https://www.facebook.com/110653875467555/

World Of Civil Engineering, Faqous (2026)

14/05/2024

🛑 المبانى المائلة 🏠

⬅️ ما هى اسباب ميل المبانى؟

١- وجود فراغات فى التربة و تشبع التربة بالمياة.

٢- وجود تسريب مائى بجوار الاساسات يؤدى الى نحر التربة.

٣- عدم استخدام الخوازيق للوصول الى التحميل على التربة القوية.

⬅️ ما هى طرق التعامل مع المباني المائلة؟

١- الإخلاء للمبنى مهم وأساسي من السكان، حيث تأمين الجميع.

٢- إجراء اختبارات على التربة الموجودة تحت المبنى، بعينات مختلفة للتأكد هل ما زالت تهبط أو ثبتت بالفعل، وفي حالة "الثبوت" من الممكن أن يصبح المبنى بالميل الخاص به ويتم حقن التربة ويبقى كما هو.

٣- لكن إذا كان ميل المبنى خطير يؤدي للوقوع على مبنى آخر أو حدثت له شروخ، فيجب الإخلاء حتى يتم هدمه ويبنى مكانه غيره.

٤- ويتم تحديد حالة المبنى بناء على تقارير المهندسين الإنشائيين.

⬅️ طرق معالجة المبانى المائلة :

١- اذا كان الميل اكبر من ٢سم للمتر فهذه الحاله يتم هدم المبنى لانه معرض للسقوط

٢- اما اذا كان الميل اقل من ٢سم للمتر يمكن علاجها عن طريق الخوازيق الابرية (Micro Piles) خوازيق الابرية و يعتبر نوع من الخوازيق المنفذة بطريقة الحفر الدوار وتتراوح أقطارها ما بين 20 سم الى 30 سم و بأطوال تصل الى 40 متر ويمكن ان تنفذ رأسية او مائلة وعلى الرغم من أن أقطارها صغيرة الا ان التسليح يستطيع أن يتحمل الأحمال المحورية المؤثرة عليه.

✨ تتميز الخوازيق الابرية بخفة وزنها وايضا المعدات الخاصة بها تسمح بتنفيذ الأعمال في الأماكن الضيقة سعة وقدرة تحمل الخوازيق الإبرية تعتمد على حجم الخازوق وقطره والطول المصمم عليه، حيث قد تتخطى قدرة تحمل الخوازيق الابرية للأحمال عن 40 طن.

٢- الحقن بخليط من الاسمنت والماء والبنتونايت باستخدام انابيب الخوازيق الابرية عن طريق تحديد اماكن الفراغات وحقنها

23/09/2023

أرجل أشاير الأعمده داخل القواعد ... الصح يكون اتجاها لجوه ولا بره ؟؟
======================================
طبقا_للكود
مفيش نص ف الكود بيلزمك باتجاه معين المهم انك تحقق طول الاشاره ف القاعدة المسلحه (يعني الرجل + الجزء الداخل في القاعدة ) وهى انها تكون اكبر من او تساوى طول التماسك Ld واللى ف الغالب بيكون 65 * قطر السيخ .
بس فيه ملحوظه لازم تاخد بالك منها وهى لو انت عملت اتجاه الرجل للخارج وكان عرض القاعده المسلحه أقل من طول رجل الاشاره يتم عمل اتجاه رجل الاشاره للداخل .
• في كل الحالات لا تقل الرجل عن 20 سم /في حالات القواعد ذات العمق الكبير
وال 65 الفاي غير موفي
كتنفيذ_بقى
=======
يفضل انك تعمل اتجاه رجل الاشاره للخارج طب ليه يا بشمهندس
1- لسهولة صب الخرسانه وعدم حدوث تعشيش نتيجه لتركيز حديد التسليح أسفل قاع العمود وخاصة مع استمرارالكانات داخل القاعدة .
2- عشان تقلل م احتمالية حدوت Punching للعمود .
3- عشان توزع الحمل اللى بيأثر ع العمود ع مساحة تلامس اكبر من القاعدة .
في بعض الحالات بنضطر نعملها للداخل لما تكون رجل السيخ كبيره لتقليل طولها الخارج م العمود .

12/09/2023

اهمية الخوازيق 😮

05/09/2023

فائده الخرسانه العاديه تحت الاساسات؟

اراء مختلفة في فوائد الخرسانة العادية تحت الاساسات ....
اذاكانت الخرسانه العاديه بسمك اكبر من20 سم تكون داخلة في تصميم الاساسات وتوزيع الحمل

اما اذا كانت بسمك10 سم تكون عباره عن طبقة نظافه لتسهيل رص حديد التسليح وحماية الخرسانة المسلحه من الاملاح املاح الكلور والكبريتات في التربة وكجزء من العزل

تعمل كخرسانة نظافة لحديد التسليح وعازله له من الرطوبه والكبريت وتعمل كتسويه للارضيه تحت القواعد

عمل طبقة تسوية تحت الاساسات تشكل طبقة قوية تحت الأساسات تضمن توزيع الحمل بشكل متساوي في جميع الإتجاهاتعزل التربة عن الاساسات الخرسانية المسلحةيمكن الإعتماد عليها في تثبيت القوالب ابعاد تاثير الرطوبة عن حديد التسليح

1/ تسمى فى السوق "فرشة نظافة "لانه لا يصح عمل قواعد مسلحة على التربة مباشرة

2/ انها تعمل على زيادة مساحة التلامس بين االتربة والقواعد المسلحة بشرط التأكد من تسوية السطح العلوى لضمان افقية طبقة توزيع حمل الاساسات على التربة

3/ اذا كان سمكها اقل من25 سم لا تدخل فى حسابات الاحمال وتكون وظيفتها هى كما سبق

4/ اذا كان سمكها اكبر من25 سم تدخل معنا فى حساب الاحمال وبالتالى تقلل ابعاد قطاعات القواعد المسلحة.

26/08/2023

تكمله لمهام مهندس المشروع :

5- ليه بتراجع رسومات الانظمه اللي مش معاك … السبب الرئيسي لتفادي اعاده ما تم تنفيذه يعني وقت وتكلفه كام ممكن تتفاداهم لو فكرت شويه وركزت شويتين . مثلا ممكن تلاقي عمود متعارض مع المعماري او كمره ساقطه في قلب الريسبشن او ممكن تلاقي مفاتيح اناره وبرايز جنب السرير علي ارتفاع 45 سم مثلا علي رسومات الكهرباء وانت بتبص علي رسومات الفرش لقيت ان فيه كوميدينو ارتفاعه 60 سم ودا معناه ان مخارج الكهرباء ورا الكومودينو
طب اتعمل اي لو لقينا تعارضات زي دي ؟
كل الحالات اللي تلاقي فيها اختلاف في الرسومات وبعضها بتبعت للاستشاري RFI يعني .. Request For Information .. هتعرض الاختلاف وترفق الرسومات اللي تثبت كلامك ولو عندك اقتراح قدمه … واللي يعتمده الاستشاري هنمشي عليه .

6- وانت بتشتغل الشوب درونج ( الرسومات التنفيذية ) لو عندك مثلا 20 لوحه حداده في المشروع ، مش صح انك تخلص كميه كبيره وتسلمها لانك لو خلصت 10 مثلا والاستشاري طلع لك ملاحظه وحده كده بقي عندك 20 ملاحظه… طب الصح اي ؟
الصح ان اي حاجه عندك منها عدد كبير انك تعمل عينه وحده وتسلمها للاستشاري وتشوف ملاحظاته عشان باقي الشغل يطلع كويس .

7- لاذم يكون عندك نظره للأمام.. ما تبصش تحت رجلك …من اول يوم في المشروع بص علي اخر حاجه هتتعمل في المشروع يعني اي ؟
يعني مثلا لو انت شغال في سقف خرساني لازم قبل التنفيذ تشوف اذا كان عندك سقف معلق ولا لا علشان بعد الاجابه هتقرر تعمل تمديدات الكهرباء داخل السقف او لا تحت السقف في حاله وجود سقف معاق

8- لازم تكون متابع الجدول الزمني كويس

9- لو انت شغال في مشروع كبير يمكن يكون دورك صغير جدا لكن دا مايمنعش انك تكون علي دراية عامةً بالمشروع

10- الخامات مهمه جدا جدا جدا في اي مشروع تنفيذ .

🫶🏻

25/08/2023

قبل ما نبدا في المشروع من الصفر ، لاذم تعرف مهامك كمهندش مشروع او كمهندس مسؤول في شركه مقاولات لازم تاخد بالك من شويه حاجات…

1- عشان تبدأ تنفيذ أي مبني انت محتاج رسومات تنفيذيه ومحتاج الخامات اللي هتركبها فأول حاجه لازم تتأكد أن الرسومات معتمده من استشاري المشروع

2- لازم تذاكر الرسومات كويس وتشوف اذاي تقدر تقدم حلول توفر في الوقت والتكلفة او ترفع من جوده الشغل… يعني مثلا لاقيت الرسم بيقول ان صاله كبيره Solid Slab معموله ولقيت انه افضل تعملها Flat Slab عشان توفر في الوقت وعلشان ميظهرش كمر ساقط .. والعمليه دي اسمها Value engineering يعني بتشوف حاجه تؤدي نفس الوظيفة بتكلفه اقل وا وقت اقل

3- طلبت خامات والخامات وصلت الموقع .. لازم تراجع علي كل الخامات وهل هي فعلا اللي طلبتها ولا لأ وعمل MRR يعني Material Receiving Report بعد كده بتقدم للاستشاري طلب فحص خامات ( قبل ما تبدأ تشتغل بيها ) بتقدم للاستشاري MIR يعني Material Inspection Request وتعتمد الخامات من الاستشاري رسميا قبل استخدامها

4- لاذم تعرف انك مش شغال لوحدك … لو انت مهندس مدني هيكون في غيرك ميكانيكا او كهربا وتيار خفيف ومعماري وغيرهم .. لازم تنسق شغلك معاهم وتراجع رسومات ال Coordination drawing .. ودي رسمه شامله المفروض يكون عليها كل الانظمه .

& الموضوع كبير وان شاء الله هنكمله في بوست تاني .

🫶🏻

24/08/2023

قبل منتكلم عن بدايه المشروع من الصفر او التصميم وا التنفيذ ، في حاجات في البداية لاذم تعرفها كأ مهندس مدني وكل واحد لاذم يلتزم بالمهام بتاعه .
&" اطراف المشروع الهندسي "
1- المالك : هو الشخص او مجموعة اشخاص التي تقوم بتمويل المشروع وتحديد ميزانيته ومدته ويكون طرف العقد الاول

2- الاستشاري : هو المهندس او المكتب او المجموعة الهندسية التي يوكل اليها المالك حتي الاشراف والتنفيذ او تقديم كافه الاعمال الهندسيه الخاصه بالمشروع والذي يعهد اليه الاشراف علي جميع الاعمال التي تم تنفيذها بواسطه المقاول وهو يعتبر المستشار الفني للمالك

3- المقاول : وهو الجهه او الشركه التي يتم قبول عطاءها من قبل المالك او اللجنه المشرفه مع المالك ويختص بتنفيذ جميع الاعمال او جزء من الاعمال في المشروع ويكون الطرف الثاني في العقد

4- المقاول الباطن : حيث ان المقاول العام الذي رسي عليه العطاء لا يقوم بجميع الاعمال في المشروع وليكن من محاره وسباكه وكهربا ونجاره وغير ذالك وبالتالي يقوم بالإتفاق مع اطراف خارجية وهم مقاولي الباطن لتنفيذ تلك المهام

5-مهندس المكتب الفني: وهو المهندس المسئول عن عمل الرسومات التنفيذيه للمقاول وكذالك عمل دفاتر الحصر والمستخلصات

6- المهندس المشرف ( مهندس الموقع ) : وهو المهندس الموجود بموقع العمل الذي يختاره المالك او الاستشاري الذي يشرف علي الاعمال التي يتم تنفيذها

7-مدير الموقع : هو مهندس ذو خبره كبيره يختاره المقاول للعمل معه لاداره التنفيذ في الموقع وكذلك ينظم العمل داخل الموقع ويوزع الاختصاصات المختلفة على باقي فريق العمل ويقوم بايجاد الحلول لجميع المشاكل.

World Of Civil Engineering

14/05/2024

23/09/2023

12/09/2023

05/09/2023

26/08/2023

25/08/2023

24/08/2023

Address

Website

Alerts

Shortcuts

Share

Category