
Wednesday 9am - 9pm
Thursday 9am - 5pm
Saturday 9am - 9pm
Sunday 9am - 12am

Telephone

+201000931467

Website

Alerts

Be the first to know and let us send you an email when Moaz finishing Company posts news and promotions. Your email address will not be used for any other purpose, and you can unsubscribe at any time.

Shortcuts

Share

Category