Carma Contracting

Carma Contracting Carma Contracting Co. specializes in contracting, interior decoration, and landscape architecture.

Our experienced, collaborative team is committed to delivering high‑quality, innovative solutions tailored to each client’s needs.

إراحة العين بإختيار الألوان البسيطه والتصميم الراقي بيديلك إحساسي نفسي مختلف وده بنحققه دايماََ بإختيار الألوان الفاتحه ...
14/10/2025

إراحة العين بإختيار الألوان البسيطه والتصميم الراقي بيديلك إحساسي نفسي مختلف وده بنحققه دايماََ بإختيار الألوان الفاتحه واللون الواحد في التشطيب مع دمج البانوهات والعناصر الخشبيه بلون الثمره الطبيعي بتاعها ومنسيناش في بعض الأحيان أماكن الاباليك مع الليد وورم داخل الحوائط والاسقف وكمان الوزر ☺️🫣😉



#لاندسكيب

سهل جدا تشطب شقتك بنفسك وتجيب الصنايعيه وتشوف الخامات وتحاسبهم وتبقى مطمنلكن اللي كنت مفكر انك وفرته علشان بتجيب الصنايع...
04/10/2025

سهل جدا تشطب شقتك بنفسك وتجيب الصنايعيه وتشوف الخامات وتحاسبهم وتبقى مطمن
لكن اللي كنت مفكر انك وفرته علشان بتجيب الصنايعيه بنفسك وبتحاسبها! هتلاقي نفسك دافع اكتر من اللي كنت هتدفعه لمكتب تشطيبات.. دا غير المجهود البدني والذهني بتاعك..
معانا كنت هتوفر اكتر من اللي دفعته لما شطبت بنفسك
طب ازاي؟! 🤔🤔
تعالي وانا اقولك واطمنك 👌
احنا مش بنشتغل بنظام الباقات
احنا بنشتغل بنظام نسبة إشراف ودا نظام افضل ليك لانه بيحققلك ميزتين
الميزه الأولى انك بتشوف كل فواتير الخامات اللي بتختارها معانا ودا بيضمنلك جودة الخامات اللي اتحطت في بيتك
والميزه التانيه انك بتشوف النسبه اللي اخدناها في الإشراف والمتابعه في تشطيب وحدتك ودا بيخليك مرضى ومش قلقان اننا نكون اخدنا اكتر من اللي نستحقه.. يعني كل جنيه انت مطلعه من جيبك عارف هو رايح فين
الحاجه التانيه اللي تخليك توفر معانا هي خبرتنا في ترتيب البنود في الشغل ودي نقطه مهمه جدااا متخليكش تعيد الحاجه اكتر من مره او بند يخلص ويتبهدل بسبب عدم الترتيب الصح..
والاهم من دا كله بجد.. هي التصميم ال 2D / 3D
واللي بيوفرلك فلوس كتير انت مش شايفها لانه البدايه الصح اللي بنرتب عليها شغلنا..
كل دي فلوس مهما دفعت فيها فتأكد انك وفرت كتير..
ولو عايز تعرف اكتر ونفيدك بشكل صحيح
تواصل معانا دلوقتي وهنفيدك بإستشارات مجانيه وكمان معاينه ومقايسه مجانيه لتشطيب وحدتك



#لاندسكيب

✨😌 الهدوء مش في كتر دفع الفلوس ولا في الزحمه… الهدوء في بساطة التفاصيل ❤️أول حاجة:السقف فلات وبيت نور بسيط 👌اللون درجة ف...
04/10/2025

✨😌
الهدوء مش في كتر دفع الفلوس ولا في الزحمه… الهدوء في بساطة التفاصيل ❤️

أول حاجة:
السقف فلات وبيت نور بسيط 👌

اللون درجة فاتحة زي Sense 1875 من درجات البيج المطفي 🎨
لون محايد… يديك إحساس بالنظافة والاتساع.

السقف أبيض صريح 🤍

الستارة فاتحة أو وسط، ومن نفس روح اللون…
عشان متحسش إن المكان وقف عند الستارة

تحت الشاشة حتة بسيطة واحدة بس…
تفي بالغرض من غير جبسون بورد ولا قطيفة ولا ورق حائط ولا أي "بهارات ديكور" زيادة 😎

الفرش من نفس تون الحيطة، بس يا إما أفتح شوية أو أغمق شوية عشان التوازن البصري.

بعد كده شوف بنفسك الراحة اللي هتحس بيها وانت قاعد في بيتك ❤️



#لاندسكيب

04/10/2025

___خلي بالك وانت بتشطب شقتك:

_متنساش تأسيس تكييف فريون في كل غرفه وترمي السلك بتاعه حتى لو مش معاك القدره الماليه انك تركب دلوقتي تكييف لكل غرفه
_متنساش تعمل حنفية فلتر تحت الحوض وبريزه تحت الحوض وانت بتأسس السباكه
_متسقيش اي سيراميك بالاسمنت الأبيض واسقي بماده مخصصه للسقيه من شركة سيتوفيل او كيماويات البناء
_اوعي تبدأ في بند النقاشه من غير ما تعمل مراشمه للحوائط يعني تنظيفها من اي رواسب او اتربه علشان متعملش طبقه عازله بين الحائط والدهانات
_ اوعي اوعي اوعي تخمر المونه جمب الحوائط نهائيا لان الحيطه بتمص الميه في التخمير وتسمّع في الرطوبه وحلني بقى علشان نعالج الجزء ده تاني
_اي عزل بيتعمل بيكون تحت مواسير الحمام ومش فوقه

ولو عايز تعرف اكتر وتفيد نفسك في تشطيب بيتك كلمنا واحنا هنفيدك
استشارات مجانيه



#لاندسكيب

04/10/2025

تعالي نقولك أنواع الشروخ اللي ممكن تقابلك في بيتك
- شروخ الحوائط :👌👌👌👇👇👇
* أنواع شروخ الحوائط :
- شروخ الإنشاء :
يحدث هذا الشرخ في العناصر الأنشائية للمبنى مثل الأعمدة و الأسقف.

* أسبابها :
1- شروخ بسبب تآكل الحديد.
2- شروخ بسبب إنكماش الخرسانة.
3- شروخ بسبب تآكل الخرسانة.
4- شروخ بسبب وجود حصوات قلوية في الخلطة.
5- شروخ بسبب زياده الأحمال علي البلاطة.

* كيفيه المعالجة :
الحقن بالإيبوكسي.

- شروخ البياض :
يحدث هذا الشرخ في أطراف الشبابيك السفلية ليمتد الي الأرض وفي منتصف الحوائط أو بشكل رأسي عند مناطق تقابل الحوائط أو بين الكمرات والمباني أو الأعمدة والمباني.

* أسبابها :
1- نوع الأسمنت المستخدم للبياض عند خلط الأسمنت مع الماء أثناء عملية البياض قد تجعله ذو درجة حرارة و قوة عالية.
2- إضافة الجبس لمونة البياض.
3- التلبيش دفعه واحدة وبسمك بياض كبير.
4- عدم وضع "شبك بقلاوة أو فايبر" بين العناصر الخرسانية ومباني الطوب أثناء تجهيز البياض.
5- الطرطشة الغير جيدة للحوائط قبل الملو والذي يجعل البياض ينفصل في أماكن عن الحائط "تطبيل".

- كيفيه المعالجه :
* لأن هذه التنميلات والشروخ تظهر سريعاً.
* يتم تكسير الأماكن التي بها مشكله وإعادة ملوها مرة أخري.

- شروخ المباني :
- شرخ فوق باب أو شباك :
شكل الشرخ بيبقي بزاويه 45 درجه وبيكون عند أركان الأبواب والشبابيك وسببه إن طول العتبه الخرسانيه فوق فتحة الباب أو الشباك قصير وفيه كمان سبب تاني اللي هوا مفيش سلك شبك محطوط عند أركان الفتحات أثناء عمل بند بياض المحاره.
- الشرخ مفيش منه خطر ولا حاجة زي ما هو شائع عند الناس، لكن منظره مش لطيف فلازم نعالجه.

- كيفيه معالجة الشرخ :
1- هتكسر المحاره ويكون الحواف اللي أنا كسرتها جايه بميل.
2- هعمل طرطشه، بس قبل ما أعمل طرطشه أرش الطوب اللي هعمل طرطشه عليه بمياه عشان ميشربش مياه الطرطشه.
3- بعد ما الطرطشه تنشف تحط سلك شبك أو فايبر وأثبت السلك كويس.
4- ثم يتم عمل مرمة البياض ونسيبها 5 أيام عشان تطلع الرطوبه اللي فيها ويفضل إن مونة المحاره دي تكون مونه غير قابله للانكماش عشان متشرخش بعد كدا.
5- نمعجن وندهن عادي بعد أن إنتهي معالجة الشرخ.

- شرخ شكله متصل بنفس شكل عراميس ولحامات الطوب، وسبب الشرخ وجود حل رباط في المباني، ومفيش منه خطوره
وطريقة علاجه بنكسر بياض المحاره ونحط سلك شبك أو فايبر وإعادة البياض مره أخرى بنفس طريقة علاج شرخ الأبواب والشبابيك.

- شرخ أفقي بسيط في الحائط عند إلتقاء الكمره الخرسانية مع المباني الطوب.
وسبب الشرخ عدم تشحيط المباني أسفل الكمره أو عدم وضع سلك شبك عند إلتقاء الكمره مع الطوب، ومفيش خطوره من الشرخ ده.

- شرخ في البلكونات أو مباني الدروة أو الأسوار وبيكون رأسي وبسمك كبير والسبب عدم وجود طرف رباط والحل الوحيد هو التكسير وتفتيح شنايش وعمل طرف رباط ثم إعادة البياض.

- شرخ رأسي بالحائط عند إلتقاءه مع العمود الخرساني، وسببه عدم الربط بين المباني والعمود الخرساني بالكانات أو عدم وضع سلك شبك عند إلتقاء الخرسانه مع الطوب، ومفيش منه خطوره
وطريقة علاجهم نفس طريقة علاج الشرخ اللي فات.

* طريقة أخري لمعالجة شروخ المباني :
1- يتم تفتيح الشرخ على هيئة حرف V وتزال جميع أجزاء المباني المفككة.
2- ينظف السطح الداخلى للشرخ بالهواء المضغوط ويرطب بالمياه.
3- يدهن السطح الداخلى بروبة الإيبوند65.
4- يملأ الشرخ بمونه كونفيس 2إف.

- وتوجد شروخ الإنكماش :
يحدث هذا الشرخ بين الأبواب والنوافذ و بين الحائط التابع لها و هذا الشرخ من أكثر الشروخ المتواجدة في العديد من المنازل.

- وشروخ التمدد :
وهذا الشرخ يتوسط عند الفاصل بين العناصر الخرسانية و المباني الطوب كالكمرات و الأعمدة و هذا الشرخ غالباً يكون في وجهات المباني التي تتعرض كثيراً للشمس.

أسبابها :
- الأنفصال في المباني يعد هذا السبب من أكبر الأسباب التي تؤدي لحدوث الشروخ في الحوائط حيث أننا نجد أن الشروخ تتمحور حول أركان النوافذ و الأبواب و تكون تلك الشروخ دقيقة جداً و تنتج تلك الشروخ بسبب ترييحات المباني بعد تنفيذها.

- الإنزلاق أو الهبوط الطبيعي للمبنى إذا كان المبنى حديث الإنشاء و نفذ بدقة عالية حتي لكن حدثت عوامل أدت الي ترييح المبنى مما أدى إلي هبوط الخرسانات و البياض فسوف ينتج عن هذا شروخ فى طبقات البياض.

- التعديلات التي تتم في الحوائط من أعمال كهربائية و صحية يتم تنفيذها قد تؤدي الي حدوث العديد من التصدعات والشروخ.

- كيفية معالجة تلك الشروخ :
* يتم تفريغ الشروخ بواسطة ما يسمى بسكين المعجون حيث يتراوح سمك هذه الشروخ من 2 الي 3 ملليمتر.
* يتم إستخدام معجونة الشروخ وتوضع على الشرخ بعد تنظيفه.
* يتم ترك المعجون نصف يوم علي الأقل حتى يجف ثم يتم عمل صنفرة للمنطقة المشروخة حتى تتساوى مع السطح و تتم هذه الخطوة عدة مرات للحصول على النتيجة المرجوة.
* يتم دهان الحوائط ثانياً بإستخدام دهانات التشطيب.


#لاندسكيب

خلصت معانا او مع غيرنا تشطيب الفيلا بتاعتك وبتدور على شركه تانيه تعملك اللاندسكيب وشغل الآوت دور!!؟ احنا مكلمين معاك من ...
01/10/2025

خلصت معانا او مع غيرنا تشطيب الفيلا بتاعتك وبتدور على شركه تانيه تعملك اللاندسكيب وشغل الآوت دور!!؟
احنا مكلمين معاك من خلال قسم الزراعه والري تحت اشرف افضل المهندسين بالشركه وتقديم خدمة جيده وكمان صيانه مجانيه للاعمال بعد مانخلص
المعاينه مجانيه
استشارات مجانيه
راسلنا من خلال الصفحه او زوروا موقعنا للاستفسار او كلمونا هاتفيا او واتس على رقم : 01019811488


#تشطيبات
#لاندسكيب

01/10/2025

تعالي أقولك على شوية مصطلحات وتعريفها في مجال المقاولات عموما☺️😉

الأدية: الجهة الصغيرة من الطوبة (12 سم * 6 سم)
• الشناوي: الجهة الطويلة من الحائط (25 سم * 6 سم)
• المدماك: تطلق على أي صف أفقي من الطوب
• الكنيزر: هو ربع طوبة يوضع في بداية المدماك في الحوائط سمك 25 سم لقطع الحل
• اللحامات: هي المونة بين الطوب
• المرقد: هو اللحام الأفقي
• العرموس: هو اللحام الرأسي
• الترويسة: أول وآخر طوبة في المدماك
• مسافة الطية: المسافة الأفقية المحصورة بين عرموسين رأسيين في مدماكين متتالين
• مدماك الأد: هو أول مدماك من أسفل الحائط
• وش الحائط: الجهة التي يقف بها الصنايعي أثناء بناء الحائط و يكون الحائط أكثر استواءاً من هذه الجهة
• ظهر الحائط: الجهة المعاكسة للجهة التي يقف بها الصنايعي أثناء بناء الحائط و تكون جودتها أقل من وش الحائط
• تشحيط الحائط: هو وضع خوابير خشبيه بين آخر مدماك في الحائط من أعلى و بين الكمرة أو البلاطة و يتم ملئ الفراغ بين الحائط و الخرسانة بكسر الطوب و المونة
• التزهير: هو ظهور أملاح على الحائط بسبب عدم رش الطوب و المباني بالمياة
• الخيط طاعن: عندما يكون الخيط المشدود ملامس لطوبة من الطوب
• الكتف: هو الحائط الصغير بطول أقل من 1 متر
• القاطوع: الحوائط الصغيرة التي تستخدم للفصل بين الفراغات
• المحاكية: هي الجزء من الحائط المجاور لفتحات الأبواب و تكون بطول 25 سم أو 12 سم
• السلاح: هي أجزاء صغيرة من المباني تكون متعامدة على الحوائط لغرض معماري معين مثل تركيب القرميد على الأسطح
• قلب اليد: تطلق على حوائط الواجهات عندما يكون الصنايعي واقفاً داخل المبنى و يريد جعل وش الحائط من جهة الخارج فيسمى (شغل قلب يد)
• العتب: كمرة خرسانية توضع أعلى فتحات الأبواب و الشبابيك لتحمل وزن المباني فوقها، و يجب أن تكون مرتكزة على الحائط من الجهتين بمسافة كافية و يكون سمكها و تسليحها مناسبين لحمل وزن الطوب
• الساعي: هو خيط يقوم البنا بشده على بدايات و نهايات الحوائط و الفتحات لضبط رأسيتها و يجب أن يكون خيط الساعي موزون تماماً
• طرف الرباط: فتحات يتم تركها ببعض الحوائط للربط مع حائط عمودي عليها
• المفاتيح: تطلق على طوب الربط بين الحوائط المتعامدة
• كانة الربط: زاوية من الصلب المجلفن على شكل حرف L تستخدم للربط بين الحوائط المبنية من الطوب و الأعمدة الخرسانية و يتم تثبيتها في الأعمدة بمسدس الطلقات
• أشاير الربط: قطعة من سيخ حديد 8 مم يتم تزريعها بالأعمدة لربطها مع المباني
• مسدس الطلقات: مسدس يستخدم في تثبيت كانات الربط بالأعمدة الخرسانية
• تملية الحائط: أي ملئ الفراغات بين الطوب جيداً بالمونة من الجهتين
• تكحيل العراميس: هو إزالة المونة البارزة من اللحامات بين الطوب باستخدام قطعة من الخشب أو خرطوم كهرباء و يجب تكحيل العراميس قبل جفاف المونه
• حل الرباط: عندما يكون أكثر من عرموس رأسي لمداميك متتالية متصلة مما يسبب شروخ في الحائط
• الدروة: هي سور السطح أو البلكونة
• الطبانة: هي الجزء العلوي من الدروة
• الجلسة: هي المباني أسفل الشباك
• المصطبة: هي مباني يتم تشكيلها على هيئة كنبة في التراسات أو الروف
• السوكة: هي حافة أي حائط عند الزاوية القائمة
• حائط طوبة: حائط بسمك 25 سم
• حائط نص طوبة: حائط بسمك 12 سم
• الشنايش: فتحات يتم تركها


#تشطيبات
#لاندسكيب

30/09/2025

✌شطب شقتك بالكامل واستلمها جاهزة علي الفرش بأنظمة مختلفة.
( Cost plus : نسبة اشراف )
(Package: مقايسات متكاملة المواصفات في التنفيذ )
👷فريق عمل متكامل في التصميم 2D/3D

- ابعتلنا مساحة شقتك او فيلتك في رسالة وهنبعتلك العرض المناسب لشقتك 📩 و المعاينة مجانية بدون اي رسوم
ابعتلنا رساله من خلال الصفحه او زوروا موقعنا
وكلمنا علي 📞
- هاتفيا / واتساب : 01019811488 📱

30/09/2025

لو شايف ان تكلفة التشطيب عاليه عليك وفي نفس الوقت نفسك تشطب ومش عارف تعمل ايه!!؟
تعالي اقولك ازاي توفر ١٠٠ألف جنيه وانت بتشطب وحدتك 😉 بشكل كويس وخامات معتمده 👌👌

_ مواسير التغذيه تكون مودرن ثيرم او ايجيبت ثيرم بديل BR ومواسير الصرف تكون الشريف
_ قاعده عاديه بالحمام بديل المعلقه وتكون شكلها مودرن
_ خلاطات عاديه بديل الدفن وتكون شكلها شيك
_ بيبه عاديه وغطيها سيراميك بدل بيبه كاسيل
_ توزيع برايز الكهرباء بناءا على الفرش فقط بدون كثره
_ تقليل مفاتيح الديفيتير لاستهلاكها سلك كتير
_ محاره دراع فقط بدون تأكيس وتربيع

ولو عايز توفر تاني وتتابع بنفسك كل حاجه هتتعمل علشان تبقى متطمن!
تواصل معانا على الصفحه او ممكن تزور موقعنا 😊
استشارتك مجانيه
وشغلك معانا بأعلى جوده وأفضل نسبة إشراف👌

23/07/2025

خلي بالك

مرحلة التأسيس أهم مرحلة في تشطيب بيتك
متبخلش عليها

كل ماهو مدفون تصليحه بالغالي

سباكه _ كهرباء _ تكييف


معاك من الألف للياء👌

12/04/2025

لو بتدور على شركه للتشطيب الداخلي لبيتك. وشركه تانيه لتنفيذ أعمال التصميم والتشطيب الخارجي للواجهه. وتالته لتنفيذ أعمال اللاندسكيب بالجنينه. ورابعه لاعمال العزل بالرووف. وخامسه لأعمال الهارد سكيب والبرجولات😊
شركة كرمه بتقولك متدورش على كل دول وتشغل بالك علشان تبدأ
معانا تقدر تريح بالك وتستلم بيتك من الألف للياء من خلال التعاقد معانا لتنفيذ كل البنود دي 👌😉

شركة #كرمه معاك من
متنساش تسأل عن أعمال لحماية بيتك من الخارج من أي اختراق مياه ممكن يأثر على الأساسات والحوائط 👊

12/04/2025

لو بتفكر تبدأ تشطيب شقتك, أهم حاجه تبدأ بيها هي تأسيس الكهرباء والسباكة بشكل إحترافي.

التأسيس الصح هو اللي بيضمنلك راحة سنين قدام.

#مقاولات

Address

District 11, 1st Avenue, Building 23
Giza
12588

Opening Hours

Monday 8am - 4pm
Tuesday 8am - 4pm
Wednesday 8am - 4pm
Thursday 8am - 4pm
Saturday 8am - 4pm
Sunday 8am - 4pm

Telephone

+201006958135

Website

Alerts

Be the first to know and let us send you an email when Carma Contracting posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Carma Contracting:

Shortcuts

Share

Category