27/09/2019
چۆنیەتى دروست كردنى پەرژینەكانى باخچەو پاركەكان
بەشی یەكەم
لە پێناو ئاوەدان كردنەوەى كوردستان و بە سەوزكردنى وولآتەكەمان، بۆ ئەوەى تاكى كورد خاوەنی بەهرە و هونەرى چاندنى دار و دارۆچكە و دەوەن و گوڵ بێت، پێویستە هەموومان هاوكار بین بۆ بوژاندنەوەى ووڵاتەكەمان.
لە ئەمرۆى هەرێمى كوردستان، گرنگى بەرچاو دەدرێ بە پاركەكان و باخچەكان، هەر لەم رووانگەیەوە دەمەوێ لەم باسەم تیشكێك بخەمە سەر بوون و دروست كردنى سەردەمیانەى پەرژینى باخچە و پاركەكان، جا لێرەدا یەكەم دەروازە بە پەرژین یان شورە (دیوار) دەست پێ دەكەم:
دیوارى باخچە: دیوار گرنگیەكى پێویستە بۆ خانووبەرە و باخچە، كە بۆ مانەوە و پاراستن دروست دەكرێت، بۆ دیاركردنى رووبەرى باخچەكان، دوو شێواز رەچاو دەكرێت:
یەكەمیان: دیوارى دەستكرد كە بە پاڵپشتى كەرستەى بیناسازى یە دیاركراوەكان ، كەرپووچ یان بلۆك یان كەرستەى دیكە، لە موادى دەستكرد بۆ نموونە چیمەنتۆ و ئاسن ... هتد.
لەم رووانگەیەوە شێوازى دەستكرد زاڵە، بەلآم دووەمیان كە شێوازى سروشتى یە، بەردەوام رووبەرووی شێوازى یەكەمە، لە سەرەنجام مرۆڤ شێوازى سروشتى لەلا پەسەندترە و بە دڵترە، كە بۆ پەرژینەكانى باخچەكانیان بە كاریان دەهێنن، با لێرەدا پێناسەیەكى پەرژین بكەین:
پەرژین: Hedges
بریتى یە لەو ڕووەكانەى كە دەچێندرێن بە شێوەیەكى رێك و پێك لە ریزێكى دیاركراو لە تەنیشت یەكترەوە، بە رەچاوكردنى بڕینەوە و هەڵپاچینى بەردەوام، ئەم شێوازە گونجاوترە بە رێژەیەكى كەمتر لە رووى ئابووریەوە، لە رووى تێروانین و سەیركردنەوەش جوانترە، بۆ نمونە ئەو رووەكانەى خوارەوە بۆ ئەم مەبەستە بەكاردێن:
#شمشار: Buxus sempervirens
#دەدۆنیا: Dodonaea viscosa
#بربریس: Berberis sp
#باڵووك: Cotoneaster sp
#یاسم: Ligustrum sp
#یاس: Myrtus communis
#سویا: Thuja sp
#ئەكاسیا: Acacia arabica
#گلادیشیا: Gledihia sp
د. كاردۆ نورالدین كریم
پسپۆر لە ئەندازیارى تەلارسازى پارك و باخچەكان
