مكانة Makanh

31/12/2019

25/11/2019

Save spaces and multiple levels.
From Pinterest

29/05/2018

شكرا ليكم على كل الاهتمام والمتابعه 😍

Design, Construction & Real State Development
أعمال تصميم وتنفيذ وتطوير عقارى

16/11/2017

صور غرف المعيشه


#ديكور #تنفيذ

21/07/2017

نصائح ديكور وفرش غرف النوم الرئيسية
الغرفة دى تحديداً بتسبب حيرة لاغلب الناس سواء من ناحيه المساحة او الفرش والديكورات ، مكانة هتتكلم النهارده عن اهم التفاصيل وهنفيدكم ببعض النصايح واهمها الالوان اللى هنركز على اختيارها سواء للدهانات او للديكورات والفرش :
تشطيب الغرفة
- المساحة للغرفه " الفراغ " للنوم الرئيسى متقلش عن 12متر مربع "حاصل ضرب الطول فى العرض" واقل عرض 2.7 متر.
- الارضيات بننصح دايما انها تكون باركيه بلون متناسق مع الفرش والوان الحوائط او نقدر نستبلها بسيراميك " شكل الباركيه ".
- الحوائط تكون بالوان متناغمه ومتوازنه "ده هيتشرح بالتفصيل تحت مع الفرش".
- الاسقف لازم تكون بسيطه بدون تشكيلات مبهره والوان زاهيه ونقدر نستعمل الجبسن بورد لكامل السقف او لجزء منه "حزام يحيط بالغرفه" ونقدر نعكس ونخلى الحزام هو السقف الاساسى ومنتصف الغرفه هو الجبسن بورد بمنسوبه الاقل .
- توزيع مخارج الكهربا ومفاتيحها ووضعها فى مكانها الصحيح ده ليه علاقه كبيره بمعرفتنا المسبقه بمقاسات الفرش قبل التشطيب " مهم جداً " .
- الانارة الغير مباشره " المخفيه " او الاعتماد على وحدات انارة مثل الاباجورات سواء على الكمدينو او الركنيات العموديه ونقدر اكيد نركب وحدات اناره فى السقف بسيطه وغير مباشرة .
- الشباك يفضل يكون الوميتال بزجاج ثنائي وعاكس " سوبر " .
فرش الغرفة
- نبعد عن احجام قطع الفرش الغير متناسبه مع مساحة الغرفة وده يخلينا ناخد بالنا عند اختيار الاثاث تكون معانا ابعاد الغرفة على ورقه طول وعرض ونبدا نحدد فيها مكان الفرش بمقاساته ونحسب الفراغات المتبقيه وده هيكون واضح فى صوره 1.
- وزى ما واضح فى صوره 2 مهم جدا ان كانت مساحة الغرفه كبيره على الافل 5.5×3.5 نفكر فى ان نفصل زاويه للملابس واستبدالها بالدولاب .
- نبعد عن زيادة قطع الفرش اللى ملهاش لازمه وممكن لو المساحة تسمح نستبلها بفوتيه او صوفه "كنبه" .
- يكون عندنا بساطه فى اختيار الموديلات ونركز على المتانه "المتانه مش بالوزن".
- الالوان " وصلنا لأهم حاجه فى الديكور " وتحديدا لغرف النوم .
مش لازم نخرج فى غرف النوم عن 3 الوان اساسية متناسقه زى ما الصور اللى اخترناها فى مكانة Makanh بتشرح احنا عايزين نقول ايه :
اول لون وده اللون الاساسى (بنستخدم منه درجه او درجتين افتح واغمق) مفروض ان نسبة ظهوره فى الغرفه تبقى 60% بمعنى ان نستخدمه للحوائط وجزء من الفرش " الاثاث الخشبي " .
تانى لون اللون الثانوى (بنستخدم منه درجه او درجتين افتح واغمق) وده مفروض نسبته فى الغرفه متزيدش عن 30% بمعنى ان يكون مستخدم لحيطه واحده او للسقف مع سجاده وبعض التابلوهات او الابجورات .
تالت لون هو اللون اللى بنطلق عليه contrast وده لون بيكون مختلف شويه (نستخدم منه درجه واحده) ونسبته فى الغرف 10% ومش من نفس نغمة باقى الالوان لكن متناسق وده ونقدر نستخدمه فى مفرش على السرير وبعض الاكسسوارات والمخدات او كرسي ركنيه وده شرحه هيكون واضح اكتر فى باقى الصور .
نتمنى أن المنشور يكون أفاد حضراتكم .
ويسعدنا دائما الرد على استفساراتكم كما نسعد بخدمتكم .
واخيراً نشكر كل صفحة اشارت الينا عند نقل المنشور ونأمل من اى صفحه التحلى بالامانة اثناء النسخ .
الصور تم تعديلها والاضافة عليها للشرح مع الافاده بكونها


#ديكور #تنفيذ

18/07/2017

18/07/2017

نصائح لغرف نوم الاطفال وديكورتها
بنعتذر عن نشر المنشور بصيغة صوره وبنأكد على شكر كل واحد نقل المعلومه وأشار فيها لمصدرها بكل أمانه .
نترككم مع المنشور ، والصور المرفقه "منقوله" .
يسعدنا دائماً الرد على استفسارتكم ونسعد بخدمتكم .


#ديكور #تنفيذ

15/07/2017

نصائح لترتيب الحمام وديكوره
يعاني اغلبنا من صغر مسطحات الحمامات داخل منازلنا واللى غالبا بيديها المصمم اخر اهتمامته ، وعشان كده قررنا نلقى الضوء عليها وبالاخص اصول التنفيذ وترتيب الاجهزه وحلول صغر المساحات .
نصائح أصول التنفيذ :
- الحمامات دايما مصدر ازعاج بعد ما نسكن بمده بسيطه بتظهر مشاكل كتير بعد الاستخدام فعشان كده لازم نكون حريصين فى الكلام اللى جاى :
1- اختيار سباك معروف عنه سمعته وشطارته حتى لو غالى شويه (الفرق بين الغالى والرخيص من 2000 - 3000 ج ) وده مش فرق يخلينا نخسر حمام بالكامل .
2- شراء مواد السباكة وبالاخص المواسير المدفونه داخل الحيط من نوعيات ممتازه ومجربه حتى لو كانت غاليه " الغالي فى الحمام بالذات رخيص" .
3- اختبار كل اعمال السباكه فى حضورنا ( اختبار ضغط الميه - بيتم فيه تعبئه المواسير ميه وضغطها وتركيب عداد يقيس اذا كان فى تسريب حتى لو بسيط بيبان خلال 24 ساعه )
4- عزل ارضيه الحمام ويفضل (رولات البيتومين 4 مليمتر ) وان كان الحمام فيه الشاور على الارض مباشرة يتم العزل بمواد ايبوكسيه ( موجوده فى كل مكان ) .
5- نِفهم اللى بيركب السيراميك فى الارض ان لازم يراعى الميول على فتحه الصرف اللى فى الارض " بلاعه الارضيه" ( يعنى لو كبينا ميه فى ركن الحمام مفروض انها تمشى لغايه ما توصل بلاعه الارضيه ) ونختبر ده بنفسنا .
6- نراعى ان الفراغات اللى بين الاجهزه وجنب الحيطه تكون واسعه ومتقلش عن 30 سم عشان نعرف ننضف .
7- نختار الاجهزه المناسبه لمساحة الحمام لان الموضوع عامل زى الهدوم بالظبط " مهما عجبنى بس مش مقاسي" مالوش لازمه ! .
8- يفضل طبعا ان نشترى الاجهزه او نكون محددين مقاساتها هى والخلاطات ونعرف السباك اللى بيأسس عشان يعمل حسابه ويظبط ارتفاعات المواسير والمخارج بتاعه التغذيه .
9- لا يفضل وضع الغساله الاوتومتيك فى الحمام بالذات لو ليها مكان فى المطبخ ( نقدر نخلقلها مكان لو المطبخ مساخته 2×3 ) وممكن نجهزلها تقفيله فى الحمام بشكل ديكورى بس هتفضل مشكله الرطوبه .
10- شباك الحمام يُفضل يكون من الوميتال (عشان البخار والرطوبه ) ولونه متناسق مع السيراميك .

نصائح للديكور :
- مش مشكله ان الحمام صغير اغلب حمامات غرف الفنادق الفخمه اصغر من حمامتنا ورغم كده بننبهر بيها ، حمامك الصغير مش عيب العيب ان منعرفش نعمله صح ، ازاى
فى حمام الضيوف
1- اختارى الوان سيراميك هاديه ويفضل ان السيراميك يكون لغايه منتصف الحائط ونكمل الباقى دهان او ورق حائط مقاوم للميه .
2- نحط زرع اخضر طبيعى لو فى اى ركن فاضى بمقاس معقول وممكن نضيف لوحة ديكوريه .
3- منكبرش الاجهزه زيادة عن اللزوم ونكتفى بالمقاسات الصغيره
4- نستخدم اسقف جبسن بورد ونركب اسبوت لايت ان كان نوع ليد ميزيدش عن 4 وات ويكون مقاوم للرطوبه .
حمام النوم الرئيسى او حمام الغرف
1- درجات الالوان للسيراميك والحوائط تكون متناسقه مع الوان الاجهزه ويفضل استخدام بلاط ديكورى فى حيطه او بحد اقصى اتنين 3D او رسومات مثلا .
2- البانيو بقى مصدر ازعاج فى تنضيفه واتجهت اغلب خطوط التصميم لعمل منطقة شاور بزجاج ممكن يكون شفاف او عليه رسومات وممكن يكون ايكريلك شفاف ( لغرف نوم الاطفال " اكثر امناً ") مع مراعاه عمل حاجز من 5-10 سم لحجز الميه وتاسيس بلاعه صرف قطر 7.5 سم
3- يفضل ان الحوض يكون راكب على رخام عشان ده مكان مهم للاكسسوارات ونقدر نحط عليه ديكور بسيط .
4- نحاول نستغل الجزء اللى تحت الحوض فى تخزين البشاكير وورق الحمام
5- نراعى دايما اذا كان باب الحمام خشب طبيعى ان يكون دهانه الداخلى مقاوم للميه والرطوبه .
6- كل وحدات الاناره تكون مقاومه للرطوبه والبخار وان كان في افياش كهربا تكون واتربروف (ضد الميه) وليها غطا حمايه .
7- الاضاءه الخافته فى الحمام بتدى راحه باستثناء مرايه الحوض اللى ممكن الاضائه تكون خارجه من حواليها
8- نقدر نقسم الحمام بالشكل اللى احنا عايزينه ونقدر نفصل سواء باستخدام حواجز الزجاج او الطوب او حتى قواطيع من السمنت بورد .
ونسيبكم مع الصور .
يسعنا دائما الرد على استفسارتكم ونسعد بخدمتكم .


#ديكور #تنفيذ

14/07/2017

المطابخ
فى اساسيات مهمة فى المطبخ أو المملكة رقم 1 كما يطلق عليها داخل اى بيت لكل واحدة ، ولاننا بنهتم بكل تفاصيل بيتك ، فكان لازم نبدأ من المطبخ #المملكه
لازم نكون فاهمين كويس ايه هى الاساسيات فى المطبخ بصرف النظر عن لونه او ديكوره "أساسيات علمية" موضحة بالصور .
إزاى نبدأ ؟
اولاً : نضع التصميم المبدأى للمطبخ ووحداته الرئيسيه كما فى الصور واللى هى :
- الثلاجه (يفضل يكون مكانها فى بداية المطبخ بالزاويه)
- الحوض (لابد يكون مكانه بعد الثلاجة ويبعد عنها على الاقل 30-60 سم وممكن يكون مقابلها)
- البوتجاز مع الفرن ( يكون مكانه بعد الحوض ويبعد عنه على الاقل 60-120 سم )
ودوله بنسميهم مثلث الخدمه ، بمعنى ان مسار اغلب الوجبات بيبدأ من الثلاجه وبعدها على الحوض وبعدها للبوتجاز من خلال 3 مناطق مهمه .
المنطقه 1 بين التلاجه والحوض ( منطقة التجهيز ) بيتم فيها تجهيز الاكل وازالة غلافة أو تقشيره والتخلص من المخلفات الغير مرغوب فيها .
المنطقة 2 بين الحوض والبوتجاز ( منطقة الاعداد ) بيتم فيها اعداد الاكل بعد غسله وتقطيعه تمهيداً لتسويته .
المنطقة 3 بعد البوتجاز مباشرة وبيتم فيها تجهيز الاكل لتقديمة داخل الاطباق .
وده طبعاً سواء المطبخ كان كبير او صغير ومهما اختلف توزيعه على شكل U او L أو I.
ثانياً : نبدأ بأعمال تاسيس السباكة والكهرباء فى المناطق اللى فيها اجهزتنا الرئيسية والفرعيه زى اجهزة المساعده ( خلاط ، مفرمه ، ... )وفى حال رغبتنا فى اضافة اجهزه تانيه زى غسالة الاطباق او غسالة الملابس لازم نأسس لهم كهرباء وسباكة ولازم نأكد على اختبار التاسيس .
ثالثاً : أعمال العزل للارضيه ضد تسرب الميه .
رابعاً : تركيب السيراميك للحوائط وبعدها للارضيات .
خامساً : تشطيب السقف ان كان فيه جبسن بورد او اضافات ديكوريه يفضل طبعا النوع المقاوم للحريق هيكون بعد سيراميك الحوائط .
سادسا : تشطيب الكهربا من مفاتيح وافياش ووحدات الانارة .
ثامنا : نبدا فى تركيب الاجهزه (او على الاقل لازم تكون متوفره ) وبعدها وحدات المطبخ سواء كانت خشب او الومنيوم .
الصور اللى موجوده بتوضح ليكم ايه هو مثلث ومناطق الخدمه والمسافات المطلوبة كحد ادنى داخل المطبخ وكمان صور لمطابخ منفذه (منقوله) توضح توزيع الاجهزة .
ويسعدنا دائما الرد على استفساراتكم كما نسعد بخدمتكم .


#ديكور #تنفيذ

14/07/2017

ميزانية تشطيب بيتى .
لازم نكون مخططين كويس جداً وعارفين بشكل تقديرى ، ايه هي طلباتنا مقارنةً بقيمتها ، لان المصاريف كلها بتروح فى إتجاهين اساسيين هما :
- المواد ( ممكن نوفر فيها )
- الإيدى العاملة ( التوفير فيها ليه سلبياته )
وأكيد إن زى ما فى مواد ممكن نوفر فيها كويس ، فى كمان مواد منقدرش نوفر فيها لان التوفير فيها ليه عواقبه الكبيرة ، طيب زى ايه ؟
- تمديدات السباكة للحمامات والمطبخ ( بعيدا عن الاجهزة ونوعها ) .
- تمديدات الكهرباء من اسلاك ولوحة الكهرباء ومفاتيحا الرئيسية .
- عزل الحمامات والمطبخ واى مكان فيه مصدر مياه ( لازم كمان نتاكد ان جارنا اللى فوقينا عمل العزل )
واهم مرحله بعد تنفيذ العناصر دى إختبارها قبل البدء فى المراحل اللى بعد كده .
ودي بيسموها أعمال التاسيس بمعنى أنه صعب نغيرها أو نعدل فيها غير بعد مده طويله .
كمان لازم نعرف ان الميزانيه ليها علاقة بالمسطح ، بمعنى ان كانت ميزانيتك محدوده مفيش داعى لتنفيذ ديكورات لغرف النوم والفراغات الداخلية واكتفى فيها بالوان الحوائط وورق الجدران مع توزيع وحدات الانارة بشكل مناسب ، مع إمكانية إضافة ديكورات مستقبلاً .
وأكيد إن إسناد العمل لشركة أو مكتب متخصص بعد التاكد من خبراته ومصدقيته هيوفر عليك كتير جدا ، وهيبدأ يتعامل مع الميزانية المتاحة والطلبات بشكل منطقى .

14/07/2017

نحن فى مكانة Makanh دائماً كنا نرى أن الدور المجتمعى وبالاخص التثقيفى للمقبلين على تجهيز بيت جديد لا يقل أهمية عن النشاط الربحى العادل .
وقد طرأت لنا من خلال إستفسارات عملائنا و رسائل متابعينا فكرة عمل منشورات مبسطه ، نسلط من خلالها الضوء على أهم المشاكل التى تواجهكم من محصلة وواقع خبراتنا .
فنحن على يقين أن و و #التنفيذ لبيتك الجديد سواء كان مملوك أو مؤجر خطوه مكلفة نستهلك خلالها رصيد مالي ليس بقليل ، وهو ما يتطلب الفهم الجيد لكل خطوه تقوم بها ، والوعي الكامل لمراحل التنفيذ سواء كنتم تتابعونه بشكل شخصى أو عن طريق شركات متخصصة .
ويسعدنا دائماً تلبية إستفساراتكم كما نسعد بخدمتكم .