Adorable Monk

21/06/2026

បើគ្មាននរណាលើកទឹកចិត្តអ្នកទេ កុំភ្លេចលើកទឹកចិត្តខ្លួនឯង។ អំពើល្អ ទឹកចិត្តល្អដែលអ្នកបានសាង មិនរត់ចោលអ្នកទេ។ ឈានដើរទៅមុខ ឆ្លងកាត់ការលំបាកនេះ ដោយស្មារតីស្វាហាប់ ផលល្អនឹងបានសម្រេចដល់អ្នកសាងល្អ។

20/06/2026

ពាក្យថា (បាបទាំងពួង)

20/06/2026

ចំណេះដឹងកើតដោយអង្គ៤ មាន : សុ ចិ បុ លិ 🌹

20/06/2026

20/06/2026

🥀បើថានឹងជារឿងចង្រៃ ខ្លួនយើងនិងចង្រៃជាងអីទៅទៀត🪷☸️ #លោកគ្រូសានសុជា

20/06/2026

[៥០] រឿងសេដ្ឋីបុត្រប្រេត ទី ១៥
(បិដក.៥៦/ទំព័រ.១៣២)
‘‘សដ្ឋិវស្សសហស្សានិ, បរិបុណ្ណានិ សព្វសោ;
និរយេ បច្ចមានានំ, កទា អន្តោ ភវិស្សតិ។’’
(ពួកសត្វនរកស្រែកថា) ពួកយើងនេះនៅក្នុងនរកពេញប្រាំមួយម៉ឺន (៦០.០០០) ឆ្នាំគ្រប់គ្រាន់ តើទីបំផុតនឹងមានក្នុងវេលាណា។
‘‘នត្ថិ អន្តោ កុតោ អន្តោ, ន អន្តោ បដិទិស្សតិ;
តថា ហិ បកតំ បាបំ, តុយ្ហំ មយ្ហញ្ច មារិសា។’’
ពួកយើងមិនមានទីបំផុតទេ ពួកយើងនឹងមានទីបំផុតមកពីណា ទីបំផុតនឹងមិនប្រាកដដល់យើងឡើយ ម្នាលអ្នក ព្រោះតែខ្ញុំក្តី អ្នកក្តី បានធ្វើបាប។
‘‘ទុជ្ជីវិតមជីវិម្ហ, យេ សន្តេ ន ទទម្ហសេ;
សន្តេសុ ទេយ្យធម្មេសុ, ទីបំ នាកម្ហ អត្តនោ។’’
ពួកយើងរស់នៅដោយលំបាក ព្រោះទេយ្យធម៌មាន យើងមិនបានឱ្យ កាលទេយ្យធម៌មាន យើងមិនបានធ្វើទីពឹងដល់ខ្លួនសោះ។
‘‘សោហំ នូន ឥតោ គន្ត្វា, យោនឹ លទ្ធាន មានុសឹ;
វទញ្ញូ សីលសម្បន្នោ, កាហាមិ កុសលំ ពហុ’’ន្តិ។
ប្រសិនបើខ្ញុំបានរំដោះចាកនរកនេះទៅ បានកើតជាមនុស្ស សូមជាអ្នកបរិបូណ៌ដោយសីល ធ្វើកុសលឱ្យច្រើន អំពីកាលដឹងក្តីទៅ។
ចប់ រឿងសេដ្ឋីបុត្រប្រេត ទី ១៥​​​។

20/06/2026

💡កំណាព្យព្រះអង្គផ្ដែផ្ដាំចំពោះយុវជនអ្នកនៅវត្ត

ហៃពួកយុវជនអ្នកកម្សត់
បើកុំបានវត្តជ្រកអាស្រ័យ
សមអ្នកនឹងឥតមានតម្លៃ
យប់ថ្ងៃហួសទៅឥតប្រយោជន៍។

គួរអ្នកកុំភ្លេចវត្តលំនៅ
ទោះអ្នកចេញទៅឆ្ងាយស្រឡោច
គួរដឹងគុណវត្តកុំបង្ហោច
ប្រយោជន៍និងផលផ្តល់ពុំខាន។

បើមានគេសួរពីការរៀន
ចំណេះរបៀនទាំងប៉ុន្មាន
អ្នកកុំនិយាយបង្វែងដាន
ត្រូវប្រាប់ថាបានចេះពីវត្ត។

កុំពោលបង្អួតពួកស្រីៗ
ត្រូវស្តីតាមត្រង់កុំបំភ្លាត់
បំប្លែងបំផ្លើសបំភ្លេចវត្ត
ក្រែងទោសទាញទាត់ឱ្យវិនាស។

បាយវត្តជាភោជន៍មានព្រលឹង
គួរនឹករំពឹងកុំទីសទាស
នាម៉ឺនមន្ត្រីមកពីរាស្ត្រ
គឺរាស្ត្រឡើងទៅជាមន្ត្រី។

បាយផ្ទះបាយវត្តដូចជាគ្នា
ចម្អែតអាត្មាមានជីវី
ឆ្អែតហើយរៀនសូត្រចេះខ្ទេចខ្ទី
មុនីកើតមានដោយសារវត្ត។

សាធុ ! សូមឱ្យអ្នកបានសុខ
និរទុក្ខនិរភ័យសិរីភ័ទ្រ
ជាជនសប្បុរសរបស់រដ្ឋ
មានបែបមានបទប្រសើរហោង។

សម្តេចព្រះមហាសុមេធាធិបតី (ជួន ណាត ជោតញ្ញាណោ) ថ្ងៃទី១៦ ឧសភា ១៩៦៣

20/06/2026