05/02/2018
Buenes amigos y veceros:
Ye infinitamente triste pa mi anunciar el Zarre definitivu d’esta empresa, y conste que sólo lo faigo x responsabilidá, porque gana nun tengo nenguna...
Cuando ún funda una empresa como esta faelo pensando a llargu plazu, pensando que ún va durar siempre y al 150%, pero nun ye asina y esi foi el nuestru gran fallu (bueno, ún d’ellos), el facer a una persona imprescindible n’un proyéutu, porque si falla esa persona, falla el proyéutu..., soi culpable de nun saber delegar hasta que foi demasiao tarde, y ya nun hai remisión...
Tratamos de pasar pel seutor ufiertando les soluciones más acordes a la obra y al cliente a precios competitivos y eso foi lo que meyor ficimos pero lo menos importante, porque fuimos pioneros en “contratación n’orixen” como solución a la crisis, organizábamos el concursu de Teya Decorao, patrocinábamos deportistes, collaborábamos con asociaciones, fuimos finalistes del concursu de colocadores de Tejas Cobert un añu y Ganadores del siguiente, y qué se yo cuántes otres coses que ficimos, amás de trabayar como burrinos...
Fuimos pioneros tamién nel usu normalizáu y espardimientu de la llingua asturiana nel seutor de la construcción n’Asturies, y eso reforzó la nuestra marca, ponéi oreya los empresarios y publicistes 😉
Y hasta equí lleguemos, aguantamos cola cabeza firme y con trabayu tola crisis y los pufos que mos metieron con ella y abandonamos cuando tenemos munchu trabayu y una posición bastante cómoda en mercáu, pero la salú manda y así lo decidimos.
Namás qu’agradecer la confianza y l’apoyu toos estos años y cuntar que mos veremos n’otros sectores, n’otros proyéutos, n’otros suaños.
Gracies x tar ehí!
