06/05/2024
♦️ قانون التصالح الجديد♦️
هيتم بدأ العمل به غدا ٧/٥/٢٠٢٣
ايه هي الاوراق المطلوبه و الخطوات و دورة سير الملف و وضع الملفات القديمه بالنسبه للقانون الجديد و الملفات اللي كانت خارج نطاق التصالح وضعها ايه و شويه اسأله هنجاوب عليهم واحده واحده بإذن الله ...
- خلينا نتكلم عن الملفات المقدمه ف التصالح القديم وضعها ايه دلوقتي ؟
الملفات التي لم يصدر لها قرار أو لم يتم معاينه اللجنه لها هيتم تقديم ملف جديد بجميع مشتملات الاورق المطلوبه طبقا للقانون الجديد و نكمل باقي الاجراءات و لكن سعر المتر المربع للمخالفه هيكون طبقا للقانون القديم
- طيب الملفات اللي طلعت شهادة متغيرات ( القمر الصناعي ) و كانت خارج نطاق التصالح !!
هيتم تقديم لها ملف جديد و هيتم التصالح عليها بإذن الله ( كل اللي قريب من الكتل السكنية ) و إحضار موافقة من الزراعة بالتصالح و شرط قبول الملفات دي سواء كانت بلوكات أو بيوت ( ٣ شروط )
- متمتع بالمرافق
- مشغولة بنشاط ( سكني أو غير سكني )
- ليس له محاضر بعد تاريخ ١٥/١٠/٢٠٢٣
- الملفات اللي كان خارج نطاق التصالح و لم ينطبق عليه القانون بسبب تعدي معين علي جهة أو مش متوفر فيها الشروط لأي سبب دي وضعها ايه و هل كده مش هيتصالح و الملف هيترفض ؟!
لا ، ف الأول هيتم رفع الأمر لمجلس الوزراء بإلتماس مكتوب فيه استحالة الإزالة للعين المذكوره - لكن هيكون سعر المتر ٣ أضعاف السعر المعلن - و يمكن تخفيض سعر المتر بقرار من رئاسة مجلس الوزراء
🔴 الأوراق المطلوبه بالنسبة للتصالح 📄📣📣
١ - شهادة تحديد جهة الولاية
بتتوجه للمركز التكنولوجي برئاسة مركز المدينه ( بصورة البطاقه - صورة العقد - صورة فوتوغرافية للمنزل - كروكي للمنزل ) و تقدم عليها و بتستلمها بعد حوالي ١٥ يوم من هناك ، بيتحدد فيها الولاية التابع ليها البيت بتاعك سواء طرق - اثار - ري - صرف - سكة حديد و هكذا
بتروح للولايه التابعه ليك دي و تاخد موافقة من هناك علي إنك عايز تعمل تصالح و تقنن أوضاع المنزل المخالف
* بعد ما تأخد الموافقة بتقنين الوضع مع الجهه المتعدي عليها بنجهز باقي الاوراق و هي :-
٢ - صورة الرقم القومي
٣ - عقد ملكية
٤ - إيصال سداد رسم فحص الطلب و سداد مقابل جدية التصالح و تقنين الأوضاع
٥ - صفة مقدم الطلب ( مالك البيت أو ما يفوض عنه )
٦ - نسختين من الرسم المعماري
( لازم الرسم يكون دقيق جدا و مطابق للواقع لأن أي اختلاف أو تلاعب أو نقص عن الموجود علي الطبيعة يعتبر مخالف و يترفض الطلب )
٧ - تقرير سلامة انشائية
- تقرير مهندس نقابي إذا كانت مساحة الأرض < ٢٠٠ م٢
- تقرير استشاري إذا كانت مساحة الأرض > ٢٠٠ م٢
٨ - شهادة قيد مؤمنة للمهندس ( و دا لازم يكون نفس المهندس اللي ماضي علي الأوراق و عامل الرسومات )
٩ - شهادة المنسوب و الاحداثيات
(الشهادة دي في حالة مخالفة قيود الارتفاع للقوات المسلحة و بيتم استخراجها من هيئة المساحة المصرية أو إدارة المساحة العسكرية ، الاحداثيات من أي جهة إدارية معتمدة )
١٠ - شهادة المنسوب و الاحداثيات
( دي في حالة مخالفة قيود الارتفاع للقوات المسلحة و بيتم استخراجها من هيئة المساحة المصرية أو إدارة المساحة العسكرية )
١١ - عقد اتفاق موثق من الشهر العقاري بالموافقة من أصحاب حق الارتفاق ( لو متعدي علي حقوق ارتفاق الجار )
١٢ - مستند إثبات تاريخ المخالفة ( محضر المخالفة - تاريخ توصيل مرافق - مستخرج رسمي من الضرائب العقارية - عقد بيع مشهر - عقود ايجار مثبتة التاريخ - شهادة كربونية )
١٣ - الامضاء علي إقرار بصحة المستندات المقدمة و البيانات و المساحة و عدد الأدوار
بكده الملف كامل لتقديم طلب التصالح ✔️✔️
- مدة فحص الملف أد ايه ؟
- الرد بالموافقة علي التصالح في خلال مدة أد ايه ؟
- امته الملف بتاعي يترفض ؟
- لو الملف بتاعي اترفض وضع البيت و المرافق هيكون ايه ؟
- الملف لا ينطبق عليه شروط التصالح بسبب تعدي معين ايه الحل و هل ينفع اكمل تصالح و لا لا ؟
- ايه النماذج اللي بستليمها
- ايه الفرق بين نموذج ٧ و ٨
- بالنسبة للناس اللي استلمت نموذج ١٠ في التصالح القديم و محتاج يستكمل أعمال ايه المطلوب
هنكمل باقي الأسئلة دي في منشور تاني بإذن الله عشان منطولش علي حضراتكم 🌷
و المكتب علي استعداد تام بإستكمال جميع أوراق طلبات التصالح ✍🏻📄
للتواصل و الاستفسار م / اسماء سعديه
ت / 01067273890 📱
