Cultus ehf. meindýravarnir

17/01/2025

Já það er greinilegt að fleiri en ég verða varir við aukningu á Bedbugs. Áhugavert innskot hjá Smára Meindýraeyðir í fréttunum. Þar kemur hann einmitt inn á að mikið af eitri sem er verið að nota í slagnum við þetta kvikindi virka ekki og það er sannalega rétt. Ég notaði 4 efni um daginn á þessa óværu en ég hafið tækifæri til að taka prufu á þeim efnum sem ég hef notað. Það kom mér svo sem ekki á óvart en 1 efnið var svo til alveg gagnslaust en 1 efnið fór upp í að drepa 70%. En það verður að taka fram að ég úðaði yfir fötur þannig að efnið fór beint á dýrin. Einnig kom hann inn á að hægt væri að gera meira ógagn en gagn ef farið væri í aðgerðir án þess að vita nákvæmlega við hvað er að eiga og það er svo sannalega satt. Það eina sem ég var ekki sammála var að bitin væru í línu 3-4 minnir mig að hann hafi sagt og jú það kemur fyrir en ég tel að það sé þá eftir fleiri dýr en 1 sem hefur náð sér í skammt úr viðkomandi. Ég setti 1 á mig til að prufa og hún labbaði á mér í nokkrar sekúndur og svo stoppaði hún og dundaði sér við að sjúga skammtin úr mér. Það tók hana nærri 9 mínútur áður en hún roggaði af stað og yfirgaf matsölustaðinn. Ég tek fram að ég ætla helst ekki að endurtaka þessa tilraun því að þó ég hafi ekki fundið fyrir því á meðan hún (þetta var kvenndýr) var að fylla á tankinn þá fann ég sannalega fyrir því daginn eftir í formi kláða og bólgu. Nú og þar sem ég var alltaf fiktandi í þessu þá náttúrulega endaði ég með gott sár á hendinni sem var þó nokkurn tíma að gróa. Það er sannalega rétt að þetta er sá gestur sem maður vill alls ekki fá í heimsókn en það lagast sannalega ekki við að gera ekki neitt.

20/12/2024

Góð mynd af gráloddu, en hún nærist á plöntuleyfum og fúaspítum. Sækir oft inn í hús. Auðvelt að eitra fyrir þessu en ef eitthvað er undir gólfinu þá þarf oft að gera ráðstafanir vegna þess.

14/12/2024

21/10/2024

Það er nokkuð ljóst að veggjalúsin eða Bedbugs er heldur betur að minna á sig þessa stundina. Er stundum spurður hvernig standi á því að hún sé orðin svona algeng og oftar en ekki, spurt áður en ég get svarað, hvort það séu ekki útlendingarnir. Auðvita væri þessi óværa ekki svona algeng ef ekki kæmu til erlendir ferðamenn, flóttamenn eða aðrir af erlendum uppruna EN í miklum meirihluta þeirra dæma sem ég hef séð er ástæðan Íslenskir ferðamenn sem koma með óvæntan ferðafélaga með heim úr ferðalaginu. En er eitthvað hægt að gera til að koma í veg fyrir, eða minka líkur á að koma með kvikindið heim úr ferðalaginu? Jú það er hægt að gera helling og það getur hver sem er gert þetta svo framalega að sjónin sé ekki þeim mun verri. Fer nú í stuttu máli yfir hvað hægt er að gera til að óvelkomnir ferðafélagar þurfi að hafa verulega fyrir því að komast með okkur heim.
1. Kíkja á sauminn á undirdýnunni, best við höfðagaflinn er þar heldur hún sig mjög oft. Sjást mjög vel með berum augum. (svartar, rauðar eða gulleitar)
2. Ef merki eru um glóðbletti í koddum undir koddaverinu þá skal alltaf hafa samband við eiganda. (bæði vegna bedbugs og hreinlætis)
3. Ef hægt er þá er hægt að gera tvennt sem ætti að fá þá sem eru með mikla fælni vegna óvæntra gesta.
a. ef hægt er að færa rúmm frá vegg 3-4 cm nóg.
b. setja dobbeltape á rúmfætur þar sem það er hæg en þá fara þessi kvikindi ekki lengra.(duga meira að segja á kakkalakka sem eru svo til allsstaðar)
Takið sem minnst upp úr töskum og hafið þær á töskugrindinni. Við heimkomu er ágætis regla að taka upp úr töskunum úti og setja í þvottavélina og þvo áður en sett er í skápana. Hægt að fá sæmilegt flugnaeitur og spreyja í töskurnar áður en þær eru settar í geymslu.

Ef vart verður við þessa óværu þá ráðlegg ég aðeins 1. Hafið samband við fagmenn strax því að það er talsvert betra að eiga við þetta í einu rúmmi/herbergi heldur en heilli íbúð.

Á mynd 1 er auðvelt að sjá í saumnum hami eftir veggjalús.
Á mynd 2 er veggjalús undir dýnu í rúmmi.
3 mynd: fullorðin lús ásamt minni dýrum og hami á dýnu.

19/11/2022

Ertu í vandræðum vegna meindýra eða eru einhver óvelkomin kvikindi að trufla heimilisbúa og vilt losna við óværuna? Vertu þá í bandi og sjáum hvað er hægt að gera. Er með öll réttindi og 15 ára reynslu í meindýravörnum og eyðingu, endilega hafið samband og leitið tilboða í síma 7804481 eða sendið póst á [email protected]