Alsadeel Decoration Engineering

22/10/2022

ماتشلش هم تشطيب شقتك، حتى لو ماعندكش تصميم احلم بديكور بيتك واحنا نحققه 🏠 لان عندنا خبرة سنين في مجال التصميم والتشطيبات والديكورات، وهنسلمك الشقة او الڤيلا من الطوب الأحمر على المفتاح 🗝🔑
01027706075

28/07/2022

اباجورة الملح الصخري لاضافة لمسه ديكوريه رائعه

27/07/2022

يلا نضيف لحياتنا لمسه ديكوريه رائعه مع اباجورة الملح الصخري

21/06/2022

لو شقتك مساحتها صغيرة تعمل ايه 🙄

1- إختار الألوان الفاتحة لأنها بتعمل بهجة وبتدي إحساس بالراحة والوسع 😍

2- حاول يكون فى مرايات على الحوائط لأن المريات بتدى إحساس بالوسع وبتعكس الضوء الطبيعى فبتخلى المكان ينور أكتر.

3- وانت بتختار الأثاث حاول يكون حجمه صغير وفيه مساحات تخزين لأن الأحجام الكبيرة بتعمل زحمة وبتكون صعبة في التنظيف ومش عملية 🤯

4- خلى إضاءه الشقة لونها أبيض وحاول توزعها صح.

5- متعملش حمام ضيوف عشان الضيوف مش بيجوا غير كل سنه مره، فمتزنقش نفسك على الفاضى.

متستقلش بالحاجات البسيطه دى لأنها فعلا بتفرق جدا.

18/06/2022

هنتكلم النهارده عن ازاي نعالج الرطوبه في الحوائط

مشكله الرطوبه بتواجه معظم الناس، يعني تبقي قاعد في أمان الله وتتفاجيء بلوحه فنيه سرياليه غير مرغوب فيها على حوائط بيتك، فان جوخ بنفسه ميقدرش يرسمها.

و غالبا اللوحه الفنيه دي بيكون سببها إما تسريب في مواسير التغذيه أو الصرف، أو الرمله اللي عملنا بيها السيراميك كانت شاربه مايه كتير ومع الوقت والظروف الجويه المايه دي بتتبخر وتطلع على الحوائط وتعمل الرطوبه.

طبعا بتسأل نفسك دلوقتي ايه اللي وصل المايه للرمله اللي تحت السيراميك!

هقولك انها ممكن تكون شربت مايه اصلا اثناء التشطيبات وظهرت مع مرور الوقت او ممكن يكون حصل تآكل في الفواصل اللي بين السيراميك و المايه بتدخل من خلالهم.

طب و الحل ؟!
اولا لازم نمنع مصدر التسريب، لان طول ما مصدر المايه موجود مهما عالجنا الرطوبه هتظهر تاني.

منعنا التسريب خلاص؟ نبدأ بقا نعالج آثاره فهنكسر الجزء اللي فيه رطوبه ده (الدهانات والمحاره) لحد ما نوصل للطوب.

وهندهن مادة عزل اسمها اديكور M، دي بندهنها وشين علي الطوب.

وهنعمل مرحلة الطرطشه بس هنضيف اديبوند ٦٥ من شركة CMB على مونة الطرطشه.

وبالنسبه لمونة الملو بتاعت المحاره هنضيف عليها اضافه غير منفذه للماء، وبعدها هنشتغل النقاشه بتاعتنا عادي جدا.

15/06/2022

شركة السديل الهندسيه
01027706075

15/06/2022

15/06/2022

مراحل التشطيب

06/06/2022

احدث ديكورات غرف النوم

06/06/2022

العزل الأسمنتي 👌
العزل الأسمنتي موجود في السوق المصري بقاله حوالي 20 سنه، وفيه شركات كتير جدا بتنتجه زي شركة (سيكا - CMP - سافيتو - دراي ميكس - باسف)، وبنعزل بيه الحمامات والمطابخ، بندهنه علي الخرسانه مباشرة ويفضل يكون السطح أملس.

✅ إيه التجهيزات اللي بنعملها قبل ما نبدأ في العزل الأسمنتي؟
1- قبل ما تبدأ في أي حاجه هتخلي السباك يكسر مكان المواسير بتاعته ويركب مواسير التغذية.
2- بعد كدا هينضف الارضية كويس جدا ويكنسها بالمقشة لإزالة أي أتربه أو كسر.
3- بعد هيرش مايه علي السطح اللي هنعمل عليه العزل ويسيبه شويه لحد ما ينشف.

✅ طيب إيه العزل اللي بنستخدمه؟
احنا بنستخدم مجموعة عزل سيكا سيل 105، ودي عبارة عن جيركن 5كجم وشيكارة 50كجم، بنقلبهم ببعض كويس جدا عن طريق خلاط ميكانيكي لمدة 3 دقائق، وبندهن وجه طولي ووجه عرضي بفاصل زمنى لا يقل عن 6 ساعات بين الوجهين.

✅ طيب إيه الفرق بين سيكا 105 و 107؟
سيكا 107 أقوي من سيكا 105 عشان كدا بنستخدمها في الخزانات اللي ارتفاعها أكتر من 3 متر عشان تتحمل ضغط المياه، أما 105 في المنشأت السكنية والتجارية ..الخ.

✅ طيب أنا عزلت، اختبر ازاي؟ واعرف اذا كان فيه تسريب ولا لأ ازاي ؟؟
- بتملا الحمام مياه وبتسيبها من ٢٤ ل ٤٨ ساعه.
-وبعد مالمده تخلص بتبدأ تبص علي الحوائط الجانبيه للحمام والشقه السفليه
لو ظهرت رطوبه يبقي فيه مشكله في العزل ولازم تعزل مره اخري او تعيد علي الجزء اللي بيكون منه التسريب.

05/06/2022

الأسقف الفرنسي (الاسترتش) 💙

أوقات كتير بنشوف أسقف متشطبه بخامه بتلمع كدا وتيجي تدقق النظر متلاقيش فيها أي عيوب نقاشه، كما لو كان اللي عامله هو ليونيل ميسي النقاشين 😂 وعادة الأسقف دي هتلاقيها في أغلب المحلات وممكن في شقق سكنيه عادي جدا، طيب ايه حكاية الاسقف دي تعالوا نشوف مع بعض.

✅ الأسقف الاسترتش : دا نوع من الاسقف المعلقة، يتميز بسطح شديد النعومة وعلي درجة عالية من المطاطية وقابلية الشد .

✅ بيتكون من إيه ؟
1- الجلد أو القماش: ودا عبارة عن رولات من خامة رقيقة جدا ومرنه مصنوع من ال pvc وعرض الروول يتراوح من 1.5 متر الي 4 متر وده علي حسب الشركه المصنعه.

2- اكسسوار التثبيت: ودا بنسميه البروفايل، ودي أعواد من ال pvc المقوي وبها تجويف خاص يسمح بإحكام القبضة علي الجلد الاسترتش بمجرد تثبيته بها بالعدد الخاصة بذلك.

✅ طيب ازاي بنركب الاسقف دي:

1- بنثبت أعواد البروفايل علي المساحة المراد تغطيتها.
2- لو هنعمل دمج بينه وبين تشكيلات الجييسوم بورد، هنخلص الجيبسوم بورد الأول ونثبت البروفايل علي محيط المنطقه المراد تغطيتها.
3- لازم نحدد أنواع الاسبوتات والاضاءات اللي هنركبها في الاسترتش، بحيث الفني ياخد مقاساتها ويعمل ليها الاكسسوار الخاص بتثبيتها.
4- بعد كدا فني الاسترتش بيثبت القواعد الخشبية لوحدات الاضاءة في مكانها، ويظبط منسوب سقوطها علي خيط موحد عشان يكونوا على نفس المنسوب اللي الاسترتش هيتشد عليه.
5- هنلاقي الفنيين بيستخدموا بعد كدا البشبوري أو اللهب لشد القماش الاسترتش وتثبيته في البروفايل الخاص به.
6- أقل منسوب يمكن تركيب البروفايل هو 2 سم تحت السقف في حالة عدم وجودوحدات اضاءة بالسقف الاسترتش .

✅ طيب ايه هيا مميزات الأسقف الاسترتش :

1- شكلها جميل جدا وممكن تعمل بيها أشكال لانهائيه من التصميمات.
2- يزيد من مساحة الحجرة بصريا.
3- سرعة التركيب، يعني لو هتركب مساحة مقدارها 20 متر مربع، ممكن تخلص من 3-4 ساعات.
4- مقاوم للرطوبة والأتربة ومقاوم أيضا للشحنات الكهربائية.
5- يتحمل وزن حتي 100 كجم/م2.
6- يتحمل درجة حرارة تصل إلى 80 درجة مئوية.
7- العمر الافتراضي له اكثر من 15 عام.

✅ عيوب الأسقف الاسترتش:

1- يعتبر العيب الوحيد فبه هو الآلات الحادة التي قد تتسبب في قطعه وفى الحاله دي يجب تغيير الجزء المقطوع بالكامل من البروفايل الي البروفايل .
2- أي تعامل معه سواء فك أو تركيب لابد أن يتم من قبل فنى متخصص.
3- لأنه شديد اللمعانية و متعدد الألوان فان طريقة توظيفه في التصميم هي ما تتسبب في ظهور التصميم بشكل راقي او بشكل شعبي .

✅ أفضل الشركات العالمية المصنعة لهذا النوع من الأسقف :

- PVC (France).
- Pongs (Germany).
- RENOLIT (Germany).
- Malpensa (Italy).

✅ طيب اركبه امتى؟

الوقت المثالي لتركيب الأسقف الاسترتش والانتهاء منها هو مباشرة عند الانتهاء من النقاشة.

✅ في النهايه ..

الاسترتش نوع هايل من الأسقف المعلقه ليه مميزات كتير، لكن يجب الحذر في التعامل معه في التصميم حتي نستطيع الوصول إلى نتيجه بها لمسه من الرقي ولا يتجه بنا الي أن يكون التصميم مبهرج أو شعبى.
كمان لازم نكون عارفين كل التجهيزات والتوصيلات بشكل دقيق قبل ما نركبه.