Alwakeel Group

02/01/2023

كلمات تحفيزية من محمد العبار صاحب اعلي برج في العالم "برج الخليفه" وشركة #إعمار خلي عندك شغف وحب لعملك وجد وأجتهد ولا تسمع كلام الفشله ولا تجلس الا مع احسن ناس 👌👌

19/01/2021

👌

19/01/2021

لما تحب تشطب شقتك او ڤيلتك يبقي لازم تختار المكتب المناسب اللي يشطبلك 👌
، ، #ثقة

تليفون ٠١٠٦٨٤٠٠٠٠٣
واتساب ٠١١٤٨١٠١٣٨١

14/01/2021

كتير مننا بيحب يشطب شقته بنفسه و يختار يتعامل مع صنايعي او يسلمه الموضوع... و فاكر انو كدة بيوفر
نصيحة ليك شطب مع شركة فيها فى مجالهم 👌


1-الشركه بيكون فيها #مهندسين من جميع التخصصات فاهمين شغلهم وفاهمين اخطاء الصنايعيه اللي انت متعرفهاش وخبرتهم سنين فى المجال ده

2-لما بتشطب لوحدك بيكون اغلي عليك لان انك مش عارف اسعار السوق لكن الشركه هتديك سعر غالبا هيكون ارخص من اسعار الصنايعيه لوحدهم

3- الخامات لو اشتريتها لوحدك غالبا هايتضحك عليك فيها ومش هتفرق بين الاصلي والتقليد مثال بسيط ( اسلاك السويدي فى منها فرز اول وتاني وتالت وكلهم بالباركود مش هتفرقهم عن بعض )

4-بتكون عارف المبلغ بتاع التشطيب للشقه قبل ما تبدأ مش الصنايعي يجي يقولك معلش اصل البند خسر معايا وهات فلوس زياده

5-الاهتمام بالتفاصيل وجميع خبايا التشطيب اللي انت مش هتعرفها لاننا مهندسين مختصين اكتر من ١٠ سنوات خبره فى المجال

6- بعد #التشطيب مكملين معاك ومش بنسيبك ولو عندك اي مشكله بترجعلنا بنحلهالك

7- اغلب الناس عندهم شقه ومقفوله عشان مفيش وقت يشطبوا رغم ان ابسط حاجه ( ) تجيبلك دخل شهري
و احنا مش بنطلب منك غير تيجي تشوف الشغل وتتفرج عليه مره فى الاسبوع او كل اسبوعين وقت ما تف

8- ملتزمين تماما بمواعيد التشطيب وبنسلم قبل معادانا مش بعده مش زي الصنايعيه الي بيجي يوم و 100 لا

9- مش هاتشيل هم الوقفه مع الصنايعيه وتأخيراتهم وتعاملك بيكون مع المهندس الموجود مش بس كده كمان بنوفرلك احسن صنايعيه فى السوق ومحترمين ودي عمله نادره

10- بنوفرلك رسومات ثري دي لو حبيت عشان تتخيل الشقه وبتكون بارخص الاسعار وبنوفرلك رسومات تنفيذيه ومعماريه

24/12/2020

101 نصيحة قبل ماتشطب شقتك:
=====================
1. حاول تخطط لكل تفصيله قبل ماتبدأ شغل.
2. ارسم فرش افتراضي للشقة عشان تقدر تحدد أماكن مخارج الكهربا و السباكة صح.
3. المطبخ من أهم الفراغات في الشقة بلاش تضيق مساحته عشان توسع الريسبشن.
4. حاول توسع المطبخ على قد ماتقدر.
5. اعمل حسابك تجيب ترابيزة أكل صغيرة في المطبخ دي أهم من ترابيزة السفرة.
6. اهتم بالليفينج أكتر من الريسيبشن.
7. مش لازم تجيب بوفيه و نيش.. الجزامة أهم.
8. الدييب فريزر و المايكروويف أساسيات أكتر من الصيني اللي ماحدش بيستخدمه.
9. لو شقتك ضيقه ماتعملش حمام ضيوف عشان الضيوف اللي مش بييجوا غير مرة في السنة.
10. البورسلين قطع الليزر في مصر أثبت فشله.. هات سيراميك نوع كويس أفضل.
11. سيراميك الجوهرة أفضل من كليوباترا بمراحل.
12. لو معاك فلوس و هاتجيب بورسلين يبقى تختار نوع محترم و فرز أول و يتركب صح بمادة لزق مش بمونة.
13. لو ما اخترتش البورسلين صح و ركبته صح هيفك من الأرض بعد سنتين.
14. لو حابب تدلع شقتك ركب hdf في الغرف.. هتنبسط.
15. لو مش حابب تدلع شقتك على الأقل ركب hdf في غرفة النوم.. صدقني هتنبسط.
16. لو شقتك مجروحة من الجيران ماتنساش الستاير البلاك أوت.
17. البراقع و البلتكنات اللي حماتك هتختارها دي بطلت من 15 سنة.
18. الدهانات السبونج مش أحلى حاجة في الدنيا.
19. ورق الحائط الـ 3d هايل بس ماتكترش منه.
20. أكتر 3 حاجات عاوزك تهتم بيها هي تأسيس السباكة و تأسيس الكهرباء و العزل.
21. الشبابيك الألومينيوم عملية أكتر من الشبابيك الخشب.
22. لو هتركب شبابيك ألومينيوم إختار أي قطاع غير قطاع السعد.
23. الألومينيوم بيتدهن ألوان كتير غير البيج و الأوف وايت على فكرة.
24. لو معاك فلوس ركب شاتر على الشبابيك الألومينيوم.
25. غرفة النوم الرئيسية ركب للشباك بتاعها زجاج دبل.
26. عدي النقطة اللي فاتت و مش لازم تعرف السبب.
27. حاول في شقتك تكتر من إستخدام الخامات الطبيعية و تقلل الخامات الصناعية بتفرق كتير في الإحساس بالراحة.
28. الشبابيك الجرار بتساعد على سهولة الفرش و لكن بتقلل الإضاءة و التهوية.
29. الشبابيك المفصلية بتزود الإضاءة و التهوية بس هتصعب عليك الفرش.
30. لو شقتك واسعة اعمل شبابيك مفصلي و لو ضيقة اعمل الشبابيك جرار.
31. الشبابيك الـ pvc جميلة و بتعيش.
32. لو شقتك في منطقة مقطوعة ركب كاميرات خارجية مابتتكلفش كتير على فكرة.
33. ماتجيبش نيش.
34. معابر الأبواب مهمة عشان بتمنع الصوت و الضوء و الحشرات.
35. إختار أبواب خشب كويسة عشان ماتندمش و باب الشقة هاته باب مصفح لو معاك فلوس.
36. خلي النجار يركبلك جوانات كاوتش لكل الأبواب عشان بتمنع التراب و الصوت.
37. كل الشبابيك احقن حواليها فوم من الخارج و سليكون من الداخل عشان الحرارة و الصوت و التراب.
38. الجيبسوم بورد بيتعمل بيه حاجات كتير غير الأسقف على فكرة.
39. الجيبسوم بورد حاجة أساسية بس تستخدمه صح لما تحتاجه.
40. أكتر حاجة هتخلي شقتك شيك هي توزيع الإضاءة صح.. خلي حد مخصص يوزعلك الإضاءة.
41. اهتم إنك تشتري شفاط محترم للمطبخ.
42. الشفاط اللي بيركب فوق البوتاجاز شكله حلو و شيك و بس.
43. ماتركبش في الأرضيات السيراميك المستطيل اللي شبه الباركية عشان بيقوس و بيجير.
44. لو عاجبك السيراميك اللي شبه الباركية ركب hdf هتتبسط صدقني.
45. اعمل حساب كل تفصيله في تأسيس الكهرباء و ماتنساش الدش و التليفزيون و التليفون و النت.
46. اعمل حسابك لتأسيس التكييف حتى لو مش هتشتري تكيييف.
47. بلاش دهانات مط و بلاش دهانات لامع.. النص لمعة أو الربع لمعة أشيك بكتير.
48. آخر صيحة في الديكورات حالياً هي الأسقف السترتش اللامعة.
49. لو عاوز تدلع مكان معين في شقتك ممكن تعمل ديكورات بـ CNC .
50. اختار كل حاجة قبل ماتبدأ تنفيذ أي حاجة.. دي قاعدة أساسية.
51. أسس اسكيب و شطب جوتن.. ده في الدهانات.
52. مافيش أشيك ولا أرقى من الدهانات السادة بس تختار الألوان صح.
53. بلاش تعمل تفاصيل كتير في الحوائط و الأرضيات و الديكورات عشان تعرف تفرش حضرتك.
54. أي حاجة مط بيبان عليها التراب.. لازم تبقى عارف ده كويس.
55. لو الأبواب الخشب شكلها حلو ادهنها أستر و لو شكلها مش حلو ادهنها لاكية مغسول.
56. القاعدة الذهبية في إختيار أكر و كوالين الأبواب " الغالي رخيص"
57. القاعدة اللي فاتت دي برضه تنطبق على الخلاطات و الإكسسوار و النواكل.
58. الزجاج العاكس للشبابيك بيحجب 50% من الإضاءة.
59. الزجاج العاكس للشبابيك بيعكس الصبح بس مابيعكسش بالليل.
60. ألوان السجاد- ألوان الستاير- ألوان الفرش- ألوان الأبواب و الشبابيك- ألوان الموبيليا- ألوان دهانات الحوائط و الأسقف- ألوان الإكسسورات و الأنتيكات و التحف و الصور و البراويز... كل الحاجات دي ليها علاقة ببعض ولازم تنسقها صح عشان شقتك ماتبقاش ملعلطة.
61. حاول على قد ماتقدر تشتري كل لمبات الشقة لمبات ليد.. هتدفع مبلغ كبير بس هتوفره في فواتير الكهرباء.
62. لو هتجيب سخان كهرباء هات سعته كبيرة.
63. السخان الفوري مناسب بس في المطبخ لأنه بيستهلك كهرباء كتير.
64. في تأسيس الكهرباء ماتشتغلش غير بسلك السويدي الأصلي.
65. في تأسيس السباكة مواسير التغذية أكواثيرم أو باننجر و مواسير الصرف الشريف.
66. رخامة المطبخ هاتها جرانيت مش رخام.
67. الأحواض و القاعدة المعلقة بيدوا وسع للحمام و أسهل في النضافة.
68. إشتري الخلاطات و الصيني و النواكل للحمام و المطبخ قبل ما السباك يأسس.
69. لو بياض المحارة وحش و فيه مطبات أو شرخ حاول تعالجه قبل الدهانات.
70. لو بياض المحارة لسه فيه عيوب مش عارف تعالجها إستخدم معجون أسمنتي قبل الدهانات.
71. و انت بتقسم شقتك و بتفرشها إهتم براحتك و سعادتك أكتر من إهتمامك بالضيوف لأنك إنت اللي هتعيش في الشقة طول العمر مش الضيوف.
72. لو مش هتركب باب مصفح لباب الشقة يبقى يفضل تعمل باب حديد حماية.
73. ماتنساش تركب سلك لكل الشبابيك عشان الحشرات.
74. السلك الفايبر بيتقطع و السلك الصلب بيصدي.. هات سلك صلب و ادهنه عشان مايصديش.
75. لو عندك غرفة أطفال.. ادهنها لون يمشي أولادي أو بناتي.
76. قبل ماتفرش شقتك خد خطيبتك أو مراتك و روحوا أيكيا في التجمع الخامس مش هتشتروا منه حاجة بس هتطلعوا بأفكار حلوة جداً هتوفر عليكوا.
77. إهتم جداً بسقية السيراميك و يفضل تشتري مادة سقية جاهزة و إوعى تلون أسمنت السقية بأكسيد.
78. قفل حوالين البانيو و الحوض و القاعدة و عند جميع زوايا و أركان الحمام و المطبخ بمادة حقن فواصل من شركة سيكا.. صدقني هتعيش مبسوط بعدها.
79. بلاش تخلي سخان واحد يغذي الحمام و المطبخ مع بعض عشان كل ماتدخل تاخد دش مراتك هتفتح حنفية المطبخ و هتتلسوع.
80. البيبة في المطبخ حلوة عشان التنضيف و وحشة عشان الحشرات و الروائح و السدد.
81. الكرانيش الجاهزة (فيوتك) أفضل 100 مرة من الجبس البلدي.
82. بلاش أباجورة جنب السرير.. ركب 2 أبليك على الحيطة أجمل و أشيك.
83. إختار أماكن و مناسيب برايز الكهرباء بعناية عشان دي من أكتر الحاجات اللي هتضايقك لو ما اخترتهاش صح.
84. بالنسبة للموبيليا حاول تخلي كل الأدراج القريبة من الأرض ليها مفاتيح عشان الأطفال بيعشقوا الأدراج.
85. الغسالة في الحمام ولا في المطبخ.. في المطبخ ولا في الحمام.. إشتري دماغك و خلي مراتك اللي تقرر عشان تعيش في سلام.
86. خلي خطيبتك أو مراتك هي اللي تختار الألوان عشان فعلاً هما بيشوفوا ألوان الرجاله مابتشوفهاش.
87. الـ "ليلاه و البستاج و الفستاج و البيربل و البينك و الأوف وايت و الأون وايت و الأكسيديه و الجراي بيج" دي بعيد عنك درجات ألوان عن البنات أما بالنسبة للرجالة اسمها سمني و عسلي و بصلي و كموني و لموني و مشمشي و فسدقي و حمصي و برتقاني و أي حاجة ليها علاقة بالأكل.
88. ركب فلتر في المطبخ عشان مية الشرب في مصر غير صالحة للشرب.
89. لو الشقة اللي تحتك متشطبة أو ساكنة نبه على العمال اللي في شقتك مايخمروش مونه على الأرض عشان هتنشع على الشقة اللي تحت و جارك هيطلع يتخانق معاك.
90. لو الشقة اللي فوقك لسه ما اتشطبتش ابقى اتأكد إنه هيعزل الحمام و المطبخ و يختبر السباكة كويس.
91. إعزل الحمام و المطبخ عزل أسمنتي أسهل و أفضل و أرخص.
92. بلاش تمعجن الحوائط كلها و بعدين تركب السيراميك عشان ده من أسباب ظهور رطوبة بأسفل الحوائط.
93. ماتساش تركب منشر في مكان بيوصله شمس عشان مهم.
94. لو شقتك راكب فيها أبواب وحشة و مش معاك فلوس تغيرها ركبلها وشوش MDF .
95. لو الحمام بتاعك ضيق ماتركبش بانيو.. قفل كابينة شاور بيلت إن عملية و هتديلك مساحة واسعة.
96. الشركات المنتجة لمواسير السباكة المحترمة ممكن تيجي تعملك إختبار ضغط للمواسير و تديلك ضمان مدى الحياة ضد التسريب و عيوب الصناعة.. دي حاجة مهمة.
97. اعمل حسابك إن تكلفة تشطيب الشقة هتعدي ضعف الرقم اللي انت كنت عامل حسابك عليه.. دي قاعدة لم و لن تتغير.
98. لو عاوز تحسب تكلفة تشطيب شقتك قبل ماتبدأ بشكل تقريبي إضرب صافي مساحة الشقة في 1650 ج أو 2200 ج أو3300 دي هتطلعلك التكلفة بالتقريب حسب طبعاً إختياراتك و مستوى التشطيب اللي هتعمله.
99. لو جبت مهندس شاطر و محترم و أمين يشطبلك الشقة هتشتري دماغك و توفر وقت و فلوس.
100. ماتآمنش لصنايعي.. ماتآمنش لصنايعي.. ماتآمنش لصنايعي.
101. إنشف.. مافيش راجل بيعيط
لو مش فاضي تشطبها كلمنا واحنا نشطبهالك
منقول ، للتواصل

تليفون ٠١٠٦٨٤٠٠٠٠٣
واتساب ٠١١٤٨١٠١٣٨١

25/11/2020

بلاعة المطبخ هى من اكثر المشاكل اللى اعضاء الجروب اتكلمت فيها هل تنفع او لا طب اصرف عليها الاحواض و لا لا شكلها حلو و لا لا هترجع روائح وحشرات و لا لا
ولذلك نبدا بملحوظات بوصلات الصرف
1- بالنسبة للحمام لا ينبغى ان يكون صرف الحوض او البانيو اقل من بوصة و نصف
2- توصيل الاحواض على البلاعة او لو على الصرف نفسه يتعمل بزاوية لا تقل عن 135 درجة
3- يراعى جدا ميول المواسير من البداية حتى النهاية
4- بالنسبة للمطبخ يجب الا يقل صرف حوض المطبخ عن 2 بوصة
5- نفس طريقة التوصيل للحمامات و الميول

المشاكل التى تحدث عادة فى الصرف و طرق الوقاية منها او علاجها
1- عدم الاهتمام من مبلط السيراميك بالبلاعة فيسقط منه مونة داخل البيبة و تسدها
و الحل بعد ما السباك يخلص شغله يسدها بورق شكاير كويس
2- القاء المهملات بها و خصوصا بواقى الطعام و الحل اما تركيب مفرمة للحوض او القاء بواقى الطعام فى مكانه و بعد كده غسل الاطباق
3- شعر السيدات المتساقط و خصوصا فى البانيو يستحسن جمعه اول باول من مصفى الصرف مع استعمال سوستة تسليك على فترات متقاربة
ا
اخيرا بلاعة المطبخ سواء اختلفنا فى شكلها العام لو هتتعمل ليها قواعد يجب اتباعها
1- المسافة من الحائط لا تقل عن 65 سم حتى تكون بعد الوحدات
2- يجب ان يكون ميول السيراميك تجاه البلاعة كويس جدا حتى لا تتاثر الوحدات
3- يجب تركيب غطاء به شيك بلف و ده لايسمح برجوع روائح او مياه للخلف و لا تفتح بوابته الا بنزول الماء من اعلى

09/11/2020

👌

03/11/2020

آخر شغلنا مستشفي 💪

23/10/2020

عارفين رؤيتك وذوقك وبخبرة فريق الوكيل جروب هتستلم شقتك متشطبة وجاهزة من غير ما تشيل هم التشطيب
👈 الصور عينة من شغلنا أثناء التنفيذ لأحد عملائنا في منطقة مصطفي النحاس مدينة نصر 👌.

14/10/2020

👌
ده شغلنا واستلم شقتك عالمفتاح 👈 قطاع وينتك التركي بزجاج عاكس ، دبل ، ٦ملي ، چورچيان مع شيش حصير وماتور سومفي الايطالي

تليفون ٠١٠٦٨٤٠٠٠٠٣
واتساب ٠١١٤٨١٠١٣٨١

14/10/2020

12/10/2020

الردم على دفعة واحدة أحد الاسباب الرئيسية للهبوط الارضي سواء في داخل المبنى أو خارجها
الحل الصحيح الردم على طبقات مع الدك والرش للوصول إلى دمك بنسبة ٩٥٪