KShop Electronics

10/05/2026

កំពុងតម្លើងជូនបន្តៗ សូមជួយរង់ចាំ 🥲🙏

10/05/2026

🙏

លើសស្ករអោយតមផ្អែម
មកហូបមេស្ករមុងព្រូតឥឡូវលាងឈាមហើយ
ទប់ប្រឹងអត់សើចខ្លាចបាប ....................

អ្នកលក់មេស្ករម៉ុងព្រូតមួយថាស្ករនេះផ្អែមតែគ្មានកាឡូរីទេ
ហើយគ្មានជាតិស្ករទៀត។

ក្រោយមកទៀត មានពេទ្យលក់មេស្ករម៉ុងព្រូតនេះដែរ ហើយគាត់ពន្យល់ច្បាស់ថា មេស្ករម៉ុងព្រូតនេះផ្អែមជាងស្ករ១០០ដង។ ខ្ញុំកាត់វីដេអូទុកជាសំអាង ប្រើពេលចាំបាច់។

មេស្ករ អង់គ្លេសគ្មានពាក្យទេ។ ខ្មែរយើងចេះតែហៅមេស្ករ ព្រោះវាប្រើតែបន្តិច ធ្វើអោយផ្អែមខ្លាំងជាងស្ករច្រើនដង។
ពាក្យថាមេ មិនមែន Boss Manager, Leader Mother ទេតែសំដៅលើកំហាប់ខ្ពស់ កំរិតខ្ពស់។

អ្នកប្រើម៉ុងព្រូតនេះ ប្រើទៅ គ្មាននរណាហាមទេ
តែខ្ញុំផ្តាំ ពេលមើលឈាម មើលមុខងារតំរងនោម នឹងអង់ស៊ីមលំពែងផង។ បើនៅល្អ ប្រើក៏ប្រើទៀតចុះ។ តែបើមិនល្អ ហើយចង់ប្រើទៀត ក៏ប្រើចុះ។

ឆ្នាំ២០២៦នេះ មិនដឹងថាអ្នកកើតទឹកនោមផ្អែមថ្មី កើនប៉ុន្មានទៀតទេ។ ឆ្នាំ២០២៤ មាន២៣ម៉ឺននាក់។ ឆ្នាំ២០២៥ មានជិត៣០ម៉ឺននាក់ដែលកើតថ្មី។ ថាទៅមើល ដប់ឆ្នាំទៀត អ្នកកើតទឹកនោមផ្អែមសរុបមានប៉ុន្មាន?

ខ្លះថា ដោយសារខ្ញុំចិញ្ចឹមត្រី ដាំបន្លែ ដាំឪឡឹក ទើបប្រឹងនិយាយរឿងគីមីនេះណាស់។ ប្លុកខ្ញុំចោល ហើយកុំទិញរបស់ខ្ញុំលក់អោយសោះ។ 😁😁😁

ចំលើយទៅអ្នកនិយាយបែបនោះគឺបែបនេះ
នៅស្រុកយើង គ្មានអ្នកចិញ្ចឹមត្រីស្រះប៉ុនខ្ញុំហើយ ទៅដឹកត្រីត្រុកៗមកលក់រាយទេ។ លក់បែបនេះ១០ឆ្នាំ មិនអស់ត្រីមួយស្រះផង។ ហើយក៏គ្មានអ្នកដាំឪឡឹកខ្នាតចំការប៉ុនខ្ញុំ ដាំឪឡឹកហើយលក់រាយដែរ។

សួរថា ចុះដាំអត់គីមីម៉េចបានច្រើនម្លេះ?
១.ទំរាំដាំបានផលច្រើនបែបនេះ ខ្ញុំដាំតាំងពីខែ១២មកម្លេះ។
ខូចរាប់ភ្លេច ទំរាំរកវិធីកាពារដើមកុំអោយសត្វល្អិតបំផ្លាញ។
ខ្ញុំបណ្តុះកូន១០-១៥ថ្ងៃក្នុងស្បៃ ទើបយកទៅដាំ។
ដើមធំវែង សត្វបំផ្លាញមិនទាន់ទេ។ បាញ់ថ្នាំ ម្ទេស រំដេងពន្លៃគួបផ្សំផង។ ឪឡឹកនេះសំបកក្រាស់ណាស់ សត្វស៊ីមិនដល់លឿនទេ។ បុគ្គលិកដើរមើលដង្កូវរាល់ថ្ងៃ។
២.៦-៧វគ្គកន្លងមកនេះខូចគ្មានបានផលប៉ុន្មានទេ។ ក្រោយការពារដើមបានល្អ ទើបផលកើន។
៣.ដីនេះ ជីខ្លាំងណាស់។ ខ្ញុំទិញដីនេះ ដើមឆ្នាំ២០២២។ ដីដែលខ្ញុំធ្វើដំណាំផ្សេងខ្ញុំធ្វើធម្មតា។ តែដីដែលដាំឪឡឹកនេះ គឺខ្ញុំទុកចោល ក្រែងម្ចាស់មុនដាំដុះប្រើជីគីមីច្រើន គឺទុកអោយសាបថ្នាំ នឹងបង្កើនជីជាតិលើដី។ ខ្ញុំត្រៀមត្រឹម២០ហិចតាសំរាប់ដាំដុះ។
៤.ខ្ញុំបន្ថែមអាច់គោ ចាក់លើដី មុនភ្ជួរ។ តែដីនេះ ដូចខ្ញុំធ្លាប់បង្ហាញ ជាដីខ្មៅមានជីជាតិ។

ចុះម៉េចបានខ្ញុំលក់រាយ?
ចាំថ្ងៃណាចេះគិត ចាំមកសួរខ្ញុំម្តងទៀត

10/05/2026

ប្រវត្តិសាស្រ្ថត្រូវដឹង 🙏

09/05/2026

ក្មេងផុសលេង កុំទៅប្រកាន់ពេកមេៗ អនុគ្រោះបាន ក៏អនុគ្រោះទៅ🙏

09/05/2026

ពូកែឆ្នៃមែន 🤣🤣🤣

09/05/2026

ទំនិញបន្តឡើងថ្លៃ...

08/05/2026

នៅក្នុងទំនាក់ទំនងអន្តរជាតិ ជាពិសេសជាមួយប្រទេសជិតខាងដែលមានព្រំដែនជាប់គ្នា បញ្ហា «ព្រំដែន» ជារឿយៗជាបញ្ហារសើបដែលតម្រូវឱ្យមានក្របខ័ណ្ឌចរចាច្បាស់លាស់ និងម៉ត់ចត់មួយ។ បច្ចុប្បន្ននេះ អនុស្សរណៈនៃការយោគយល់គ្នា (MOU) ចំនួនពីរដើរតួនាទីយ៉ាងសំខាន់ក្នុងការបង្កើតទំនាក់ទំនងកំណត់ព្រំដែនថៃ-កម្ពុជា៖ អនុស្សរណៈនៃការយោគយល់គ្នា ឆ្នាំ ២០០០ និង ២០០១។ ទោះបីជាពួកវាមានឈ្មោះស្រដៀងគ្នាក៏ដោយ តែពួកវាមានគោលបំណង និងផ្នែកទទួលខុសត្រូវខុសគ្នាទាំងស្រុង។

១. អនុស្សរណៈយោគយល់គ្នា (ថៃ MOU ២៥៤៣ ឬ MOU ៤៣) ឬ អនុស្សរណៈនៃការយោគយល់គ្នាឆ្នាំ ២០០០ (MOU ២០០០) រវាងរដ្ឋាភិបាលថៃ និងរដ្ឋាភិបាលកម្ពុជា ទាក់ទងនឹងការវាស់វែង និងកំណត់ព្រំដែនគោក។
គោលបំណង៖ ដើម្បីរួមគ្នាវាស់វែង និងកំណត់ព្រំដែនដោយផ្អែកលើព្រំដែនដែលបានព្រមព្រៀងគ្នាពីមុន ស្របតាមឯកសារដូចខាងក្រោម៖
- អនុសញ្ញាសៀម-បារាំង ឆ្នាំ១៩០៤
- សន្ធិសញ្ញាសៀម-បារាំង ឆ្នាំ១៩០៧
- ផែនទីពាក់ព័ន្ធដែលរៀបចំដោយគណៈកម្មការកំណត់ព្រំដែនបារាំង-សៀម (កន្លងមក)
- ឯកសារផ្សេងទៀតទាក់ទងនឹងការអនុវត្តអនុសញ្ញាឆ្នាំ១៩០៤ និងសន្ធិសញ្ញាឆ្នាំ១៩០៧ រវាងបារាំង និងសៀម។

យន្តការចរចា៖ «គណៈកម្មការព្រំដែនចម្រុះ» (JBC) ត្រូវបានបង្កើតឡើង ដែលមានមុខងារដូចខាងក្រោម៖
- រួមគ្នាវាស់វែង និងកំណត់ព្រំដែនគោកតាមបណ្តោយព្រំដែនទាំងមូល។
- រៀបចំផែនការមេ និងកំណត់ការទទួលខុសត្រូវ។
- ផ្តល់អាទិភាពដល់តំបន់សំខាន់ៗ និងបង្កើតក្រុមបច្ចេកទេសដើម្បីធ្វើការលើដីជាក់ស្តែង។
- អនុគណៈកម្មាធិការបច្ចេកទេសចម្រុះ (JTSC) ត្រូវបានប្រគល់ភារកិច្ចឱ្យកំណត់ទីតាំង និងផ្ទៀងផ្ទាត់ទីតាំងពិតប្រាកដនៃបង្គោលព្រំដែន និងរៀបចំផែនទីថ្មី។

២. អនុស្សរណៈយោគយល់គ្នា ២៥៤៤ (MOU ៤៤) ឬអនុស្សរណៈនៃការយោគយល់គ្នា (MOU ២០០១)រវាងរដ្ឋាភិបាលនៃព្រះរាជាណាចក្រថៃ និងរដ្ឋាភិបាលនៃព្រះរាជាណាចក្រកម្ពុជា ទាក់ទងនឹងការទាមទារតំបន់សមុទ្រត្រួតស៊ីគ្នារវាងប្រទេសថៃ និងកម្ពុជា (ចុះហត្ថលេខានៅថ្ងៃទី១៨ ខែមិថុនា ឆ្នាំ២០០១)។

គោលបំណង ៖ ជាកិច្ចព្រមព្រៀងបណ្ដោះអាសន្នមួយ ដើម្បីដោះស្រាយបញ្ហាការទាមទារតំបន់សមុទ្រដែលត្រួតស៊ីគ្នា (Overlapping Claim Area, OCA) មានទំហំ ២៦០០០ គីឡូម៉ែត្រការ៉េ។ ប្រេងនិងឧស្ម័នក្នុងតំបន់នេះត្រូវបានគេវាយតម្លៃថាមានតម្លៃប្រមាណជា ៣០០ពាន់លានដុល្លា គឺ​ស្ថិត​ក្នុង​តំបន់តភ្ជាប់ និង​តំបន់សេដ្ឋកិច្ចផ្តាច់មុខរបស់កម្ពុជា Cambodia's Exclusive Economic Zone (EEZ) (បើឈរលើគោលការណ៍ UNCLOS)។

បញ្ជាក់នេះជាកិច្ចព្រមព្រៀងទ្វេភាគីតែមួយគត់ដែលមានសម្រាប់ដោះស្រាយព្រំដែនសមុទ្រ តែថ្មីៗនេះថៃបានដកខ្លួនចេញជាឯកតោភាគីបាត់ទៅហើយ។

យន្តការចរចា ៖ គណៈកម្មាធិការបច្ចេកទេសចម្រុះ (JTC) ត្រូវបានបង្កើតឡើង ដើម្បីចរចាលើបញ្ហានេះ ដោយផ្អែកលើច្បាប់អន្តរជាតិជាគោល (UNCLOS)។

ចំណុចសំខាន់៖ «ការចរចាត្រូវតែធ្វើឡើងក្នុងពេលដំណាលគ្នា មិនមែនដោយឡែកពីគ្នាទេ»។ អនុស្សរណៈនៃការយោគយល់គ្នាឆ្នាំ ២០០១ គ្រាន់តែជា «កិច្ចព្រមព្រៀងបណ្ដោះអាសន្ន» ដើម្បីបើកផ្លូវសម្រាប់ការចរចាតាមរយៈ «គណៈកម្មាធិការបច្ចេកទេសចម្រុះ» (JTC) ដោយប្រើប្រាស់ច្បាប់អន្តរជាតិជាលក្ខណៈវិនិច្ឆ័យ។ ទិដ្ឋភាពសំខាន់បំផុតគឺការបែងចែកផ្នែកចរចាជាពីរផ្នែក ដែលត្រូវតែចរចាក្នុងពេលដំណាលគ្នាដូចខាងក្រោម៖

- តំបន់ខាងលើ (លើសពីរយៈទទឹង ១១ ដឺក្រេខាងជើង) ៖ ចរចាដើម្បីកំណត់ព្រំដែនសមុទ្រឲ្យបានច្បាស់លាស់។
- តំបន់ខាងក្រោម (ក្រោមរយៈទទឹង ១១ ដឺក្រេខាងជើង) ៖ ចរចាបង្កើត "តំបន់អភិវឌ្ឍន៍រួមគ្នា" (JDA) សម្រាប់ការប្រើប្រាស់ធនធានធម្មជាតិកាតរួមគ្នាដែលកប់ក្នុងបាតសមុទ្រក្នុងតម្លៃប្រមាណជាង។

លក្ខខណ្ឌសំខាន់គឺថា "ភាគីទាំងពីរត្រូវតែធ្វើក្នុងពេលដំណាលគ្នា មិនអាចធ្វើដោយឡែកពីគ្នាបានទេ"។ នេះមានន័យថា ប្រសិនបើមិនអាចឈានដល់កិច្ចព្រមព្រៀងផ្លូវការណ៍លើការចែករំលែកប្រាក់ចំណេញពីធនធានធម្មជាតិបានទេ បញ្ហាព្រំដែនសមុទ្រនេះមិនអាចដោះស្រាយបានទេ។ ដូចជាក់ស្តែងកន្លងមកធ្លាប់បានប្រជុំចំនួន ០៥ ដងរួចមកហើយក៏ប៉ុន្តែមិនអាចសម្រេចបានឡើយ ដូចនេះហើយបញ្ហាដែនសមុទ្រនេះបន្តអូសបណ្លាយរហូតមកទល់សព្វថ្ងៃ។

អត្ថបទដោយ៖ វៀង ហួរ
#កម្ពុជាថៃ #ព្រំដែន

08/05/2026

លើសពីការគិតរបស់ខ្ញុំ និងអ្នកវិភាគផ្សេងៗទៅទៀត
តាមរយ:បណ្ដាញរបស់ខ្ញុំ បានរាយការណ៍មកថា សេដ្ឋកិច្ចប្រទេសថៃ ដាំក្បាលចុះខ្លាំងណាស់ ។ ពេលនេះ អនុធីនកំពុងក្លាយជាផ្ទាំងស៊ីបរបស់ប្រជាពលរដ្ឋ ហើយប្រទេសនេះកំពុងកើតការតវ៉ាយ៉ាងខ្លាំង ទាំងផ្នែកកសិកម្ម ឧស្សាហកម្ម ពាណិជ្ជ... ដែលបាត់បង់ទីផ្សារ ។

ប្រទេសថៃបង្កទំនាស់ជាមួយប្រទេសជាច្រើន ជាពិសេសប្រទេសដែលធ្លាប់តែជាដៃគូពាណិជ្ជកម្មរកស៊ីជាមួយខ្លួន ដែលបណ្ដាលអោយប្រទេសនេះស្ទើតែបាត់បង់ទីផ្សារទាំងស្រុង។

ការពិតទៅពីមុនមក កម្ពុជាហ្នឹងហើយ ដែលជាដង្ហើមសេដ្ឋកិច្ចដ៏ធំរបស់ថៃ ។ នៅពេលបាត់បង់ទីផ្សារជាមួយកម្ពុជា ថៃដួលផ្កាប់មុខ ហៅលែងលឺ។
ដូច្នេះការពហិការរបស់បងប្អូន ដោយមិនទិញ និងប្រើប្រាស់ទំនិញថៃ ខ្លាំងលើសការធ្វើសង្រ្គាមទៅទៀត។
សូមបន្តពហិការ🙏