https://engmohamada1999.wixsite.com/mohamedhamadaali

Mohamed Hamada Design Excel_Sheets, Sohag (2026)

06/04/2024

#رمصان كريم وكل عام وانتم بخير ❤❤

زي ما وعدتكم اني هنزل شيت اكسل مهم لحسابات ال Punching Shear بشكل دقيق زي برنامج ال SAFE
الطريقة دي هتلاقيها موجوده في الكود الأمريكي وكذلك الكود المصري البند رقم
7-5-2-6 الخاص بنقل العزوم السالبة من البلاطة الي العمود

Check Punching Shear_Exact Method (ECP-203)
-------------------------------------------------------------
طبعا زي ما وضحت في بست قبل كده برنامج ال SAFE لا غني عنه في حسابات ال Punch لأنك مش هتمسك كل عمود وتعمل تشيك عليه مانيول هتاخد وقت

في حالات برنامج ال SAFE بيحسب الاجهادات بشكل خاطي او مش بيحسبها أصلا
امثله علي ذلك :
1- في حالة الاعمده بجوارها فتحات كبيره مثل فتحه المنور O.T.S البرنامج بيعبتر العمود Interior بالرغم ممكن يكون بسبب الفتحه دي يكون Edge column

2- في حالة حوائط القص برنامج ال SAFE مش بيحسب ليها ال Punch مع انه بيكون الحائط أوقات مش مسيف Punch نتيجة العزوم المنقوله ليه من البلاطة

طبعا تقدر تستخدم الشيت في كل الحالات سواء كان العمود Interior or Edge or Corner ولكن انا ذاكرت فوق الحالات الي برنامج السيف مش بيحسبها صح زي ما هو موضح في الصور تحت
--------------------------------------------------------
الخطوات :
اول حاجة بتجيب الحمل الرأسي و العزوم M2 and M3 عند ال Top بتاع العمود وده تقدر تجيبه بسهوله لو شغال علي اصدار حديث من ال SAFE V20 اما لو شغال علي اصدار قديم زي SAFE v16 تقدر تجيب العزوم و الاحمال دي عند ال Top من Tables

تروح علي الشيت وتوصف مكان العمود زي ما وضحت في بوست سابق بسهوله وتدخل الاحمال

ملحوظة :
في حالة حوائط القص للأسف تقدرش تظهر ال Forces عند ال Top
لكن بيتم حسابها بسهوله طبعا

أولا بتحدد ال Shear wall دي وتروح علي ال Display -->Analysis results -->Joint Output--> Reactions ---> Integrated wall Reaction

وتختار حالة التحميل وتجيب منها FX & Fy & Fz & Mx & My
وتروح علي الشيت اكسل هتلاقي فيه جدول صغير تدخل فيه الاحمال دي بالاشاره بتاعتها وكذلك ارتفاع الحائط وهو هيحسب ال M2 & M3 & P

هتلاقي مقارنه تحب بين برنامج السيف و الحل المانيول
-----------------------------------------------------------
والسلام عليكم ورحمة الله
شارك في الخير
الي مهتم بالشيت سيب كومنت وهيتبعت تلقائي ان شاء الله في اقرب وقت
وجزاكم الله خيرا

18/03/2024

#رمصان كريم وكل عام وانتم بخير ❤❤

مرت سنة علي اخر تفاعل لي علي الصفحة وبما إننا في شهر كريم فحابب ارجع التفاعل ده واستمر في تنزيل شيتات اكسل قوية ان شاء الله تعجبكم 💪❤
---------------------------------------------
اول شيت معانا هو شيت خاص بال Check القص الثاقب "Punching Shear"
Check Punching Shear Approximate Method (ECP-203)

طبعا برنامج ال SAFE لا غني عنه في الموضوع ده ولكن للأسف لا يوجد الكود المصري في البرنامج "لذلك في بعض المهندسين ومن ضمنهم انا بتتحايل علي البرنامج في النقطه دي ولكن مش دايما بتكون الطريقه الصح" و في بعض المهندسين بتتجه لموضوع الشيتات وتستخدمها
سواء انت متبع أي مدرسة فيهم ففي سيناريو محدد انت تقدرش تستخدم فيه البرنامج SAFE والشركة نفسها بتقول كده الا وهي "في حالة وجود فتحات كبيره بجوار العمود للأسف البرنامج بيبهدل الدنيا في الموضوع ده" لذلك الشركة بتنصح انك تقسم البلاطه بحيث تستخدمش خاصية ال Opening عند رسم البلاطات

لذلك الشيت ده معمول خصيصا عشان يحل المشكله دي وتستخدمه عشان تعمل ال Check وطبعا الشيت تقدر تستخدمه في أي حاله زي ما هتعرف دلوقت
---------------------------------------------
طبعا زي ما معودكم ان شاء الله كل الشيتات بتكون فيه مميزات مش هتلاقيها في أي شيت قبل كده
ومن مميزات الشيت ده انك تقدر توصف ال location بتاع العمود بشكل دقيق جدا زي برامج التحليل وحساب المحيط الحرج في اي حاله للعمود

الشيت بيطلب منك
1- ال Location بتاع العمود هل هو عمود Interior ولا Edge ولا Corner ولو هو Edge or Corner هيطلب منك المسافة من وش العمود لنهايه الحافة بتاعة البلاطه او الفتحه الكبيره
القيمة لو دخلتها بالسالب معناه انه البلاطه للداخل وجزء فقط من العمود هو الي شايل البلاطه
لو القيمه بالموجب الشيت هيحدد اذا كان العمود Interior ولا فعلا Edge وده بناءا علي القيمه التالية الماخوذه من احد المراجع
C/2 + d
حيث C هو عرض العمود الموازي للحافة وd هو العمق الفعال للبلاطة
لو القيمه الي انت مدخلها اكبر من الناتجه من المعادله يعتبر العمود داخلي

في حالة وجود فتحات صغيره بالقرب من المعمود تقدر تاخد تاثيرها بانك تحط قيمه ineffective length لو وقفت علي الخلية بتعتها هتلاقي توضيح للنقطه دي

2- بيطلب الحمل الي شايلة العمود من البلاطه لو انت شغال علي اصدار حديث من برنامج SAFE V 20 او اعلي تقدر تجيب القيمه ال Axial Force عند ال Top of column
وتدخله قيمه ال Live load , Super dead Load الي موجود علي البلاطه ولو حطيت القيم دي بصفر كده الشيت هياخد ال Pu ويحسب بيها

وطبعا الشيت بعد كده هيحدد اذا كان العمود Safe ولا لا
---------------------------------------------
تاني ميزه في الشيت انك ممكن يحسب ليك حديد الكانات الي تقدر تستخدمه في حالة اذا كان Unsafe طبقا لاشتراطات الكود المصري
بيحسب مسافة التوزيع الكليه الي محتاجة حديد كانات
وعدد افرع الكانت حول العمود

طبعا تقدر تستخدم الشيت في حالة ال Drop panel لكن هتستخدم مرتين
مره تحط ابعاد العمود وسمك ال Drop كله
ومره ابعاد ال drop لكن تحط سمك البلاطة فقط

في الأول والأخر الشيت ده ليس الا اداه تستخدمها للتسهيل يجب ان تكون فاهم الخطوات manual
---------------------------------------------

للأسف الشيت ده مش بياخد تاثير العزوم بشكل دقيق زي برنامج ال SAFE
لو لقيت البوست ده عليه تفاعل كبير هنزل ان شاء الله شيت مهم جدا جدا بستخدمه شخصيا في حاله الحسابات الدقيقه للقص الثاقب(بياخد تاثير العزوم) بشكل دقيق زي برنامج ال SAFE مش هتلاقي حاجه زيها متوفره قبل كده
---------------------------------------------
رابط ال Sheet Excel
https://www.mediafire.com/file/xempkuk1fpdfffa/Check_Punching_Shear_Approximate_Method_%2528ECP-203%2529.rar/file

22/04/2023

لتحميل الاكسل شيت ادخل الصفحه إلي ناشره البوست واكتب تم في التعليقات
------------------------
شرح الاكسل شيت
أول حاجه بتختارها هي نوع البلاطه إلي هتصممها إذا كانت Solid و Flat.
ال solid دا مقصود بيه أي بلاطه فيها حديد من جهه وحده فقط أما ال flat دا مقصود إنه الحديد موجود في جهتين.
لإنه دا هيفرق في حساب اقصي مومنت يستحمله القطاع

ثانيا بدخل سمك البلاطه وال cover و Fcu و Fy

ثالثا بنبداء نحسب قيمه المومنت bottom mesh السفلي ve+
بندخل عدد اسياخ الشبكه السفليه في المتر
والبرنامج بيحسب قيمه المومنت المكافئ باستخدام First Principal Method

وكذلك بيحسب قيمه اقصي عزم يقدر يستحمله القطاع
وده بيعتمد علي إبعاد القطاع و (عدد الاسياخ الشبكه العلويه top mesh) في حاله ال flat slab
لو زادت قيمه أي مومنت موجود علي البلاطه عن Mu max كده البلاطه unsafe ولازم تزود سمك البلاطه أو في حاله ال flat slab تقدر تزود عدد الاسياخ الشبكه العلويه
رابعا بندخل قيمه المومنت إلي مطلعه من البرنامج Mu الواقع علي البلاطه عشان احسب الحديد الإضافي السفلي
وده الاكسل شيت بيحسبها بطريقه C1-J زي الحل المانيول بالظبط
وتدخله قطر السيخ وهو هيطلع عدد الاسياخ الاضافيه

في option علي جنب كده في اليمين بيخليك تختار إذا كنت عاوز تاخد Madd= Mu - Mmesh ولا Madd= Mu
وده بستخدمه لما يكون القطر المستخدم في التسليح الشبكه أصغر من القطر المستخدم في حساب الحديد الإضافي
بمعني لو استخدمت T12 في الشبكه و الإضافي T18 فبخلي الحديد T18 يشيل المومنت كله

آخر حاجه بحسب قيمه المومنت العلوي top mesh (-ve) بنفس الطريقه
في الاخر هتلاقي شكل بسيط بيوضح شكل توزيع الاسياخ

17/04/2023

تكملة للاكسل شيت الي وعدتكم بيها

اكسل شيت محترم في تصميم قواعد الجار Design Of Strap Beam Footing ECP 202
----------------------
من مميزات الاكسل شيت ده
بيحسب ابعاد القاعده الداخلية و الجار وبيحدد ليك ايه الافضل سواء هتستخدم strap beam ولا combined footing

لو اقترح تصميمها قاعده مشتركه تقدر تحمل الاكسل الخاص بتصميم القواعد المشتركه علي الصفحه

كمان بيرسم ال Exact Bending Moment and Shear force diagram for strab beam
بعدها يعمل تصميم ليها ويطلع حديد التسليح وبيعمل check لل shear ويحدد اذا كنت هتستخدم كانات ولا حديد مكسح ويحسب العدد

----------------------
شرح الاكسل شيت

بتدخله اجهاد التربه qnet all و fcu و fy و fy stirrups
بتدخله كمان ال spacing بين الاعمده وابعاد القطاعات بتاعه العمود
وتدخله الحمل ultimate بتاع العمود وهو هيحسب ال working بناءا علي النسبه الي مدخلها ليه
وبتفرض سمك للقواعد مبدئي وهو هيعمل check عليه

اهم حاجه تدخلها هي ال Eccentricity (e)
اما تدخلها مانيول او تدوس علي خليها هتلاقي ظهرت ليك list اختار القيمه الي حسبها عليك هو "تقدر تراجع شرح الدكتور ياسر الليثي عشان تفهم النقطه دي "

هتلاقيه رسم شكل القاعده تقدر تغير ال scale عشان تصغر الرسمه لو كبيره

المثال المحلول تحت تقدر تراجع عليه من pdf الدكتور ياسر الليثي
----------------------
شارك في الخير
ياريت rating للصفحه او التفاعل علي المنشور وعمل مشاركه في جروبات خاصه بالهندسه عشان تظهر عند ناس اكتر ويستفيد منها ان شاء الله

----------------------

رابط الاكسل شيت

https://www.mediafire.com/file/nmu7qwar61mw811/Design_Of_Strap_Beam_Footing.xlsb/file

12/04/2023

اكسل شيت من العيار الثقيل الي مش هتلاقي زيه ان شاء الله متوفر قبل كده

تصميم القطاعات طبقاً للكود المصري Design Of Section (ECP 203-2020)
وده عباره عن اكسل شيت بيصمم القطاعات المعرضه ل
Pure Compression (Pu)
Pure Moment (Mu)
Pu + Mu
بالاضافه الي ال Interaction Diagram المرسومه باستخدام ال Dynamic Charts فمش هتحتاج خلاص تدخل مساعدات التصميم عشانها
------------------------------------
شرح الاكسل شيت
اكسل شيت مكون من 3 spreed sheets
اول واحد والي هو Design of Section
دا بدخل في ابعاد القطاع و fcu , fy
وبدخل الاحمال Pu and Mu اي قيمه فيهم بصفر حطها بصفر في الشيت
ومنها بيحسب ليك قيمه ex (Ecc.) و K ويقارنهم بال Min ويحدد ليك ال Case بتاعتك

وكذلك نوع الانهيار الي هيحصل Tension or Compression
وبيحدد الحاله الي عندك اذا كان pure compression ولا Pure Moment
ولا Big Eccentricity ولا Small Eccentricity

طبعا في حاله اذا كانت Pure Moment or Big Ecce فبتصمم القطاع As Beam
هتلاقي حسب ليك مساحه الحديد وعدد الاسياخ الجانبيه من تحت
وبالطبع تقدر تشوف تفاصيل اكتر عن خطوات التصميم في اخر شيت الي اسمه Design section As Beam

اما اذا كان القطاع Pure compression فبيحدد ليك مباشره عدد الاسايخ

اما اذا كان القطاع Small Ecc فهتروح للشيت الثاني الي اسمه INTERACTION DIAGRAM
هتلاقي فوق حدد ليك اذا كان الحديد موزع بانتظام Uniform Distributed ولا موزع علي جهتين فقط Distributed on 2 face only وده طبعا بيحدده الشيت علي حسب قيمه ال e المحسوبه وتقدر ترجع لشرح الدكتور ياسر الليثي عشان تفهم اكتر الجزئيه دي

طبعا بطلع من الcharts قيمه ال ρ
وتنساش تحط قيمه α في حاله اذا كان الحديد في جهتين فقط

بعد كده ترجع للشيت Design of Section عشان تشوف قيمه الحديد وتحسب عدد الاسايخ
--------------------------------
شارك في الخير

رابط الملف

https://www.mediafire.com/file/6d4xpb3lb1l6lep/Design_of_Sections_%2528ECP-203%2529.xlsb/file

03/04/2023

Powerful Excel Sheet for Design of Beams According to (ACI 318-19) Code
------------------
ده عباره عن اكسل شيت مكون من 2 spreed sheets

اول واحد ده بيعمل تصميم للقطاعات ال R-sec سواء Double or Single RFT وكمان بيصمم قطاعات الT and L Sec. وده تقدر تغيره من الخليه اعلي الصفحه

بالنسبه اذا كان القطاع Single او Double ده بيحدده الاكسل نفسه علي حسب قيمه المومنت الي بتحطها

"لو لقيته كاتب في خليه Type of RFT : You have To Increas Dim" كده لازم تغير ابعاد القطاع

بالنسبة لل Check Ductilite اتاكد انه القطاع Ductile

كمان الاكسل بيصمم Shear و Torsion
ممكن تستخدم اكثر من قطر للتسليح القص بس لازم تزود عدد الافرع بتاعه الكانات
-----------------
شارك في الخير
-----------------
رابط الملف

https://www.mediafire.com/file/imzqggw3zylgpw9/Design+Of+Beams+(ACI-318).xlsb/file

01/04/2023

اكسل شيت حصري وقوي في تصميمم القواعد المشتركه (combined Footing) بالكود المصري ودي تكمله للاكسل الشيت الي وعدتكم بيها ان شاء الله
-----------------------------
من اهم مميزات ال Excel sheet ده انه بيرسم ال Excact Bending moment and shear force بستخدام ال dynamic charts
غير انه كل الرسومات الموجدود فيه مرسومه برضو بستخدام ال dynamic charts علشان تكون كل حاجه موضحه قدامك ومتخيل شكل القاعده يكون ازاي
طبعا بتدخله ال SCALE بتاع الرسمه
-----------------------------
ملحوظه : في الصور الي تحت دا حل للامثله الموجوده في pdf الدكتور ياسر الليثي باستخدام الاكسل شيت
-----------------------------
شارك في الخير
"الدال علي الخير كفاعله."
-----------------------------
رابط الملف

https://www.mediafire.com/file/s9bi677zdjnhkcl/Design+Of+Combined+Footing.xlsb/file

29/03/2023

أكسل شيت حصري لتصميم القواعد المنفصله بالكود المصري
ذي ما وعدتكم ان شاء الله مش هتلاقيه زيه في الكورسات المدفوعه
---------------
ده عباره عن اكسل شيت بيصمم القواعد الي عليها
Pu
Pu + Permanent Moment (Mx +My)
Pu + Reversible Moment (Mx or My)+ Eccentricity (ex or ey)
---------------
شرح الاكسل شيت
ده بيتكون من 2 spreed sheet

الاول ده بيعمل تصميم للقواعد الي تحتها بيكون الاجهادات Uniform
Pu + Permanent Moment (Mx +My)
بيحسب ابعاد القاعده بطريقه ال working stress
وبعدها بيعمل كل ال checks وبيحسب كمية الحديد المطلوبه
---------------
الثاني ده بيعمل تصميم للقواعد الي تحتها بيكون الاجهادات Non-Uniform
Pu + Reversible Moment (Mx or My)+ Eccentricity (ex or ey)
بتديله ابعاد القاعده "ممكن تحسبها باستخدام الشيت الاول بس تزود قيمه الحمل شويه "
وهو يعمل ال checks بتاعه التربه سواء اذا كانت
Uniform or Non Uniform
وبعدها بيعمل كل ال checks وبيحسب كمية الحديد المطلوبه

--------------
#شير في الخير
حاول تشير البوست في جروبات الخاصه بالطلبه او الكليات حتي الكل يستفيد
--------------
رابط الملف
https://www.mediafire.com/file/kg9862w9ax44oep/Design_Of_Isolated_Footing_%2528ECP-202%2529.xlsb/file

27/03/2023

شرح سريع لل Excel Sheet الخاص بتصميم الكمرات طبقا للكود المصري

1- لازم تتاكد انك مفعل ال Iterative في الاكسل نفسه
تروح علي File ----> Options ----> Formulas
هتلاقي خيار اسمه Enable Iterative في الغالب هتلاقيه متفعل تلقائي لكن اتاكد برضو لان اغلب الاكسل شيتس الي هتنزل فيها iterations

2- بالنسبه للاكسل الاول Design Of Beams

ده بيعمل تصميم للقطاعات ال R-sec سواء Double or Single RFT وكمان بيصمم قطاعات الT and L Sec. وده تقدر تغيره من الخليه اعلي الصفحه

بالنسبه اذا كان القطاع Single او Double ده بيحدده الاكسل نفسه علي حسب قيمه المومنت الي بتحطها
"لو لقيته كاتب في خليه Type of RFT : You have To Increas Dim" كده لازم تغير ابعاد القطاع
بالنسبة لل Check Ductilite اتاكد انه القطاع Ductile لو كان Britle كده لازم تعمله Analysis وده هيكون موجود في اخر اكسل هشرحه

كمان الاكسل بيصمم Shear و Torsion
سواء حديد مكسح او كانات وده الي هيحدده ليك الاكسل
ممكن تستخدم اكثر من قطر للتسليح القص بس لازم تزود عدد الافرع بتاعه الكانات

3- بالنسبه لل الاكسل Design Of Beam Cal(1) ده calculation sheet تقدر تحطها في ال nota

4- بالنسبه للاكسل شيت الاخير ده بقي بيعمل تحليل للقطاع ب First Principal Method ويحسب قيمه المومنت المكافئ للقطاع سواء كان R or T or L sec
في طبعا ممكن تحط اكثر من قطر في التسليح "Add. Bottom RFT"
اتاكد من تحت انه القيمه الي طالعه Safe
لو كانت Unsafe ارجع فوق وشوف السبب ايه هتلاقي القيمه الي فيها مشكله مكتوبه باللون الاحمر

"في الاخير لازم تكون فاهم اساسيات التصميم وده ما هو الا اداه مساعده ليك "
شارك في الخير وابعته لصاحبك او زميلك
"الدال على الخير كفاعله"

26/03/2023

اكسل شيت لتصميم قطاعات الكمرات طبقاً للكود المصري ECP 203-2020

بيعمل تصميمم بطريقه ال C1-J

وتحليل بطريقه ال First Principles Method

-----------------

ده عباره عن اكسل شيت مكون من 3 spreed sheets

اول واحد ده ده بيعمل تصميم للقطاعات ال R-sec سواء Double or Single RFT وكمان بيصمم قطاعات الT and L Sec. وده تقدر تغيره من الخليه اعلي الصفحه

بالنسبه اذا كان القطاع Single او Double ده بيحدده الاكسل نفسه علي حسب قيمه المومنت الي بتحطها

"لو لقيته كاتب في خليه Type of RFT : You have To Increas Dim" كده لازم تغير ابعاد القطاع

بالنسبة لل Check Ductilite اتاكد انه القطاع Ductile لو كان Britle كده لازم تعمله Analysis وده هيكون موجود في اخر اكسل

كمان الاكسل بيصمم Shear و Torsion

سواء حديد مكسح او كانات وده الي هيحدده ليك الاكسل

ممكن تستخدم اكثر من قطر للتسليح القص بس لازم تزود عدد الافرع بتاعه الكانات

-----------------

بالنسبة لل spreed sheet الثاني

ده عباره عن calculation sheet تقدر تحطها في Nota

-----------------

بالنسبه للاكسل شيت الاخير ده بقي بيعمل تحليل للقطاع ب First Principal Method ويحسب قيمه المومنت المكافئ للقطاع سواء كان R or T or L sec

في طبعا ممكن تحط اكثر من قطر في التسليح "Add. Bottom RFT"

كمان بيحسب قيمه اقصي shear الي يقدر يتحمله القطاع

وبيحسب قيمه اقصي Torsion الي يقدر يتحمله القطاع

وبيحسب كمان اذا كان القطاع safe ولا unsafe في تحمل ال Shear Force and Torsion

وده علي حسب القيمه الي هتدخلها ليه في

بمعني لو عاوز تعمل check for shear only يبق تخلي قيمه ال torsion في الخليه بصفر

والعكس بالنسبه للتورشن

اما لو عاوز تعمل check for shear and torsion يبق تحط قيمه للshear force and Torsion moment

اتاكد من تحت انه القيمه الي طالعه Safe

لو كانت Unsafe ارجع فوق وشوف السبب ايه هتلاقي القيمه الي فيها مشكله مكتوبه باللون الاحمر

-----------------

"في الاخير لازم تكون فاهم اساسيات التصميم وده ما هو الا اداه مساعده ليك "

شارك في الخير

"الدال على الخير كفاعله"

-----------------

رابط الملف

https://www.mediafire.com/file/eidu3qmy6pvc8e8/Design_Of_Beams_%2528ECP-203%2529.XLSB/file

26/03/2023

#رمضان كريم
#كل عام وانتم بخير
بمناسبة رمضان تم إنشاء هذه الصفحة لخدمة المهندسين الإنشائيين والطلاب من خلال توفير أدوات مساعدة( Dynamic Excel sheets) في تصميم العناصر الخرسانية و المعدنية وحساب الأحمال الناتجة عن الرياح والزلازل على المباني سواء بالكود المصري او الامريكي.

الادوات دي هتكون ان شاء الله قويه جدا مش هتلاقيها متوفره قبل كده علي النت ولا حته هتلاقي زيها في الكورسات المدفوعه ان شاء الله لان اغلب الشيتات مش بتعمل كل الChecks الموجوده في الكود
لكن في الادوات الي هيتم نشرها ان شاء الله بتعمل كل ده وهتلاقي Dynamic charts مش هتحتاج ان شاء الله تدخل لمساعدات التصميم علشان تطلع قيم
دي بعض الاكسل شيت هتلاقيها في الصور تحت هيتم نشرها الفتره دي
ولو محتاج اي اكسل شيت اكتب في الكومنتات وان شاء الله هحاول اوفرها

هذه الصفحه شخصيه ولا تتضمن أي أهداف تجارية أو ربحية.وهي الصفحة الرسمية الوحيدة التي تقوم بنشر أدوات التصميم الخاصة للمهندس محمد حماده علي

"من دل على خير فله مثل أجر فاعله."

Mohamed Hamada Design Excel_Sheets

06/04/2024

18/03/2024

22/04/2023

17/04/2023

12/04/2023

03/04/2023

01/04/2023

29/03/2023

27/03/2023

26/03/2023

26/03/2023

Address

Website

Alerts

Shortcuts

Share

Category