Jáverk

20/10/2026

Svansvottun á Tryggvagötu.

Föstudaginn 16. október s.l. kom Bergþóra Kvaran frá Svaninum færandi hendi með Svansvottun fyrir íbúðirnar við Tryggvagötu á Selfossi. Guðjón Þórisson, verkefnastjóri auk Gylfa Gíslasonar, framkvæmdastjóra og Sigrúnar Melax, Gæða-, öryggis-, og umhverisstjóra veittu vottuninni viðtöku.

Svansvottun felur í sér strangar kröfur um gæði, umhverfismál og innivist. Á byggingartíma eru framkvæmdar meðal annars rakamælingar og loftþéttleikaprófanir, auk þess sem öll byggingarefni þurfa að uppfylla kröfur Svansins um heilnæmi og umhverfisáhrif.

Við hönnun og uppbyggingu íbúðanna á Tryggvagötu var sérstök áhersla lögð á góða innivist, hljóð- og ljósvist, loftræsingu, orkunýtingu og endingargóð efni. Notkun steypu með lægra kolefnisspori gerði okkur jafnframt kleift að draga úr kolefnislosun vegna steypunnar um ríflega 30%.

Við erum afar stolt af þessu verkefni. Auk vandaðra íbúða hefur verið skapað fjölskylduvænt umhverfi þar sem grunnskóli, sundlaug, líkamsrækt, fjölbreytt þjónusta og nýji miðbær Selfoss er allt í göngufæri. Þarna er stæði í bílakjallara fyrir allar íbúðir, rúmgóðar geymslur og lyfta beint úr kjallara upp á allar hæðir.

Umhverfisviðurkenning. Fjölbýlishúsin við Tryggvagötu 10 og 12 hlutu viðurkenninguna „Fallegasta fjölbýlið“ frá Umhverfisnefnd Árborgar þar sem m.a. kom fram í umsögn dómnefndar: „Allur frágangur lóðar er til mikils sóma og lóðin skemmtileg og vel hirt svo eftir er tekið. Mikill metnaður var settur í að fella hús og lóð að nærliggjandi umhverfi.“

Árangur sem þessi byggir á góðu samstarfi Árborgar, ráðgjafa, undirverktaka og starfsfólks JÁVERK. Við þökkum öllum sem komu að verkefninu fyrir þeirra framlag.

Nánari upplýsingar um Svansvottaðar íbúðir má finna á heimasíðu JÁVERK.

07/08/2026

Umhverfisverðlaun Árborgar 2026

Í gær hlotnaðist JÁVERK sá heiður að Tryggvagata 10-12 var valið fallegasta og snyrtilegasta fjölbýlishúsið í Árborg!

Úr umsögn dómnefndar: „Fallegasta fjölbýlið er Tryggvagata 10-12. Húsið var byggt af JÁVERK og er nýtt og eru fyrstu íbúar farnir að flytja inn. Allur frágangur lóðar er til mikils sóma og lóðin skemmtileg og vel hirt svo eftir er tekið. Mikill metnaður var settur í að fella hús og lóð að nærliggjandi umhverfi.“

Við viljum deila þessum heiðri með hönnuðum og arkitektum, Tark og Landform sem stóðu sig frábærlega, bæði í hönnun húsanna og ekki síður við mótun garðsins og umhverfisins. Þessi viðurkenning er bein afleiðing af þeirri vinnu, metnaði og fagmennsku sem allir hafa lagt í verkefnið.

Við hjá JÁVERK höfum verið ótrúlega stolt af þessari framkvæmd frá upphafi, en það er sérstaklega ánægjulegt að fá þessa staðfestingu frá bæði sveitarfélaginu og íbúunum sjálfum.

Við þökkum öllum sem komu að þessu verkefni fyrir frábært samstarf – þetta er verðlaun sem við eigum öll saman.

Hér er hlekkur á frétt á vef Árborgar: https://www.arborg.is/frettasafn/umhverfisvidurkenningar-sveitarfelagsins-arborgar-2026

04/06/2026

Við hjá JÁVERK höfum lokið Svansvottunarferlinu fyrir íbúðirnar á Digraneshæð. Þar með eru allar 180 íbúðirnar á þessum glæsilega reit milli Menntaskólans í Kópavogi og grunnskólans orðnar Svansvottaðar.

Guðrún Lilja Kristinsdóttir framkvæmdastjóri Svansins og Bergþóra Kvaran sérfræðingur hjá Svaninum afhentu Bergþóri Inga Sigurðssyni verkefnastjóra og Sigrúnu Melax, gæða- öryggis- og umhverfisstjóra JÁVERK vottunina.

Svansvottun felur í sér strangar kröfur um gæði, umhverfismál og innivist. Á byggingartíma eru framkvæmdar meðal annars rakamælingar og loftþéttleikaprófanir, auk þess sem öll byggingarefni þurfa að uppfylla kröfur Svansins um heilnæmi og umhverfisáhrif.

Við hönnun og uppbyggingu íbúðanna á Digraneshæð var sérstök áhersla lögð á góða innivist, hljóð- og ljósvist, loftræsingu, orkunýtingu og endingargóð efni. Notkun steypu með lægra kolefnisspori gerði okkur jafnframt kleift að draga úr kolefnislosun vegna steypunnar um ríflega 30%.

Við erum afar stolt af þessu verkefni. Auk vandaðra íbúða hefur verið skapað fjölskylduvænt umhverfi þar sem Skólatröðin hefur verið gerð að göngugötu og börn geta gengið örugglega í leik- og grunnskóla án þess að fara yfir umferðargötu og Menntaskólinn í Kópavogi er einnig örstutt frá.

Árangur sem þessi byggir á góðu samstarfi Kópavogsbæjar, ráðgjafa, undirverktaka og starfsfólks JÁVERK. Við þökkum öllum sem komu að verkefninu fyrir þeirra framlag.

Nánari upplýsingar um Svansvottaðar íbúðir má finna á heimasíðu JÁVERK.

30/04/2026

17/04/2026

Skoða nánar 👉

16/04/2026

Vanur bílstjóri og kranamaður
Við óskum eftir að ráða áhugasaman meiraprófsbílstjóra með reynslu og kranaréttindi. Starfið felst í stjórnun á vörubílum með krönum og akstur trailera í t í þjónustu við viðskiptavini okkar sem og þjónustu við byggingaverkefni JÁVERK.
Nánari upplýsingar gefur Kristján Ingi Vignisson í síma 860 1701 eða [email protected]
Hæfniskröfur:
• Meirapróf (CE) og vinnuvélaréttindi fyrir krana (D)
• Tala og skilja íslensku
• Stundvísi
• Þjónustulund og sjálfstæði í vinnubrögðum
JÁVERK rekur öfluga krana og flutningaþjónustu og er stefna fyrirtækisins að búa alltaf yfir fyrsta flokks tækjum og starfsfólki til að tryggja viðskiptavinum okkar sem besta og öruggasta þjónustu og starfsfólki okkar góðar vinnuaðstæður.
Æskilegt er að viðkomandi geti hafið störf sem fyrst. Farið verður með allar fyrirspurnir og umsóknir sem trúnaðarmál