للمقاولات والتطوير العقاري- 7D

08/03/2026

شقه للايجار مدينة الشروق المنطقة السابعة
مساحه الشقه ٢٨٠ م٢
كبيرة جدا ٤ غرف و ٣ حمام ورسيبش كبير جدا
اوبن فيو جاردن وقريبة جدا من طريق السويس
تشطيب سوبر لوكس لسه جديد

متاح الدور الأول والثالث

متاح صور خاص

20/12/2025

ملاحظات عامة وأنت بتشطب شقتك – بند الكهرباء :
1) ضرورة معرفة وتحديد موديلات الأجهزة قبل البدأ في عملية التأسيس
2) معرفة أماكن الفرش قبل تحديد أماكن العلب والبرايز
3) تحديد شرب الدور مرة واحدة ونقلة إلي كل الغرف عن كل أماكن العلب
4) تركيب العلب الماجيك يكون بعد تنفيذ البؤج وقبل اللياسة لضبط منسوب العلب علي البؤج
5) التكيف يكون علي خط فردي منفصل من لوحة التوزيع الرئيسية للشقة
6) سلوك دوائر القوي تكون في خراطيم منفصلة تماما عن خراطيم دوائر التيار الخفيف
7) أقل مسافة بين خراطيم التيار الخفيف ودائرة القوي 30 سم
8) عمل لوجة توزيع للقوة والإنارة ولوحة توزيع للتيار الخفيف
9) ممنوع عمل لحامات في سلوك التيار الخفيف
10) اعمل مفاتيح ديفاتير للطرق والصالة

20/12/2025

تايل فوم برو

كلنا بنهرب من الشقق أخر دور علشان طبعا بتكون حر جدا في الصيف
ممكن تحل المشلكة دي بعازل حرارة
وهو منتج تايل فوم برو من شركة كيماويات البناء الحديث (CMB) عبارة عن بلاطات من الفوم بسمك 5 مم وأبعاد 30 x 30 سم
واللي له مميزات كتيرة عن أي ماده عزل أخري وهي:
1) خفيف الوزن
2) يمكن تركية بمادة لزق بسهولة
3) وأهم ميزة أن له أشكال وألوان متعددة يعني يعتبر مادة تشطيب نهائي

يعني باختصار بتحطه فوق السطح علي أي سطح مستو وبس

16/12/2025

عاوز تجدد أرضيات شقتك وصعب تكسر السيراميك/ البلاط القديم وتنزلة وطبعا تكلفة ووقت كبير
في أحل أفضل بكتير وهو تركيب أرضيات خشبية HDF
ولها مميزات كثيرة :
1) ممكن تركبه بسهولة علي البلاط القديم من غير ما تكسر
2) سريع التنفيذ
3) خفيف الوزن مش هتحتاج ونش عشان تطلعه
4) الخشب عازل الحرارة – مش هتحس بلسعه البرد بتاعة السيراميك
5) كمان لو ماجر ممكن ترجع تفكة وتاخده في كرتونة وانت ماشي عادي جدا
6) وسعره مقبول جدا يبدأ من حوالي 360 جنيه للمتر

26/11/2025

أي أول حاجه تبص عليها وانت بتشري شقه؟!🤔

الجيبسومبورد ؟ لا
السيراميك والدهانات ؟ لا

روح بص ع المنور !
ايوا المنور ...لو لقيت الشقه بتاعتك متوصل عليها عمود صرف واحد فقط زي الصوره كدا
اعرف ان دي مش احسن حاجه

22/11/2025

• شقق للبيع مدينة الشروق متشطبة
----------

(903) المنطقة التاسعة
دور رابع – مساحة 195 م2 – 3 غرف – 2 حمام
اسانسير – نموذج 8
-----
(904) المنطقة الأولي
دور ثالث - مساحة 200م2 – 2 غرف – 2 حمام
-----
(905) المنطقة التاسعة
ارضي - مساحة 220 م2 – 3 غرف – 2 حمام – جاردن
-----
(906) المنظقة السادسة
دور ثالث – مساحة 145 م2 – 3 غرف – 2 حمام
خلفي جانبي – جراج
-------
(907) الحي السابع
دور ثان - مساحة 253 م2 - 4 غرف - 3 حمام
تشطيب فاخر جدا
-----
(909) المنطقه السادسه
دور أول - مساحه 140م2 - 3 غرف - 2حمام -
خلفي

(917) الأولي - دور أرضي - مساحة 155 - 3 غرف - 2حمام
بحديقه 50م2 ومدخل خاص

20/11/2025

أكشف ع عقارك قبل ما تشتري
عشان تشتري أفضل شقه/ فيلا تناسب احتياجاتك
عشان تتلاشي مشاكل التشطيبات اللي بتظهر بعد وقت قريب من السكن خصوصا لو بتشتري من شركه تطوير عقاري تجاري
عشان الشقه انهارده مش مجرد سكن .. دا كمان استثمار .. بنقدملك معلومات عن افضل مكان تستثمر فيه
وعشان أسباب كتير لازم تستشير مهندس وأنت بتشتري شقه يجي يعاينها معاك
في شركه كيان بنقدم خدمه المعاينات واستلام البنود والإشراف الهندسي
لو بتشتري شقه وعاوز مهندس يجي يعاينها معاك
بتبني أو بتشطب شقه وعاوز مهندس يشرف علي العمل وأستلام البنود من أول الحفر لحد تسليم المفتاح

للحجز والتواصل : م. مصطفي خاطر 01126640661

شركة يوتوبيا
للتصميات الهندسية والمقاولات العامة والإشراف الهندسي
والتسويق العقاري
بالقاهرة الجديدة

20/11/2025

أسعار مواد البناء - أكتوبر2025

الحديد : 38200 / طن
الأسمنت : 3940 / طن
خرسانه الجاهزه جهد 250 : 3000 / م3
طوب أسمنتي مصمت (25*12*6) : 2500 / 1000 طوبه
طوب طفلي ( 24*11*6) : 2450 / 1000 طوبه

رمل : 150 / م3
سن : 300 / م3

- المصدر: وزارة الإسكان والمرافق والمجتمعات العمرانية

20/09/2025

ايه الأفضل تشتري شقه طوب ولا فيها بياض (محاره ) ؟
وطبعا طالما عملنا بياض يبقي أكيد فيه تأسيس كهرباء وسباكه

أولا هو اسمه بياض مش محاره
ثانيا أكيد الأفضل تشتري الشقه علي الطوب الأحمر ولأسباب كثيره جدا :
1) عشان لو تقسمية الشقة المعمارية مش أحسن حاجه تقدر تكسر وتعمل التعديلات المناسبة
2) بند البياض يعتبر بند مهم جدا في المنشأ لأنه بند فاصل لتلاشي جميع عيوب البنود السابقه في الخرسانات والمباني ومؤسس لكل بنود التشطيبات القادمة والتقفيلات النهائية
3) والمقولة المشهورة بتقول " هنجبها في المحاره "
4) غير أنه بند فاصل هو مهم كمان لذاته وكثير من العيوب اللي بتظهر بعد كدا زي الشروخ بتكون بسبب عيوب في تنفيذ البياض وطبعا بيكون من الصعب تصليحها أو ترميمها بعد كدا
5) البياض مش مجرد طرطشه ولياسه وخلاص ... لا في تفاصيل كثير مهمه لازم تتراعي وفي بنود تانيه بيكون بينها تداخل أثناء تنفيذ البياض عشان كدا لازم تراعي التفاصيل والترتيب وعلاقات البنود مع بعض عشان منرجعش نكسر ونعدل كثير
6) مهاره الصنايعي مش كل حاجه ... الاهتمام بجودة المواد الخام نفسها اللي هما الاسمنت والرمل والماء .. اها طبعا الحجات البسيطة دي لها مواصفات ومعاير لو متطبقتش هتعمل مشاكل وعيوب
7) تأسيس الكهرباء والسباكه .. أكيد مش محتاج أقول أن دول بندين مهمين وحساسين جدا والأفضل أنك تعملهم بنفسك بأفضل الخامات وبرده تختار أماكن الاناره والأجهزه الكهربائية والأجهزه الصحية

بس طبعا التشطيبات متعبة وبتاخد وقت وجهد كبير .. ومش غلط لو اشتريت شقه متشطبة بس افحصها كويس واتاكد من جوده أعمال الخرسانات والتشطيبات ويفضل لو تستشير مهندس و يعاينها معاك

Call now to connect with business.

14/09/2025

أزاي تشتري شقه أو عقار وتفحصه كويس ... وتكون أفضل أختيار لاحتياجاتك فعلا سواء سكن أو استثمار
1) يفضل تعاين بالنهار
2) قياس مساحه الارض أو الشقه الفعليه ومقارنتها بالمعلن أو الورق
3) افحص الهيكل الخرساني الأعمده والسقف
4) يفضل تشتري الشقه طوب مش محاره لسببين ...لو حبيت تغير في التقسيمه المعماريه للشقه ... المحاره من أهم البنود في المبني لأنها بتلاشي كل العيوب الانشائيه السابقه وبند تأسيسي لجوده كل أعمال التشطيبات اللي بعده فالأحسن أنك تعملها بنفسك وبلاش توفر فيه خالص !
5) بص ع منور الشقه .. وهل طبقا للمواصفات ولا لا
6) تأسيسات السباكه من أهم البنود ..عمود الصرف والعمل والتهويه والجليتراب والأقطار مناسبه ولا لا !
7) مدخل العماره والسلم يكون مريح وفيه تهويه وإضاءه
8 ) مفيش مشكله إنك تشتري شقه دور أخير لو في عزل حراري ورطوبه
9) اتجاهات الشقه ( بحري – شرقي ) ... مهم يكون للشقه اتجاهين ع الأقل وكل غرفه في الاتجاه الأفضل
10) لو الشقه متشطبه بقي هنضيف ( تركيبات السباكه أخطر من التأسيس - كهرباء تاسيس وتركيب – توزيع الاضاءه – الأعمال الجبسيه – الأسقف المعلقه – السيراميك والأرضيات – الأبواب والشبابيك )
11) الدهانات واللي بيكون فيها غالبا شروخ ورطوبه .. وكل شرخ له سبب وعلاج .. وأيه الشروخ الإنشائيه اللي ممكن تبقي خطر ع المبني كله .. وأيه الشروخ المعماريه اللي بيكون علاجها بسيط .. وبعضها معماريه بس علاجه أصعب