Rafeyri ehf.

23/12/2025

Rafeyri óskar þér og þínum gleðilegrar hátíðar með þökkum fyrir gott samstarf á árinu sem er að líða ⚡

11/12/2025

Eitt verðugt samstarfsverkefni fengum við að glíma við nú á haustdögum. Krossinn á Grenjaðarstaðakirkju var orðinn ljóslaus og brýnt að gera bragarbót.
Lýsingarhönnuðurinn Björgvin Daði fann lausnir og Kolli kom þeim á krossinn, beggja vegna. Víkurrafsmenn settu svo krossinn upp og tengdu.
Nú er hægt að velja hvaða litur gleður þá er til sjá og bjartari tímar framundan.

23/12/2024

Rafeyri óskar þér og þínum gleðilegra jóla og farsældar á komandi ári. Í ár fögnuðum við 30 ára afmæli og þökkum við farsæl viðskipti í gegnum tíðina.

09/09/2024

Kærar þakkir fyrir gott boð og kærar þakkir fyrir förunautar!
Skálmaldartónleikarnir í Heimskautsgerðinu við Raufarhöfn munu seint ef nokkurn tímann líða okkur úr minni sem upplifðum.
Rafeyri þökkum við fyrir boð til starfsmanna og maka á tónleikana ásamt ferð og fóðri í formi drykkja og matar.
Það var ekki laust við að maður fylltist stolti að við Rafeyrarmenn eigum heiður af lýsingunni á stígnum, Björgvin Daði að lýsingahönnun og nokkrir að uppsetningu.
Það var til yndisauka að hafa samflot með Víkurrafsfólki frá Húsavík.
Skálmöld er stórkostleg grúppa og þegar svona kraftur kemur í þann magnaða stað sem Heimskautsgerðið er verða til töfrar.
Begga tók þessa frábæru mynd af stígnum.
Aðrar myndir koma úr smiðju Hannesar.

17/05/2024

Fyrirtækjamót Blakdeildar KA
Blakdeild KA efndi til fyrirtækjamóts í blaki fimmtudaginn 16. maí 2024.
9 starfsmenn Rafeyrar og ein blakstjarna frá Raftákni lögðu saman krafta sína og mættu til leiks og sýndu alskonar tilþrif.
Árangurinn var vonum framar og endaði liðið í efri hlutanum. Stuðst var við aðferðina að byrja hörmulega þannig að hitt liðið var komið með unninn leik og slakaði á og þá var kom að Einari Oddi að gefa upp og sallaði hann inn stigum. Því miður gekk þetta ekki í öllum leikjunum og því náðum við ekki alveg á toppinn. Stig mótsins var þegar Valli sparkaði boltanum í nauðvörn af afli í netstrenginn og hann lak yfir.
Elmar hjá Raftákni var keyptur til að lyfta upp standardinum og andanum hjá liðinu. Hann brást ekki væntingum og þökkum við honum fyrir liðsinnið.
Blaklið Rafeyrar.
Jón Axel, Davíð, Snævar, Valli, Einar Oddur, Hannes, Björgvin Daði, Stebbi Jóns og Bjarki Bjarnar.
Á myndina vantar blakkempuna Elmar sem við keyptum til að tryggja okkur sigur í mótinu. Áformin gengu ekki alveg eftir en við enduðum í efri hlutanum.
Begga tók myndina.

03/05/2024

Rafeyri - 30 ára
Þrír tugir eru liðnir frá því að sprækur hópur rafvirkja stofnaði Rafeyri og svo sannarlega hefur fyrirtækið vaxið og dafnað.
Í dag eru starfsmenn um 70 talsins og að auki á Rafeyri tvö dótturfyrirtæki, Rafmagnsverkstæði Andrésar á Eskifirði og Víkurraf á Húsavík, sem hvort fyrir sig er með um 10 starfsmenn.
Þeir einstaklingar sem hafa starfað á Rafeyri slaga hátt í þrjú hundruð talsins.
Styrkur Rafeyrar liggur í mannauðnum og hinum rómaða starfsanda.
Til hamingju með daginn allir Rafeyringar.

20/02/2024

Rafeyri kaupir Víkurraf
Rafeyri ehf. á Akureyri hefur fest kaup á Víkurrafi ehf. á Húsavík. Grundvallaratriði er að starfsmenn Víkurrafs þekkist boð Rafeyrar um að gerast hluthafar í Víkurrafi þannig að fyrirtækið verði áfram húsvískt. Þegar liggur fyrir að nánast allir starfsmenn munu verða eigendur þó að Rafeyri komi til með að eiga meirihlutann.
Áður hefur Rafeyri gert álíka kaup á Eskifirði þegar Rafmagnsverkstæði Andrésar ehf. var keypt og hefur það gengið farsællega.
Með kaupunum hyggst Rafeyri hafa á að skipa sterkari heild sem spannar Norðausturland og Austfirði. Rafeyri hefur þegar innan sinna raða öfluga fagmenn í tæknideild fyrirtækisins og munu þeir verða starfsmönnum Víkurrafs til fulltingis. Ætlunin er að efla starfsemina á Húsavík með fjölgun starfsmanna og stjórnunarstuðningi frá Rafeyri.
Áki Hauksson hefur verið framkvæmdastjóri Víkurrafs og mun halda því áfram enn um sinn.
Vonandi verður þetta báðum félögum til góðs sem og samfélaginu í Þingeyjarsýslum.

22/12/2023

Kæru samstarfsfélagar og viðskiptavinir,
Rafeyri óskar ykkur öllum gleðilegra jóla og farsældar á komandi ári. Þökkum viðskiptin á árinu sem er að líða.

03/11/2023

14/02/2023