ICEPRO Iceland Trade Procedures & e-Commerce

14/08/2019

Nú nýverið fékk Icepro styrk frá CEF (Connecting Europe Facility) til að framkvæma könnun um notkun á rafrænum viðskiptaskeytum á Íslandi. Könnunin er hluti af stærra verkefni ICELAND-INV18 sem snýr fyrst og fremst að því að aðstoða átta opinbera aðila, ríkisfyrirtæki og sv...

11/12/2018

Ég minni á kynningarfund um nýja tækniforskrift TS-236 á morgun kl. 15 í Borgartúni 35. Skráning er á https://www.icepro.is/vidburdir/

11/03/2018

Aðalfundur ICEPRO verður haldinn í Kviku Borgartúni 35, fimmtudaginn 22. mars n.k. kl. 12.

20/02/2017

27/12/2016

Ráðstefna til samræmingar rafrænna reikninga

Tækninefnd Staðlasamtaka Evrópu (CEN) nr. 434 héldu ráðstefnu í Barcelona 12-13. október síðastliðinn.
Fulltrúar 19 Evrópulanda mættu á þingið, en löndin sem áttu fulltrúa voru þessi: Ísland, Noregur, Danmörk, Svíþjóð, Finnland, Eistland, Pólland, Þýskaland, Holland, Frakkland, Bretland, Írland, Tékkland, Slóvakía, Austurríki, Rúmenía, Ítalía, Spánn og Portúgal.
Auk þess mættu fulltrúar s*x tengdra vinnu- og tækninefnda, þ.á.m. tækninefnd nr. 440 um rafræn innkaup og tækninefnd nr. 445 um stafræn gögn tryggingarfélaga.
Fjallað var um yfirlit yfir afurðir tækninefndarinnar og umfang. Verkefni nefndarinnar er að útbúa:
1. Evrópustaðal (EN) fyrir merkingarlegt gagnalíkan (semantic data model) fyrir kjarnastök rafrænna reikninga
2. Tækniforskrift (TS) yfir lista málskipana (syntaxes), sem fylgja staðlinum
3. Tækniforskrift (TS) fyrir bindingu málskipana, þ.e. leiðbeiningar um birtingu gagna í hverri málskipan
4. Tækniskýrslu (TR) um samvirkni rafrænna reikninga og burðarlagsins, til að tryggja uppruna og innihald
5. Tækniskýrslu (TR) leiðbeiningar um notkun viðauka við staðalinn m.t.t atvinnuvega og ríkja
6. Tækniskýrslu (TR) um prófanir staðalsins í raunumhverfi
Stefnt er því að ljúka vinnunni í mars 2017.
S*x vinnuhópar gerðu grein fyrir vinnu sinni.
WG1 - Grunngerð merkingarlegs gagnalíkans
WG2 - Listi yfir málskipanir (syntaxes)
WG3 - Binding málskipana
WG4 - Leiðbeiningar um burðarlagið
WG5 - Aðferðafræði um viðauka
WG6 - Aðferðafræði prófana og niðurstaðna
Á fundinum var ákveðið að skipta vinnuhóp WG3 í fimm undirhópa, þ.e. fyrir kjarnastök og fjórar málskipanir:
UBL 2.1 (Universal Business Language) og CII D.16B (Cross Industry Invoice) sem verða bindandi og EDIFACT D.16B og Financial Invoice byggð á ISO-20022 sem verða valkvæðar.
Fundir CEN/TC-434 framundan:
21-22. mars 2017 í Delft í Hollandi, útgáfa staðalsins
september 2017 í Kaupmannahöfn, undirbúningur innleiðingar
nóvember 2017 í Brussel, kynningarfundur framkvæmdastjórnar ESB

Samræming við íslenskar aðstæður ætti ekki að vera stórmál að því er best verður séð.
Íslensk fyrirsæki og stofnanir nota flest tækniforskrift TS-136 frá Fagsaðlaráði í upplýsingatækni.
Sú tækniforskrift byggir á CEN/BII, sem er undirstaðan í nýja staðlinum frá CEN/TC-434.
Eigi að síður þarf að yfirfara lagasetningu og undirbúa innleiðingu hérlendis.
Ætla má að Fagstaðlaráð (FUT) boði til fundar á næstunni um málið.
Upplýst verður um stað og stund þegar að því kemur.

27/12/2016

Samstarf um rafrænan reikning í Evrópu

18.8.2016
Rafrænir reikningar eiga að vera staðlaðir um alla Evrópu frá nóvember 2018. Staðlasamtök Evrópu (CEN) vinna að samræmingu rafrænna reikninga samkvæmt tilskipun 2014/55/EU. Staðallinn verður tilbúinn á næsta ári, en þá tekur við tími innleiðingar og umþóttunar.
Íslendingar taka þátt í smíði þessara staðla. Rafrænir reikningar eru nú þegar í notkun hérlendis og reynt er að tryggja að sú fjárfesting haldi sér sem best. Töluverð reynsla liggur fyrir nú þegar og margir kannast við skammstafanirnar CEN/BII og NES/UBL.

Í Evrópu er leitað leiða til að hjálpa fyrirtækjum og stofnunum við að framfylgja tilskipun 2014/55/EU um rafrænan reikning. Í smíðum er forrit, sem yfirfer gögn og greinir hvort þau séu rétt. Forrit þetta er þróað í samvinnu við sem flesta notendur og hagsmunaaðila. Öllum er velkomið að taka þátt í þessari þróunarvinnu.

Sjóður fyrir samtengda Evrópu (CEF) auðveldar samræmingu og samtengingu á milli Evrópulanda. Stefnt er að hnökralausum rafrænum viðskiptum um alla álfuna. Sjóður þessi kostar þróun samræmingarforritsins, en Matthieu Mayerus frá Wavestone fyrirtækinu kemur fram sem fulltrúi CEF og býður til samstarfs um þróun forritsins. Sjá fyrri hluta skrárinnar CEF Digital.

CEF Digital nefnist sá armur sjóðsins, sem snýr að rafrænni auðkenningu, rafrænni afhendingu, rafrænum reikningum, rafrænni undiritun og rafrænni þýðingu. CEF Digital gefur þátttakendum kost á að skrá sig á öruggan hátt inn á ákveðið vinnusvæði, sem er í þróun. Svæðið nefnist ECAS (EC Access Services). Sjá seinni hluta skrárinnar CEF Digital

ICEPRO veitir fúslega frekari upplýsingar um þetta samstarf.

27/12/2016

Digitalt Danmark - stafræn stjórnsýsla Dana
Í febrúar árið 2006 tóku Íslendingar höndum saman við Dani og aðrar Norðurlandaþjóðir um samvinnu á sviði rafrænna viðskipta. Þetta er því ellefta árið sem við vinnum ásamt frændþjóðunum að eflingu íslensks og norræns atvinnulífs á sviði rafrænna viðskipta. Danir lögleiddu rafræna reikninga hjá sér árið 2005 og nú 11 árum síðar gefa þeir út stefnu um "stafræningu" fyrir árin 2016 til 2020.

Danska ríkisstjórnin hefur náð samkomulagi við samband danskra sveitarfélaga um þjóðlega stafræningu. Ný samopinber "stafrænustefna" (e. digital strategy) á að skapa sterkara og öruggara stafrænt samfélag, samkvæmt tilkynningu til fjölmiðla frá Digitaliseringsstyrelsen (DIGST) þ.e. danskri stjórnsýslu um stafræn mál.

Svipað og hnattvæðing, vaknar fjöldi spurninga við stafræningu. Hvað er stafræning? Hér er átt við að gögnum sé miðlað rafrænt, en ekki á pappír. Skönnun er dæmi um stafræningu, en rafbækur og rafrænir reikningar eru stafræn skjöl. Þá er einkum átt við skjöl sem hægt er að vinna gögn úr t.d. með XML sniði.

Í stefnunni er lögð áhersla á að nýta og endurnýta stafræn gögn en forðast umframgögn og hliðstæð kerfi, þ.e. mismunandi kerfi sem vinna hliðstæð verk. Ætlunin er að við almenningi blasi samstillt stjórnsýsla, sem hægt er að treysta. Stefnt er að notkun opinna staðla, sem allir hafa aðgang að. Búið er að skilgreina 33 mismunandi framtaksverkefni, sem verða innleidd á næstu 4-5 árum. Í þeim verður fjallað um einfalda notkun, endurnýtingu gagna, beitingu upplýsingatækni, vöxt gagna, gagnaöryggi og stafræna færni.

Sjá greinina "Share and reuse interoperability solutions for public administrations" ásamt tenglum.

27/12/2016

Fundur CEN/TC 434 í Lissabon, 6. april 2016

Staðlasamtök Evrópu (CEN) hafa ótal vinnunefndir á sínum snærum. Ein þeirra vinnur að samræmingu rafrænna reikninga um alla Evrópu. Sú er tækninefnd (TC) númer 434 og framfylgir tilskipun 2014/55/EU um rafrænan reikning. Stofnfundur nefndarinnar var 9. sept. 2014 sjá: frétt

Þátttakendur voru 38 frá 16 löndum: Portúgal, Ítalíu, Þýskalandi, Frakklandi, Bretlandi, Spáni, Hollandi, Danmörku, Finnlandi, Noregi, Svíþjóð, Póllandi, Rúmeníu, Tékklandi, Slóvakíu og Eistlandi, auk fjögurra samráðstengiliða frá ESB, GS1 í Evrópu, CEN/WS/eBES og CEN/TC/440.

Stefnt er að útgáfu grunnreiknings, en löndin geta valið sér viðbætur eftir þörfum. Merkingarfræði gagnagrunnslíkansins er einsleitt, en til þess að koma á móts við óskir allra Evrópulandanna var ákveðið að leyfa mismunandi málskipan, þ.e. bjóða nokkrar gerðir ívafsmála.

Ívafsmál

Andrea Caccia, formaður vinnuhóps nr. 4, fjallaði um málskipan.
Fjögur ívafsmál koma til greina:

UBL, Universal Business Language (byggt á CEN/BII)
CII, Cross Industry Invoice
Financial Invoice ISO-20022
EDIfact, Electronic Data Interchange
Öll ívafsmálin eru talin nauðsynleg af vinnuhópnum, en rætt er ákaft um kostnað og nytsemi málanna. Menn skiptast í tvo hópa um fjölda ívafsmála, sem þarf að styðja: Mörg eða fá, jafnvel aðeins eitt. Framkvæmdastjórn ESB vill halda öllum ívafsmálunum, en kallar eftir frekari upplýsingum um kostnað og innleiðingu. Vinnuhópurinn féllst á það og tekur við aths. fram í maímánuð.

Prófanir

Vinnuhópur nr. 6 um prófanir kallar eftir sérfræðingum til að prófa niðurstöðurnar. Sjá Auglýsingu. Umsóknarfrestur er til 29. apríl 2016, verkið hefst í maí.

Úrtak úr skyggnum:

WI006 Test Methodologies and Results
•Semantic Evaluation
•Syntax Testing
•PC review - (hefst í maí, lýkur í júní, tækniskýrsla í júlí)
•Approval stage
–CEN processing August-September
–Approval October - December
–Finalisation January – March 2017
Samstarfshópar (liaisons)

Jostein Frömyr er fulltrúi CEN/TC/440, tækninefndar um rafræn innkaup

Antonio Conte er fulltrúi EMSFEI, "European MultiStakeholder Forum on Electronic Invoicing"

Nýir samstarfshópar:

FIEC (the European Construction Industry Federation) var samþykktur sem samstarfshópur
CEN/TC 445 “Digital Information Interchange in the Insurance Industry” sækir um samstarf
Óskað er eftir tengilið CEN/TC/434 við CEN/TC/445
Ákvarðanir

Nr. 19: Sameina orðanefndir TC434 og TC440 (rafrænir reikningar og rafræn innkaup)
Nr. 20: Greiða atkvæði um samstarfshóp frá TC445 (Tryggingar - stafræn samskipti)
Nr. 21: Greiða atkvæði um endurskipulagningu PC434 í TC434
Nr. 22: Samhæfa vinnu TC434 vegna víxltengsla vinnuhópanna
IAPMEI og GS1 Portúgal var þakkað fyrir góða fundaraðstöðu.

Heimasíða CEN/TC/434=https://standards.cen.eu/dyn/www/f?p=204:22:0::::FSP_ORG_ID:1883209&cs=1E81C9C833655EEDC7010C8D0A2FB786C

European Committee for Standardization.

27/12/2016

Rafrænir reikningar tryggingarfélaga

23.3.2016
Tryggingarfélög
Síðastliðið ár vann ICEPRO með trygginarfélögum að útgáfu rafrænnna reikninga samhliða tryggingarskírteinum. Ákveðið var að byggja á tækniforskrift TS-136 um rafrænan reikning og snerist verkefnið um að samræma hvernig félögin senda upplýsingar rafrænt.

Í októberlok voru kynnt drög að skjali sem nefndist "viðmið fyrir rafræna reikninga tryggingarfélaga", þar sem fjallað er um samræmd heiti eiginda og vöruflokkunarnúmera yfir tryggingar, í samræmi við það sem gerist í Evrópu.

Lokadrög voru send tryggingarfélögunum til samþykktar og síðan félögum ICEPRO til yfirlestrar og umsagnar. Nú er komið að útgáfu þessara viðmiða.

Rætt hefur verið um að í fasa tvö verða teknir fyrir reikningar frá tjónaviðgerðarmönnum.