Ævintýri Rúnars

Ævintýri Rúnars Ég hef ýmislegt að segja og þetta er sápuboxið mitt. Lifinu fylgja oft erfiðar áskoranir, en það má aldrei gleymast að lífið er yndislegt.

Nú er til umræðu hjá Reykjavíkurborg að leggja Mannréttindaráð niður og færa verkefni þess annað. Þar á meðal er lögbund...
01/07/2026

Nú er til umræðu hjá Reykjavíkurborg að leggja Mannréttindaráð niður og færa verkefni þess annað. Þar á meðal er lögbundinn samráðsvettvangur fatlaðs fólks, það sem áður var aðgengis- og samráðsnefnd Reykjavíkurborgar.

Það má breyta stjórnsýslu. En það má ekki veikja rödd fatlaðs fólks.

Nefndaskipan er ekki formsatriði þegar hún ræður því hvort fatlað fólk fær raunveruleg áhrif eða bara sýndarsamráð.

Notendaráð fatlaðs fólks á ekki að vera innanhússsamráð velferðarsviðs um „sértæka þjónustu“. Fatlað fólk notar alla borgina: skóla, götur, húsnæði, menningu, sundlaugar, strætó, stafræna þjónustu og allt hitt sem borgin ber ábyrgð á.

Þess vegna þarf samráð fatlaðs fólks að ná til allrar borgarinnar, ekki bara velferðarkerfisins.

Samráð er ekki kynningarfundur eftir að niðurstaðan liggur fyrir eða húsið er hálfbyggt.

Spurningin er einföld:

Styrkir þessi breyting áhrif fatlaðs fólks eða veikir hún þau?

16/06/2026

NPA miðstöðin fagnar 16 ára afmæli sínu í dag 🎉 Við erum stolt af því að gefa handbók aðstoðarfólks út opinberlega, á sjálfum afmælisdeginum, þannig að hún nýtist öllum en ekki eingöngu verkstjórnendum og aðstoðarfólki hjá miðstöðinni 🎈

Hlekkur á handbók í fyrstu athugasemd

04/06/2026

Reykjavíkurborg hefur sýnt að hún getur gert áætlanir þegar hún vill.

Frá árinu 2018 hefur borgin tekið í notkun 21 íbúðakjarna fyrir fatlað fólk. Miðað við s*x íbúðir í hverjum kjarna eru það um 126 íbúðir.

Og það eru áfram til áætlanir um fleiri íbúðakjarna næstu ár.

En þegar kemur að NPA — notendastýrðri persónulegri aðstoð er staðan allt önnur.

Árið 2018 var úthlutað fjármagni fyrir 19 NPA-samningum í Reykjavík. Síðasta ár var úthlutað fyrir 44 samningum.

Það er fjölgun, já. En í dag bíða 42 einstaklingar með samþykkta NPA-umsókn eftir fjármögnun.

Borgin hefur sem sagt viðurkennt réttinn en ekki fjármagnað hann.

Og það sem skiptir máli er þetta:

Það er til áætlun um fleiri íbúðakjarna.

Það er ekki til sambærileg áætlun um að fjármagna samþykktar NPA-umsóknir.

Þetta er ekki bara spurning um peninga. Þetta er spurning um forgangsröðun.

Þegar fatlað fólk á að flytja inn í þjónustukerfi eru til langtímaáætlanir.

Þegar fatlað fólk vill stjórna eigin aðstoð, eigin heimili og eigin lífi er því sagt að bíða.

Réttindi fatlaðs fólks eru ekki valkvæð.

30/05/2026

Ísland mælist hátt á alþjóðlegum lífskjaralistum. Það er gott!

En meðaltöl segja ekki alla söguna.

Þau segja ekki frá fólkinu sem bíður eftir þjónustu, húsnæði, öryggi, aðgengi, framfærslu eða raunverulegu frelsi til að ráða eigin lífi.

Þess vegna er spurningin ekki:
„Hvert ætlum við eiginlega að komast lengra?“

Spurningin er:
Hverjir eru enn skildir eftir, þótt Ísland sé efst á lista?

Hvaða lífskjör á Íslandi finnst þér enn þurfa að bæta?

Settu það í komment.

27/05/2026

Ég fór í morgun út í Viðey á til að athuga hvort það væri raunverulega aðgengilegt.
Ég komst!
En það þýðir ekki að þetta hafi verið aðgengilegt.
Landgangurinn var brattur. Það vantaði almennilegan ramp milli bryggju og ferju. Rafmagnshjólastólnum mínum þurfti að lyfta um borð. Stígar voru brattir og sleipir. Þröskuldar voru háir.
Ég vil samt þakka starfsfólkinu á staðnum sérstaklega. Starfsfólk Faxaflóahafna var frábært, hjálpsamt og viljugt. Borgarfulltrúarnir sem voru þarna fyrir tilviljun hjálpuðu líka til og fá bestu þakkir fyrir.
En það er einmitt málið:
Aðgengi má ekki byggja á heppni.
Aðgengi má ekki byggja á því að nógu margir séu til staðar til að lyfta þér.
Aðgengi er ekki að vera borinn.
Það var kannski gott að borgarfulltrúar fengu þetta beint í æð í morgun og sáu hvað aðgengið er ábótavant. Vonandi verður það til þess að Reykjavíkurborg taki þetta mál alvarlega.
Viðey er hluti af borginni. Fatlað fólk á líka að komast þangað á eigin forsendum.

Address

Reykjavík
103

Telephone

8484155

Website

Alerts

Be the first to know and let us send you an email when Ævintýri Rúnars posts news and promotions. Your email address will not be used for any other purpose, and you can unsubscribe at any time.

Shortcuts

Featured

Share

Category