Ci Zara

10/10/2025

Celebrating my 3rd year on Facebook. Thank you for your continuing support. I could never have made it without you. 🙏🤗🎉

30/11/2024

Dam reng tur kan ni bik lo a, kan la boral ve ngei dawn a, he khawvelah hian kan awm tawh dawn lo chu a ni mai a, a ni kha chu tiin kan chanchin anla sawi ve mai mai dawn chu a ni si a, ka nitin hun hman dan ka ngaihtuah hian, heng ka hun hman zawng zawng te hi ka la kalsan dawn a, awmlo ka ni mai tawh dawn a ni.

Inlarna hmu leh mitthi tho leh ten an sawi leh an fan thin Vanram hi, thi a tho leh leh inlarna hmu ve lo tan chuan rinna mai a ni a, ringlo tu tan phei chuan thih hi hlauhawm tak a ni. A taka rin tur va tawng ve lo tan phei chuan han rin ringawt hi thil harsa tak a ni.

Thih hnua thlarau hahchawlhna Vanram a awm pawh hi lo ring ta pawh ni ila, kan kalsan tur thil tam tak avang hian thih hi huphurhawm tak a ni. Piangthar tha tak tak te pawh hian an kalna tur hi an chiang viau bik angem aw? An hun tawp a lo thlen hian an hreh ve viau tho chuan ka ring.

Kan la thi anga, kan dam laia kan vûi thin leh kan ui em em thin te ang tho khan min la vûi ve dawn a ni. Chutiang a nih avang chuan heng thu hi ka dam laia ka ziah a ni a, dam ve reng a, hun lo la awm zel tur hmuh ve reng chu ka chak ve reng mai.

An duh vangin an liam ta bik a nilo a, beidawnna avanga kal ta te chu lo awm bawk mahse, hreh tak chungin he khawvel hi an chhuahsan a ni ve tho maithei a ni.

Kal ta te mangtha vek u, kan lo la kal ve ngei dawn e.

17/08/2024

17/08/2024

13/06/2024

TAXI MZ-01-N-3146

Ka nih tum (aim in life) hi Taxi pu nih hi a ni bik lova, tin, tui pipe line fit leh an ekna tur bula kun kût k*t a plumbing hna khawih pawh hi a ni leh chuang miah lo a, mi in kawmkar kil tak tak leh an hmun pawimawh kal tlang thuak thuaka an tui meter va bih dûk duk pawh hi, millionair ka nih theih nana ka thil tum a ni bik reng reng lo. Dam khaw chhuah nan tum loh lamah kan pai chawn chawn a, lungawi viau lo chungin kan tana khuanu ruatah ngaiin kan in pal hnawk chho nawk nawk a nih ber hi.

Neihthinglungkhawng keh thawt bakah pûk chawp tak meuh meuhin, a saptawng takin 'no risk no game' an tih ang kha a ni chiah em ka hre lo. Hma hun uluk taka thlir ve reng chung leh beiseina sang tak nei chungin, duat taka mi chi hrang, chi tin chi tangin an lo chul tawh Taxi verther tak mai kha kan la risk ve zuks a nih kha. Risk hi a risky tak meuh meuh a, dream a thlen dik dawn leh dawn loh a hriat miah loh a ni. Risk ro roah motor khalh te kan lo zir sil ve khanglang a, a sitiaring tuai vir map map a, ke zungpui tin tla ṭo leh ṭan, sek phiar tak maia a berake han rah hrawih a, duhna hmun taka han din tir hrawih te kha kan chak ve a lawm.

Maruti 800 hnung seat neilo leh gypsy sazu bu phur ngata zir thiam ni mah ila, mahni ngawtin ka lei ngam teuh lo a, a chinchang hria leh thiam zawk tura ka ngaih ka hruai kha ka tan a tha em em a ni. ka mithiam hruai khan ka dahna hmun tur thleng min khalh sak loh chuan, ka chapona kha a tim deuh tlat a, tluang takin mi garage kan hawh chawpah chuan, 'ka ta' tiin kan hung ve ta rawih a nih kha. Uluk taka khuhin "Bawih te, i thawk chhuak dawn, i thawk chhuak dawn" Tiin a khel a beng zeuh pah chuan, a zan khat nan kan mangtha ta phawt a.