29/04/2026
കേരളത്തിൻ്റെ വിതരണ മേഖലയിലെ ട്രാൻസ്ഫോർമറുകളും ലൈനുകളും വേനൽ ആയതോടെ ഓവർലോഡിൽ ആണ് എന്നും 30% വരെ ഓവർലോഡിൽ ആകാമെന്ന് ഔദ്യോഗികമായും (?) 100% ശതമാനം വരെ ഓവർലോഡാണ് എന്നത് തള്ളായും പ്രചരിപ്പിക്കപ്പെടുന്നുണ്ട്. ഇങ്ങനെയൊക്കെ യാതൊരു സാങ്കേതികതയും നോക്കാതെ പ്രവർത്തിച്ചാൽ ഉണ്ടാകാവുന്ന തിക്തഫലം എന്ത് എന്ന് അറിയാഞ്ഞിട്ടാണോ ഇത്തരം പ്രചരണം ?🙄 KSEB യിലെ എഞ്ചിനീയർമാർ ഇത്തരം അടിസ്ഥാന കാര്യങ്ങൾ മനസ്സിലാക്കുകയും ശ്രദ്ധിക്കുകയും വേണ്ട സുരക്ഷാ നടപടികൾ എടുക്കുകയ്യം ചെയ്യുന്നില്ലേ?
BIS / BEE മാനദണങ്ങൾ അനുസരിച്ച് ഇൻഡ്യയിൽ വിതരണ ട്രാൻസ്ഫോർമറുകൾ ശരാശരി 50% മുതൽ 60% ലോഡിംഗിന് രൂപകൽപന ചെയ്തിട്ടുള്ളതാണ്.
പരമാവധി ലോഡായ ഫുർലോഡിൽ അത്യാവശ്യ സന്ദർഭങ്ങളിൽ മാത്രമേ ഉപയോഗിയ്ക്കാവൂ എന്നതാണ് മാനദണ്ഡം. ഫുൾ ലോഡിൽ ഉണ്ടാകുന്ന ട്രാൻസ്ഫോർമർ നഷ്ടം BEE ഡാറ്റാ പ്രകാരം 60% ലോഡിൽ ഉണ്ടാകുന്ന നഷ്ടത്തിൻ്റെ മുന്നിരട്ടിൽ അധികം വരും.
ഇതിനും പുറമെ വേനൽക്കാലത്ത് ട്രാൻസ്ഫോർമർ രൂപകൽപന ചെയ്തിരിക്കുന്ന ampient temperature -ന് മുകളിൽ പ്രവർത്തിക്കേണ്ടിവരുന്നതിലാൽ ട്രാൻസ്ഫോർമറുകൾ മാത്രമല്ല ലൈനുകളും കേബിളുകളും ഡി - റേറ്റ് (De-rate) ചെയ്താണ് ഉപയോഗിക്കേണ്ടത്.
ഇതിനെല്ലാം പുറമെ 110%-120% ൽ അധികമായി ലോഡ് ചെയ്താൽ ട്രാൻസ്ഫോർമർ പോലുള്ള ഉപകരണങ്ങൾക്ക് magnetic satuaration സംഭവിക്കാൻ സാദ്ധ്യതയുണ്ട്. 🙄
ഇതൊന്നും മനസ്സിലാക്കാതെയാണോ KSEBL എഞ്ചിനീയർമാർ ഈ രീതിയിൽ പറയുന്നതും പ്രവർത്തിക്കുന്നതും...😭
