27/01/2026
Gowtham Model School mein Republic Day 26 January 2026 ki Shandaar Taqreeb
Hyderabad:
Gowtham Model School mein 26 January 2026 ko Republic Day ki pur-waqar aur shandaar taqreeb munaqqid ki gayi. Is mauqe par God Will Organization ke President Sufi Mohammed Younus Sahab, Mr Univers Kaleeel Sahab aur Farooq Ahsaas Sahab ne mil kar qaumi parcham lehraya aur tirange ko salam pesh kiya.
Taqreeb se khitab karte hue President Sufi Mohammed Younus Sahab ne aman, bhai-chare aur ittehad ka paighaam diya aur kaha ke mulk ki taraqqi aur khushhali ke liye aman aur ekta bunyadi ahmiyat rakhte hain.
Wahin Mr Univers Kaleeel Sahab ne apne khayalat ka izhar karte hue farmaya ke “Sehat Allah ki badi nemat hai, hamein chahiye ke hum apni sehat ka poora khayal rakhein.”
Mashhoor shaair Farooq Ahsaas Sahab ne apni dil-nashin shayari se mehfil ko char chand laga diye aur apni pur-asar peshkash se hazreen ka dil jeet liya.
Is mauqe par school ki Principal Amtul Salma Aliyaa Sahiba ne tamam chief guests ka pur-joshi se isteqbal kiya aur Republic Day ki taqreeb mein shirkat par sab ka dil se shukriya ada kiya.
Yeh taqreeb qaumi jazbe, discipline aur watan se muhabbat ke paighaam ke saath ikhtitam-pazeer hui.
MRuniverse Khaleel
Mohd Farooq Ehsaas Ehsaas
