TG raf ehf.

10/11/2025

31/10/2025

Creditinfo hefur birt lista yfir Framúrskarandi fyrirtæki 2025 og erum við í TG raf mjög stolt yfir því að vera eitt af 2,5% fyrirtækja landsins á þeim lista!

Þessi árangur hefst aðeins með framúrskarandi starfsfólki sem leggur sig fram við að veita faglega og trausta þjónustu til sinna viðskiptavina og á hver og einn hrós skilið fyrir vel unnin störf.

Frábær árangur og hvatning til að halda áfram á góðri vegferð!

03/09/2025

Nú í sumar bættist í okkar flotta hóp sveina þegar Marius Máni fékk afhent sveinsbréf sitt í rafvirkjun. Óskum við honum innilega til hamingju með áfangann!
Á meðfylgjandi mynd má sjá Maríus taka við gjöf frá TG raf sem meistari hans, Tómas Guðmundsson afhenti honum í tilefni áfangans.

29/04/2025

Nýverið urðu tímamót hjá þremur starfsmönnum okkar þar sem Guðrún, Hörður og Elvar fengu afhend sveinsbréf í rafvirkjun. Á meðfylgjandi myndum má sjá sveinana taka við gjöf frá TG raf sem meistari þeirra Tómas afhenti þeim nú á dögunum. Óskum við þeim innilega til hamingju með áfangann!

31/10/2024

Creditinfo hefur birt lista yfir Framúrskarandi fyrirtæki 2024 og erum við í TG raf mjög stolt yfir því að vera eitt af 2,5% fyrirtækja landsins á þeim lista!

Þessi árangur hefst aðeins með framúrskarandi starfsfólki sem leggur sig fram við að veita faglega og trausta þjónustu til sinna viðskiptavina og á hver og einn hrós skilið fyrir vel unnin störf.

Frábær árangur og hvatning til að halda áfram á góðri vegferð!

Á meðfylgjandi mynd eru Ingi Þór Reynisson, Jósef Kristinn Jósefsson, Áslaug Rós Guðmundsdóttir og Tómas Guðmundsson sem veittu viðurkenningunni móttöku.

03/10/2024

Síðustu vikur hefur hópur starfsmanna TG raf unnið að endurnýjun rafbúnaðar fyrir kæliturn við Hellisheiðarvirkjun fyrir Orku Náttúrunnar. Nýir stýristrengir hafa verið lagðir í jörðu, allt að 100m að lengd. Settir voru upp þrír ryðfríir tengiskápar við og uppi á kæliturninum ásamt lagnaleiðum. Meðfylgjandi eru myndir af búnaði og starfsmönnum sem komu að verkinu.

01/08/2024

Frá nóvember síðastliðnum hafa starfsmenn TG raf sinnt ýmsum störfum í og við Grindavík í samvinnu við Almannavarnir og aðra viðbragðsaðila, Grindavíkurbæ og fyrirtæki í bænum við varaafl, húsh*tun, neyðarviðgerðir og annað viðbragð. Verkefnin hafa á síðustu vikum þróast í viðgerðir og uppbyggingu og er sú vinna enn í fullum gangi.

Þriðjudaginn síðasta tóku forsetahjónin á móti starfsmönnum fyrirtækja sem hafa unnið að verndun innviða í og við Grindavík síðustu misseri. Starfsmenn TG raf sem hafa unnið að verkefnum í Grindavík síðustu mánuði þáðu boðið með þökkum og var við tilefnið tekin mynd með forsetahjónunum á næst síðasta degi þeirra í embætti.

18/07/2024

TG raf er löggiltur rafverktaki sem býður upp á faglega og trausta þjónustu við útgerðir, vinnslur, verksmiðjur, byggingarverktaka og önnur fyrirtæki.

02/07/2024

Eitt af þeim fjölmörgu verkefnum sem TG Raf hefur unnið að undanfarið er nýlögn í nýtt húsnæði Hertz við Flugvelli 11 í Reykjanesbæ. Um var að ræða fullnaðarfrágang á raflögnum og rafbúnaði, þar með talið vinnurafmagn, sökkulskaut og spennujöfnun, aðal- og greinatöflur, stígalagnir, DALI ljósstýringu, tengingu á lömpum, brunaviðvörunarkerfi, fjarskiptalagnakerfi og útdrátt strengja. Spennandi og fjölbreytt verkefni sem gaman er að vinna og útfæra í samvinnu við viðskiptavin.

29/04/2024

Við erum auðmjúk og hrærð yfir öllum fallegu kveðjunum sem við höfum fengið í tilefni af 20 ára afmæli okkar og þökkum þeim sem sáu sér fært að mæta og fagna með okkur.

16/04/2024

Við erum 20 ára í dag!

TG raf var stofnað 16. apríl 2004 á grunni Rafborgar ehf, eitt af elstu rafverktökum í Grindavík, og störfuðu þá 3 starfsmenn hjá félaginu. Fyrirtækið hefur þróast mikið í gegnum árin og hafa á þessum 20 árum alls 124 starfsmenn unnið hjá TG raf, en í dag eru starfsmenn TG raf 36 talsins.
Frá upphafi hefur áhersla verið lögð á fagmennsku í starfi og er menntun og þjálfun nema okkur hugleikin. Við tökum virkan þátt í þróun og þjálfun í okkar starfsstétt og hafa alls 23 rafvirkjar klárað sveinsréttindi sín undir handleiðslu og þjálfun í TG raf, en því til viðbótar eru 10 nemar í dag sem stefna á sveinspróf innan 2ja ára.

Síðustu 20 ár hafa verið viðburðarík og skemmtileg og stefnum við ótrauð áfram um ókomin ár!